地產論壇
登入名稱
密碼
頁數:
穀賤傷農,油賤傷隆
瀏覽人次:20624    回應:10

穀賤傷農,油賤傷隆

 

湯文亮博士

紀惠集團行政總裁
2020年4月22日

  昨日油價下跌至37.63美元一桶,真的是前所未見,比起美股一個月內5次溶斷更離奇。有人話油價負數,是不是可以用油商貼埋大床嫁女來形容。這個比喻唔錯,不過就有禮金冇大床,更加冇地方安置張大床。現在雖然買油的人有回贈,但就要他們自己搵地方儲存,如果沒有地方儲存,有金都執唔到。

  有人問點解油價會大跌。老實說,太深奧我唔識得講,但我認為產油國基於某些戰略原因,早已有計劃大量增產。本來,增產即使令油價下跌,都唔會跌得太過離譜,但很不幸遇上百年難得一見的新冠肺炎病毒,不是單一地區或者國家,而是全世界都受到影響。航班停飛,郵輪停航,各國各地封關封城,行車燃油用量大減,不但令到油價跌上加跌,而且原油庫存量爆燈。多出的原油又不能傾倒入大海,油商唯有貼錢賣油,大家有幸,見證百年難得一見的事。

  大家都知道,豐收對於農夫來說並不一定是好事,奸商會承機壓價收購農作物。如果農夫沒有組織,隨時不但要白忙一甚至要賠錢,真的是為誰辛苦為誰忙,農民自嘲叫這做穀賤傷農。不過,如果農夫有默契,可以銷毀部份農作物,將供應量維持在緊張狀態,農民才可以有合理收入,才可以生存。倘若農民不能生存,就沒有人耕種,過了一段時間,農作物物價就會因供應嚴重不足而大幅上升,受害的又將會是一般小市民。雖然話穀賤傷農,但最終受害者都是一般小市民。

  今次油價大跌,暫時受損最重的應該是新加坡興隆,據聞輸了30億美元。新加坡政府可能要抬錢補鑊,總理話,原來穀賤傷農,油賤傷隆

穀賤傷農,油賤傷隆
1. 十一哥
2020-04-22 09:45
香港地產大孖沙就係實踐咗農民默契嘅力量、批發商正苦默契配合、老表叠水/QE各種有利因素…香港得享10幾年座享其成嘅繁華、地賤傷錢袋嘅情況梗唔會發生、福兮禍所伏…呢時段成長嘅一代…智商/抗逆/視界…能力都好呵呵。
2. O
2020-04-22 10:01
有一班人高智高智既香港人,同樣相信攬炒救港呢下先頂癮。
3. lol
2020-04-22 14:21
負數油價,多多買起,是否即有錢收?
4. 真真薯片
2020-04-22 15:12
阿爺應該趁機買起成個油田
5. 引刀一快
2020-04-22 15:30
真真兄

中國買起俄羅斯油田,就隨時得個俾字,如果買中東油田,咁中國就開始漫長嘅恐怖歲月。
依家廣州上地鐵火車長途巴,一律X光check行李,仲走去惹佢地?
6. 真真薯片
2020-04-22 19:42
刀兄,中銀好似中左一大筆負油價期貨,轉唔到倉去下個月,依家焗客食左佢

以中銀既能力,如果阿爺出手,理論上可以負油價交收現貨,但係唔知點解執行唔到
7. 十一哥
2020-04-22 21:06
this HTML class. Value is https://youtu.be/B06
老友啱先介紹洗師傅講場…值得睇!
8. 十一哥
2020-04-22 21:16
真係要江湖出身…先至可以上得擂台。

9. 引刀一快
2020-04-22 21:49
真真薯片兄

點焗法?係焗法,還是焗發?😜😜
10. 八聯
2020-04-23 01:42
上次庚子年八國聯軍只死咗幾十人,今次庚子年疫情未過,八國聯軍已經死咗十幾萬,最終埋單時可能死過百萬人,張單應該唔平。中國冇錢賠,可不可以扔氫彈還。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。