地產論壇
登入名稱
密碼
頁數:
減息令驚喜變驚慌
瀏覽人次:20946    回應:18

減息令驚喜變驚慌

 

湯文亮博士

紀惠集團行政總裁
2020年3月18日

  多年前有老友在買樓時最後一刻打退堂鼓。原來業主見老友考慮咁耐,自動降價5%,唔降價還好,降價反而令老友擔心樓宇有什麼問題,於是打退堂鼓。其實,不少打算賣樓業主犯了這個大忌,就是見到買家猶豫不決時自動減價,以為減價可以令買家驚喜,誰不知令買家驚慌。因為買家會認為打算買的物業有任何問題而打退堂鼓,業主減價反而賣唔到樓。

  上星期日,美聯儲局唔等到今個星期議息,失驚無神大幅減息1%,連特朗普都話有驚喜。其實,美聯儲局裡面班學者不知道,減息不會令市場驚喜,反而會驚慌。市場人士擔心美國政府有什麼政策準備出台,例如禁止沽空,外滙管制等。大家又唔好以為沒有可能,因為在新冠肺炎疫情下,不少國家都封國封關,連美國對歐盟也不留情,投資者是很敏感,一於契弟走得摩,不問價沽出手上美股,做成美股大跌。我自己亦認為這是一個不是理由的理由,替美股大跌自圓其說。

  其實,鮑威爾可能急了些少,美聯儲局應該等今個星期議息才減,減幅亦不需要1%,或者1/2%已經足夠,留番多少彈藥。現在好似玩SHOW HAND,將全部減息籌碼一次過推晒出去,投資者會認為美聯儲局已經無晒籌碼,市場上再有其他問題,美聯儲局已經無能為力。換句話說,倘若再有任何問題,或者疫情惡化,美股除了下跌外並沒有其他途徑。既然知道美國一定會下跌,不如早些沽貨,或者日後可以趁低吸納,這是人們常說的有危才有機

  有老友話今次食屎食著豆,一定要請食飯。原來老友平日得罪人多,稱呼人少,而他亦持有不少美國股票,他擔心日後會被納入人權法的制裁名單,於是幾個月前已經將美股沽清。如果現在才賣,可能只得六折收數。由於無端端賺了很多錢,請食飯亦是應該,或者可以叫慶功宴。

減息令驚喜變驚慌
1. 聯儲局已經無晒籌碼
2020-03-18 10:05
可能老鮑也驚自己同班委員要去隔離, 所以一齊做定人情先。
2. 亞Q
2020-03-18 10:58
連梁振英都未夠資格被美國制裁 , 湯博士你個老友係乜誰吖 ?
3. 鳥5
2020-03-18 11:44
未,遲D玩直升機派銀紙喎,等緊局會批。哈哈
4. 十郎
2020-03-18 15:56


      鮑sir精過鬼 , 一野減晒 , 傻侵就冇得賴 , 冇得鬧 , 自己事自己搞。

      呢一招係厚黑學中的“鋸箭法” 。哈哈哈哈哈哈😆😆😆😆


5. 十郎
2020-03-18 17:35


      我好有印象 , 2017年10月 , 恆指由20200點開車 , 淡友們以為會跌穿20000點 , 個個買定熊仔 , 股樓卻向上升足兩年半 , 3個月就洗地 , 阿聾燒炮。入左市就😱😱😱😱

6. 十郎
2020-03-18 17:42


      米給我講中 , 世界搶完口罩 , 就搶糧油日用品。比烏鴉哥講中 , 滯漲

7. 滯漲。
2020-03-18 18:14
鳥來哥講到切爾諾貝爾, 其實當年用沙掩埋, 到而家都未冷卻, 仲要起個大殼包住。滯脹禾欲來估係因為價高時買落貨(產能)借落錢, 又唔破產減價唯有繼續頂, 另一邊箱收入壓縮兩面夾, 大家都唔知受幾耐也。
8. 鳥5
2020-03-18 18:17
十哥,有見地,印$減息致USA通長一般會制後2季,但今次有D特別,美国農產滯銷,電油價格急跌。。但大部入口急升。所以我睇美國年尾先至到大9war。。子彈打晒。一但金(美元死敵)升穿1920。就係另一個故事嘅開始。。
9. 真真薯片
2020-03-18 18:22
想比美國制裁真係難過贏奧斯卡,香港班官依家被提名都已經好威,有幾多人有慢慢周咁既級數?
10. 鳥5
2020-03-18 18:24
往後時間,要密切注意阿爺嘅持倉黃金儲備。一但阿爺著夠護陰罩。咁美國佬畀人踢春就隨時發生。呢個只係我個人觀點。從最大利益佢睇D件事。
11. 十郎
2020-03-18 18:52


      7萬蚊一張由倫敦返香港機票 , 搶錢真係要夠膽夠食力。

12. 元朗真香港人
2020-03-18 19:13
十郎兄,

應是通叔,前所未見
13. 特朗普take lead
2020-03-18 20:03
美市波動,投資者擔心病毒蔓延打擊全球經濟係一方面。但最擔心的,係由特朗普take lead今次美國抗疫救市,芬佬似乎對普普的領導能力投不信任票票。如果由奧巴馬或希拉利領導,投資者心態相信會踏實D。好消息是現在已經踏入三月,根據03年SARS經驗,Pandemic有可能在4月上旬到達峰值後開始下行,然後消失。這是有點樂觀的預期。壞消息是特朗普take lead,一個月可以發生好多事。
14. 十一哥
2020-03-18 20:51
去到封城封國、阿爺乜都有能力整嚟使、專門霸車位嘅美帝…慣咗篤數任佢使、一旦冇人服待…梗係瓣瓣手唔成勢。

美帝而家自顧不暇、阿爺就有力水四圍幫拖、江湖恩怨…此消彼長、埋阿爺堆甜頭多…最緊要係冇洗怕CIA。
15. 十郎
2020-03-19 05:24


      純粹聽番來:

      沙地石油成本------------10美元。
      娥姐-------------------------17美元。
      頁岩油----------------------36美元。
      嚇死雞石油(乘哥)--46美元。


16. 十郎
2020-03-19 07:12


      厚黑學源起於民初 , 教主李宗吾。他推崇劉備為厚黑表表者 , 因為劉備好似女人咁識喊 , 心地黑 , 又奸 , 又詐 , 又無賴。他介紹兩種處世處事方法:

      1--------鋸箭法。有一個士兵打仗中左箭 , 去找軍醫 , 軍醫用鋸鋸走突出來的箭後 , 就叫佢走人 , 士兵話咁就算嗱 ?軍醫話:我係外科 , 你E家要去搵內科。鮑sir鋸左支箭 , 留番傻侵執手尾。

      2--------補鑊法。炒菜隻鑊穿個小孔 , 漏水弄熄柴爐 , 師奶拎隻鑊去補(60年代有補鑊既), 師傅襯佢擰轉頭傾偈 , 用鎚敲大隻鑊個窿 , 話咁大要多d錢 , 師奶覺得有理照比。大家想像下 , 現在似唔似有人用鎚敲大 , 杜琼絲小姐隻鑊個窿?




17. Reality
2020-03-19 07:14
margin call : surging DXY

12 trillion USD-denominated global debt.

==

HSI :

first target : around 15000.


18. 沙俄
2020-03-19 13:12
今次趁你病,沙地同俄姐唱雙簧玩死老美同伊朗。

老美的一大批頁岩氣公司玩完,誓引爆埋美債。沙地同俄姐心腸惡毒。

老美眞是白痴,應該支持伊朗射導彈教訓沙地。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。