地產論壇
登入名稱
密碼
頁數:
政府會不會宣布取消所有租約
瀏覽人次:15858    回應:9

政府會不會宣布取消所有租約

 

湯文亮博士

紀惠集團行政總裁
2020年4月14日

  復活節假期第一日,有很多資深物業投資者打電話畀我,他們睇到老施訪問,除了話政府官員減薪是屎橋之外,更加叫政府宣布香港為戰時狀態,取消所有現時租約,租客與業主可以因應疫情形勢重新簽定新租約。與此同時,更頒令法庭不能要理欠租事宜,不少投資者畀佢嚇到失魂,如果老施的提議獲得通過,他們要宣布破產。我話少擔心,老施只不過是語出驚人,近日叫政府撤辣,政府又理佢,講一些吸引眼球的說話而已,大家不用擔心。

  物業投資者可能忽略了一件事,老施只是叫政府立例取消所有租約,以及法庭不受理欠租的事,並不是取消所有合約。因為,租客唔使交租,一定是受歡迎,但老施又唔想做醜人,於是叫政府做,說什麼現在是戰爭狀態。其實,不少明眼人都知道,老施租了很多舖位及寫字樓,如果由租客與業主根據疫情重新簽定租約,業主不但冇租收,還有可能要貼錢畀老施。之後,業主與租客簽定新租約的時候,少不免要搵物業代理幫手,最大得益者我唔講大家都知道。不過,大家亦少擔心,政府根本不會這樣做,在過去咁多年,咁多人叫政府出租管,最近又叫政府撤招,政府連回應也沒有。咁大件事,又點會做。至於有人問,點解老施明知不可為而為之,在某個程度上對某些人交差,可以大大聲講,已經叫咗政府取消所有租約,是政府不願意做,而不是他不為民請命,倘若老施去競選立法會議員,而對手又是建制派的話,老施的勝算很高。

  假期之後第一日返工,在茶餐廳見到幾個物業投資者,已經唔記得老施曾經叫政府取消所有租約,仲話如果講吓都照做,真係精人出口,笨人出手。

政府會不會宣布取消所有租約
1. 鳥5
2020-04-14 14:02
取消租金義務,冇問題呀!(如果個個業主Full Pay)..但有問銀行攞錢!咁抵押品使唔使降價呢?使唔使call loan呢? 銀行啲錢係存戶!唔係政府!唔係業主㗎噃!邊個擺錢落銀行呢????哈哈
2. 鳥5
2020-04-14 14:12
攪清楚边果係金主先?係存戶,冇死約㗎!金主5係銀行,5係業主,5係政府War!!!嚇左存戶,D數係死罪!商業銀行,5會好似美國政府發債歸國有㗎!!!輸就輸啦!唔好賴!哈哈。
3. 鳥5
2020-04-14 14:53
今年立選!亞爺57再忍!我以一個字作主調!過介即拉!冇野送比香港!監就有得你坐!5在旨意建制制衡!做得就做!57再忍!上庭同法官9吹講法律!
4. 引刀一快
2020-04-14 16:16
如果疫情過後出現V型反彈,係咪取消多一次?
5. 取消租約
2020-04-14 17:59
根本由新春年假開始 , 土地審裁署已經因新冠肺炎關門大吉 , 直到現在還未開番 ! 據今日司法機關公佈要5月才會重開 , 因租客欠租而要申請收樓請耐心等候 , 租客欠租已經老馮 !
6. lol
2020-04-14 21:00
幾十年前,如租客欠租,包租婆唔使半日,就將佢個爛鬼匣拋出馬路。

7. 鳥5
2020-04-14 21:01
破申第二季升65%...如我斷估:財仔打靶盤下半年至年尾到!供息5供本,冇着衭今年就要做決定!
8. 真真薯片
2020-04-14 21:48
可以唔交租,咁可唔可以唔供樓?

取消新租約再簽,租金大跌然後銀行跟新租約去估價,後果係真攬炒,老施想同林鄭鬥攬炒?
9. C叔
2020-04-15 08:30
6楼
清翠俐落,公平公正公道。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。