地產論壇
登入名稱
密碼
頁數:
降低失業率,政府應有所作為
瀏覽人次:25165    回應:32

降低失業率,政府應有所作為

 

湯文亮博士

紀惠集團行政總裁
2020年3月19日

  陳茂波預早通知最新一份報告。大家可以睇到失業率創九年新高,似乎很驚人,但再想一想,財政司司長的意思是失業率比2011年還要低,還不是太壞的事。我估計失業率仍然不會高過4%,結果是3.7%。不過,情況如果繼續下去,而政府又不作為的話,失業率會持續上升。如果超過5%的話,可以說失守第一道防線,而且還會繼續失守下去,失業率會不斷上升。所以,第一道防線是很重要。

  有人話失業率4%應該是第一道防線,政府應死守這條防線。我同意他的說話,不過,政府是沒有可能守得住4%。如果以此為第一道防線,恐怕今個月就會失守,數字其實是沒有變化,但心理就受到影響。倒不如以失業率5%作為第一道防線,政府如果有所作為的話,是可以守得住這道防線直至經濟回穩。

  不少話政府已經非常有所作為,不但派錢刺激消費,而且對某些行業作出資助。老實說,政府派錢是被政治形勢所逼,如果政府可以揸主意,我估計一定唔會派錢,不過現在唔派都派左,唔好講返轉頭。至於對某些行業資助,根本是細微細眼,不但幫助不大,而且不能夠阻止失業率上升。

  要阻止失業率上升有兩個方法,第一是鼓勵多些人做生意,多人做生意自然會請多些職員,減少失業人數,失業率自然會下降,但以現在這個環境,根本沒有人投資做生意。所以,這個方法雖然有效,但不切實際。

  第二個方法當然是希望現在做緊生意的人不要放棄。政府對某些行業資助亦是出於這個原因,但這些資助並不足夠令那些不會放棄,只能稍為延遲一些。最好方法就是要那些做生意的人自己支持自己,最簡單直接就是放寬逆週期措施,令到那些有物業生意人可以利用他們的樓宇取得額外資金繼續營運。這個方法亦要急於進行。否則,那些人見經濟環境不佳,就不會利用自己擁有物業取得額外資金繼續做生意,少了一些人做生意,失業率自然會上升。最後,大家會發覺,香港失業率是否會繼續上升的決定權竟然在政府手上,如果政府沒有作為的話,大家應該打定輸數。

降低失業率,政府應有所作為
1. 真真薯片
2020-03-19 10:01
識得d公墓員朋友,見經濟唔好開心到彈起,話:正呀!股樓跌多d, 失業率越高越好!我有鐵飯碗等緊執平貨!

唔知劏房波係咪已經睇緊樓?

新加坡就醒,公墓員人工同GDP掛勾,香港公墓員就同商界介對立面,你越唔惦,佢越惦,咁佢會想你惦定唔惦?
2. 公墓員人工同GDP掛勾
2020-03-19 10:05
頁丸出多啲糧大使啲拉高 GDP 唔好咩?
3. Biu 1 你有冇呀
2020-03-19 10:35
精神病人思路廣
4. SYB
2020-03-19 10:48
垃圾會日日只吹口水或流會,要拉停運作,政府如何應對都未想到。今年選舉,選民要一個誓死拉停所有公共服務的垃圾會??
5. 拉高 GDP 唔好咩?
2020-03-19 11:19
依家歲無局啲供無完惡過鬼。如果份工做得咁唔開心,可以返屋企瞓覺。
6.
2020-03-19 11:23
新加坡的公務員人工同GDP掛勾,合情合理。
我想香港只可提追加人工,其他建議哈哈哈。 
8. 傷港人
2020-03-19 11:34
港人多支持攬炒,所以區議會選舉才會選出咁多暴徒。希望未來幾年香港失業率可以維持在20%-30%。

支持腩炒就係要預咗冇飯開,政府何必做野?2019全民就業,結果哩?


9. Philip wong
2020-03-19 11:42
今早起床,聽新聞油價低于20美元,突然異想天開,香港機管局是否應建戰略性油庫,直接向煉油公司進口汽油、柴油,一則可以供應所有的班機,始終如果有油價優勢,機票價格就會便宜許多,這對旅遊業复甦十分重量,另外也可以穩定價格,供應給香港油站,現在汽油價格和石油每桶100美元時沒有多大分別,石油氣、汽油、柴油是港府抽重稅產品,就稅賦上,港府少收不少,更何況石油價如礦泉水,沒有理由收益全歸油公司。如果油價穩定,運輸交通成本太幅减低,有助物價回落,有助企業多招人手,不過,這是我自己發夢,是否可行那是政府的事,借此發牢騷而已,皆因泊車、加油都是心痛的時候。
10. 異想天開
2020-03-19 12:07
你真係異想天開, 機場只係十八樓順嫂, 間唔中用一桶石油氣, 要成條村先養得起一間石油氣舖。
11. 合情合理
2020-03-19 12:14
事實是 government spending 包括出糧也在製造 gdp, 在經濟差之時是中流柢柱。
12. 鳥5
2020-03-19 13:20
今次同97唔同。上次係連公務員都爭啲冇糧出。之後仲大量外判。上次大鑊好多。早幾個月我都講,大概係到六萬人失業。5至5.2%Landing...半休克狀態。。
13. Fisherman
2020-03-19 13:20
其實降低失業率,話都冇咁易。將4年制大學改為8年制,退休年齡强制提早至50歲,包括所有公務員及局長。一天光晒。
14. 爽YY
2020-03-19 13:22
同意8/F,腩炒就係港人所求,點解要解救,失業率GOGOGO,兄弟爬山齊上齊落萬歲。
15. 鳥5
2020-03-19 13:24
暫時仲未發生上次嘅(流動性陷阱)。資金鏈全斷!香港D後生未見過。而家暫時仲係滯賬。滯賬在下一年前講。港股22500樓下。在下超過年半前講。。
16. 鳥5
2020-03-19 13:29
科學D叫去睇,今次地球抗逆。維持半休克狀態。應該去到五月尾。
17. 鳥5
2020-03-19 13:40
9F,油平,同有冇客,好似係2個兩個概念。
18. 鳥5
2020-03-19 13:48
至於攪抄。我只可以講宇宙實力平衡!香港冇發生過呢D攬炒歷史。儒系社會好少呢啲問題人。不過外國借鏡,在下唔多睇好黃絲。十居其九最後為歷史罪人。天下太平,什麼為民請命,為自由,信佢受害,不欲多言。
19. 鳥5
2020-03-19 13:58
8F,呢個社會過往可能傷害過你!我明!但如果你要養活家人!易地而處,你又如何選擇?打爛人家飯碗,猶如殺人父母!請君三思!!回頭是岸,阿彌陀佛!我個人認為今次最大受害人,正是排緊隊坐監果班!
20. 十一哥
2020-03-19 14:36
雀仔  斷食休克療法、底子厚就係減磅、寒底就會打壞、而家水退…有冇着褲冇所遁形。

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。