地產論壇
登入名稱
密碼
頁數:
鬧翻之後再求人,比死更難受
瀏覽人次:20020    回應:18

鬧翻之後再求人,比死更難受

 

湯文亮博士

紀惠集團行政總裁
2020年3月28日

  小時候見到家母同其他大媽鬧交,在收場時,其他大媽會叫家母有事唔好求她們,即使是舉手之勞都唔會幫,家母反而會話有事一定要搵佢,家母一定會幫,幾困難都幫,很多人不明白點解家母要幫一個講明唔肯幫佢的人,其實,家母幫唔幫就是以後的事,但即時贏了口碑,而且,家母沒有講大話,她的確幫了很多曾經鬧翻的人,但千祈唔好以為家母心地善良,不記前嫌,而是她知道,鬧翻之後要求人,比死更難受,接受那人幫忙,比死更難受x2。

  網上傳丹麥女首相委要求中國幫助丹麥抗疫,大多數網民話抵死,千祈唔好幫丹麥,因為丹麥曾經惡搞中國國旗,將五粒新冠病毒代替五粒星,仲話是言論自由,我認為這是千載難逢機會,一定要幫丹麥,而且要做得比其他國家更好,這個動作除了向全世界展示中國人的胸襟之外,還會令到丹麥人比死更難受,女首相當然不用說,以後會比較謹言,就算中國唔幫,丹麥亦很容易從其他國家買到抗疫用品,以後,丹麥人更加仇視中國,幫唔幫就視乎中國以後要一個朋友或者一個敵人。

鬧翻之後再求人,比死更難受
1. 雲在青天水在瓶
2020-03-28 11:15
敞開胸襟,以德報怨,化敵為友
2. Fisherman
2020-03-28 12:57
自鴉片戰爭以還,西方人包括日本人眼裡中國人都是病夫,從來看不起,任我魚肉。中國再次强大掘起,外國人滿心不是味兒,嘴裡說不得,肚裡駡娘。間中有啲大嘴巴,說過了頭,就用言論自由這塊遮羞布,蒙混過去。白人包括日本人二百年來歧視中國人,已經深植在DNA裡,改也改不了。而中國人從來都不會歧視外族,只會窩裡鬥,岐視唔同同省市,唔同方言嘅自己人。
3. 123321
2020-03-28 13:10
博士太仁厚

人要面 政客沒面沒皮 

望下本地政棍 反口覆舌 雙重標準

物資中國產佔大部分 佢要買其他 同轉手貨 唔容易

藍罐曲奇今次幫佢 下次又已經換左人 白眼狼邊會記得你幫過佢

但幫一定要幫

但係點幫就要有技巧

援助佢既物資 一定要頂級 有咁靚俾咁靚 廢時俾毒媒體 做文章

不過一定要量少

即係飢荒要百萬人糧食 唔送百萬人份大米 送萬人份 A5和牛 魚子醬

有人既地方 就有權貴階級 如果物資短缺下 仲有人唔生性伸手 咁就有野睇

不過份量要小心斟酌 太少權貴唔敢伸手 太多伸左手都唔覺

做完人情 之後買包花生等睇戲先係上策
4. Alan Pepper
2020-03-28 13:24
👍👍💪💪💪
5. 十一哥
2020-03-28 14:00
唔好比面子笠住自己、打攤對手…唔追殺…已經當你係菩薩、天下經文教義…都係憑威權以載道嘅 !

6. MT
2020-03-28 14:18
我唔記愁,但記性好,對我不好的不會忘記,無能力時唯有啞忍,有能力時我不報復,但不要旨望我以德報怨
7. 十一哥
2020-03-28 14:21
理得阿爺啱唔啱…總之阿爺得…我地就唔會失、呢點美帝子民參透哂…所以內心好喜歡侵侵㗎。
輸咗…講嘢冇人理、贏咗..先可以他他條陳述大道理、強國強民嘅秘笈…要學 !
8. 正氣
2020-03-28 14:29
08年年,中国帮美国,结果换来什么?宜將剩勇追窮寇,不可沽名学霸王
9. 八十後小蟲
2020-03-28 15:18
小蟲唔認同表面幫人但暗地裏耍小心眼

以德報怨太難,做人能心安理得已經可以,處理國際關係也一樣

10. 十郎
2020-03-28 16:45


     現在不是耍“以德報怨”的時候 , 是致敵死命的時候。

      關德興原諒石堅轉身走的時候 , 石堅就躍起突襲黃飛鴻 , (石堅真人是好人真君子 , 做戲扮奸人非常出色)。鬼佬一樣有呢種人 , 獨行俠轉身一樣給人突襲。山姆大叔的icon是一個戴美旗高帽鷹鼻樣子的男巫。這一次一定要見真章 , 係你死我亡之戰 , 是永不翻身之戰。


11. 元朗真香港人
2020-03-28 17:55
話到嘴邊留半句,理到是處讓三分。

西人所謂言論自由,而家的西毒……耶教國度。

只有黑與白,冇灰色。

咁多國家求助,點都朋友國先啦。

單襪難受? 亦或雙襪難受? 

都唔關天朝的事。 

當天巴基斯坦傾全國口罩幫助我地。

以德報怨,何以報德?

08年幫完isa美國,又點對我地?

!!!白人的字典缺了感恩两個字。
12. 十一哥
2020-03-28 18:10
國際關係冇得…心安、理得..就要睇打唔打得、衹要強而不欺霸足矣 !

13. 超級通漲
2020-03-28 20:46
全球生產停頓,產出跌了一大半,但美帝却在大開水喉,提供所謂無限流動性,貨少而幣多,最終必然形成超級通漲,並會把美國金融瘟疫輸出全世界。所謂My dollar, your problem! 

香港平均樓價衝上$5萬元一尺的時代快出現。
14. 引刀一快
2020-03-28 21:43
下一步會出現嘅問題,係疫苗。

打又死唔打又死。
15. 引刀一快
2020-03-28 21:50
博士媽咪果個年代嘅社會,人總算有番個人樣,今日社會,鬧翻之後再求你,然後再鬧翻,呢種人多的是,求你佢唔難受,你肯幫佢就以為人地傻嘅。

如果去幫一個鬧翻之後再鬧翻嘅人,然後一個唔好彩有事求返佢,難受X50。


16. 小明
2020-03-28 23:28
是否認為要幫一個和你不和的人,是一個價值觀的問題,好多人都會先決定立場,再找理由(或藉口)去支持自己選定的立場,因此同意就同意,不同意就不同意,而明顯地,照動物的直覺、自然反應,是應該食花生的。但,人之所謂人,是應該戰勝自己的衝動反應的。因此,我同意博士所言,高明一些吧。
18. 真真薯片
2020-03-29 13:07
鬧翻後幫人,心入面既目的係想令人比死更難受,呢種做法,真係有少少計得太盡………

人算不如天算,山水有相逢,你今日令人地比死更難受,心裡暗喜,仲要周圍同人講,萬一將來有事要求返人,真係難受*N倍

另外,我嘗試搵非中文既丹麥女首相求中國幫忙既新聞,但係我搵唔到
19. 引刀一快
2020-03-29 14:31
真真薯片兄

依家已經開始有產能過剩嘅跡象,口罩有貨快快放,唔係到時唔知邊個求邊個。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。