地產論壇
登入名稱
密碼
頁數:
未置業者慎防政府突然撤辣
瀏覽人次:17963    回應:18

未置業者慎防政府突然撤辣

 

湯文亮博士

紀惠集團行政總裁
2020年4月16日

  如果有人問我政府是否應該撤銷壓抑樓市的辣招印花稅。就算問我100次我都會話不應該,亦睇唔到政府有撤辣的跡象。不過,現在局勢有所不同,在連續不斷的社運以及新冠疫情夾擊下,經濟環境急劇下降,不少業主被迫要賣走在這兩、三年內買入的住宅單位,賬面上可能要蝕錢,但仍然要付SSD。所以,我認為政府應該給予那些被迫賣樓人士一度逃生門,最簡單方法就是撤銷SSD。雖然有人會話在那些人在買樓時早已知道有SSD存在,現在只不過承擔責任,我亦不反對,但大家又何嘗想到出現社運以及新冠疫情,尤其是新冠疫情已經引致全球大爆發,屬於不可抗力事件,政府撤銷SSD是回應時勢所需,解民之所困。

  其實,撤銷SSD對於樓市影響不大,更加不會令成交量上升,政府下一步應該考慮放寬15%印花稅, 令到已經有樓的業主可以多買一個或者幾個單位。雖然此舉可能會影響未買樓的人,他們如果要買樓必定要令出更高價錢。不過,政府推出DSD,以及15%印花稅已經七、八年,要買的早已買了,15%印花稅亦不能夠永遠存在,否則,就會影響樓市正常運作,而這條辣招有一個不良效果,就是在過往一段時間,有不少父母資助子女買樓,目的是逃避15%印花稅。但是,子女們未必懂得理財,有樓在手,猶如有一張高用額的信用咭,有需要甚至冇需要的時候可以隨時問財仔借錢。現在不少急於賣樓的人亦是因為問財仔借了錢,如果取消15%印花稅,父母可以用自己的名義買樓,怎樣說都比較安全一些。至於BSD,政府可考慮減百分比,令到多一些國內人能夠在香港置業,對搞活香港樓市怎樣說都會起到一些正面作用。

  如果大家了解到政府有機會突然撤辣,賣樓的人要付SSD就應該等一下。否則,賣走之後政府突然宣布取消SSD他們無端端多付10%印花稅。與此同時,未買樓的人亦要積極一點睇樓,否則政府突然取消BSD或者l5%印花稅,不但樓價會突然上升,而且那些未有樓的人競爭力一定不及已經有樓的人,他們要買樓亦不是那麼容易。所以,要買樓就要趁早,太多思考反而累事。雖然,我仍然不贊成撤辣,但時移世易,就好似新加坡,新冠疫情開始時鼓勵市民不戴口罩,現在唔戴就罰款200坡元。現在贊成撤辣並不是出爾反爾,甚至連轉軚也不是,是形勢有所改變。形勢變,政策亦要變,這才是一個負責任的政府。

未置業者慎防政府突然撤辣
1. 元朗真香港人
2020-04-16 11:07
新加坡唔叫人帶口罩,因為當時冇貨。

而家啊爺每天數億個,大把貨。所以新加坡逼人民帶。

樓市一樣,政府也應大把貨在手,到時先取消辣椒。
2. 多嬴格局
2020-04-16 11:43
撤銷BSD, 好多大灣區有錢人又會湧入香港買樓,只要樓價一升,一定會帶動百業,香港想衰都難。
3. 腥港人
2020-04-16 11:51
睇到未來幾年個供應量,就知好難撤辣。
4. 忍者
2020-04-16 12:19
其實唔一定撤既,減咪得囉,每次減少少,試吓市場反應先。
5. 博士 Follower
2020-04-16 12:27
Thank you 博士
6. Hi哥
2020-04-16 13:17
可以考慮三年內蝕賣樓不用交SSD,賺賣要。
7. MT
2020-04-16 13:41
博士成日話唔讚成撤辣,但又成日講,好難唔懷疑你動機
8. 大小姐
2020-04-16 14:59
明知會谷高樓價仲叫正苦撤辣,對得起辛苦儲錢都買唔到樓嘅香港人嗎?
9.
2020-04-16 15:25
聰明的政府政策,應該懂得保護社會中堅企業,和壯大建設力量,同時削弱和排擠破壞源頭。
10. 買唔起啲人
2020-04-16 15:42
博士話:"雖然此舉可能會影響未買樓的人,他們如果要買樓必定要令出更高價錢,不過,政府推出DSD,以及15%印花稅已經七、八年,要買的早已買了。"

買得起啲人真的可能己經上咗車,但買唔起啲人重有好多,等平啲先夠錢買,大多數都是年輕中產,博士咁講對得起這班人嗎?

11. 波叔
2020-04-16 19:11
波叔唔想 孭鑊,做多錯多。
12. 逆周期措施
2020-04-16 20:09
政府鍾意玩逆周期措施,如今樓市急跌,今年在撤辣的同时,可以加甜,推出負印花稅,所以買樓買家調轉有稅錢收,買一手又有回佣向agent收,去銀行借錢又有利息現金回贈收,香港樓價想唔升都難。






13. 財仔
2020-04-16 20:13
現在不少急於賣樓的人亦是因為問財仔借了錢.

其實博士想幫財仔,這句的機是財仔想散貨,但有SSD就可能賣唔出或收唔足本。
14. 鳥5
2020-04-16 22:46
USA QE & 減辣會令香港樓市升???有冇諗過其實都係跌呢!大部人諗緊D2樣其實都係諗錯呢?未上車,請你忍埋出年年尾!大戶正準備大手派!5派佢地5掂!
15. 鳥5
2020-04-16 22:49
坐下係D果場隨口噏十中八!賭5過老友!
17. 路過
2020-04-17 04:39
博市,做人公道啲,唔好輸打贏要,之前都講過政策風險都係風險,疫症風險都係風險,大家都一年前都話唔怕,依家又要人撤辣,買個時預供廿幾三十年,唔係覺得廿幾三十年都一路平穩直到人地幫你供完樓退休生埋孫嘛?你睇下黎緊幾年供應量先?買左自住既,我諗死慳死抵都會供到,但係投資既,請記得一切投資都有風險,到有風險事大家就想搬龍門逃生?咁絕對係政策傾斜
18. 路過
2020-04-17 04:46
另外二三線財仔根本就係大耳O,我識人借錢個陣叫佢過隔離舖俾手續費,咩手續費?根本就係中介,不斷做犯法野,抵幫咩?香港就係俾依啲人搞亂哂,成條線根本就有問題,有幾多地方好似香港咁畸形有咁多二三線財仔架?大家仲覺得正常無問題,根本就係搵塊污糟布摭住啲污糟野
19. 引刀一快
2020-04-17 07:11
鳥5兄

今次可能有啲唔同,阿爺依家印緊銀紙,好大機會開條路俾人落嚟掃貨,進一步進駐香港,借香港錢買香港樓。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。