地產論壇
登入名稱
密碼
頁數:
負數其實是無限大
瀏覽人次:20230    回應:9

負數其實是無限大

 

湯文亮博士

紀惠集團行政總裁
2020年4月24日

  我少時在澳門生活的時候,阿媽並不阻止我去賭錢,不過就要緊守一個原則,就是可以輸哂口袋裡的錢,不能向別人借錢。因為口袋裡的錢是有限,問別人借錢即是負數,那些人會向家裡追債,負數是無限大。一定要緊守這個原則,如果不能夠就寧願一世唔好賭錢。

  有老友在油價出現負數之前平哂倉,雖然仍然有損失,但可以說是執番身彩。我問佢點解咁叻,佢話留意到一段消息,就是在4月8日,芝加哥期貨交易所將期油最低由0.01美元改為無限低,即是容許油價跌至負數。他知道負數即是無限大,如果唔平倉可能會輸死。我問佢點解唔將他的理解公諸於世,老友話曾經考慮過,但睇到匯豐不派息的事件,我不斷畀人攻擊,如果他的理解錯誤,就賣身都唔掂。現在做評論,不求有功,但求無過。

  其實,我到今日都不明白,點解咁多不記名的人借匯豐不派息事件攻擊我?後遺症就是評論文章會轉趨保守,評論員不敢發表一些假設性見解,並不有利於投資者。

  近幾日油價出現負數,大家認為匪夷所思,但又唔知點解。其實並不出奇,開工廠的人就會明白,他們有時會接到一些DA單,即是買家收貨才可以去銀行兌現。不過,不時會發生就當貨物去到目的地,買家拒絕收貨,唔收貨DA單就無效,買家可以唔畀錢,賣家唯有將貨物運回。在運回之前又要畀倉租,都唔知道損失幾多錢。到最後,廠家可能會貼錢畀買家收貨。在期油負數事件,買家其實必須要收貨,如果唔想或者冇能力收貨,就要貼錢畀下一位買家,整件事關鍵就是原油期貨交易所容許油價跌至負數。如果沒有改例的話,每桶油最少攞返0.01美元,買原油期貨的人輸少很多錢。

負數其實是無限大
1. 十一哥
2020-04-24 10:43
袋重子彈、疴煙搏起個孖寶、得唔得都起錨即走、識嘅廳主都話個個咁賭法..實梗要着草。


2. 自稱路人
2020-04-24 13:13
唔係用家而走去買賣期貨 , 即係為小利替用家承擔風險 !
3. 乜春
2020-04-24 15:22
今次期油交易所改例,擺明係開綠燈畀沽空期油嘅對沖基金夾死買期油嘅人;即係搬龍門明益對賽雙方其中一方,既然對手有球證偏幫,踢多一個,咁你想唔輸都難啦!下話?
哈哈
4. 乜春
2020-04-24 15:51
蒙受損失期油商係有權透過法律途徑,追究期油交易所突然改例,令交易變得唔公平。甚至應該調查有冇人收受利益改變遊戲規則。
唔係話民主國家保障每個個人(或法人/公司)權利嘅咩?原來天下烏鴉一樣黑!民主?哈哈
5. yyfan
2020-04-24 17:58
應該是D/P單,documents against payment.

D/A是documents against acceptance,好少客會唔收貨,因爲簽個名就可以從銀行拿走單証去提貨,到期比唔比錢唔關銀行事
6. 仲記唔記得
2020-04-24 18:18
仲記唔記得,匯豐從幾時開始衰落?

匯控在2003年收購美國次按貸款公司Household International。就係從呢下開始。

美國對外資從來都係輸打贏要。

2008年,都係開印炒機印錢,點解救高盛唔救雷曼兄弟?是否因爲雷曼迷債的債主大多數係外國人。不妨霖霖。英國同美國咁親,BP都俾奧巴馬敲一筆。匯豐投資美國,仲唔肉下罰到你無命。

玩美股,玩美國期貨,投資美國,無事就無事,有事你係第一個犧牲的人,因爲你唔繫美國公司,人地規則隨時改,告佢,曬弃。
7. 仲記唔記得
2020-04-24 18:37
差d唔記得新近仲有個香港人權法。我已經好耐無留意匯豐資産係美國仲有幾多,如果多下話,最好搵機會轉翻出去。印鈔如果行唔通,人地有權髮窮噁。撈底5號之前,要計埋呢樣。
8. bailouts
2020-04-24 20:22

Trump Organization seeks coronavirus bailouts for president's golf resorts in Ireland and Scotland

9. 元朗真香港人
2020-04-24 22:33
6樓,呢條問題都問了十多年。

雷曼根本是香港人,新加坡人填潭。 

有預謀的强盗行為。

但香港人聲都唔肯出!
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。