地產論壇
登入名稱
密碼
頁數:
茶餐廳亂話(650)撤辣之後樓價升抑或跌
瀏覽人次:20473    回應:5

茶餐廳亂話(650)撤辣之後樓價升抑或跌

 

湯文亮博士

紀惠集團行政總裁
2020年3月7日

  今早去到茶餐廳。有幾個物業代理等我,他們質疑我點解唔支持撤辣,仲話現在成交量很低,撤辣之後不但可以增加成交量,而且會加速樓價下跌,現在物業代理冇生意,慘。我話現在全香港都慘,何止物業代理,茶餐廳都冇生意。平日在早餐時人頭湧湧,不但一位難求,而且仲有不少人等位,今日坐了一半都唔夠,好彩舖位是老闆自己,否則又要暫停營業。其實,已經有不少餐廳暫停營業,甚至要結束,難道餐廳老闆唔慘。我都希望政府撤辣,但做人不能夠那麽自私。而且,撤辣之後會加速樓價下跌。我第一次聽到,老實說,撤辣代表政府唔收印花稅,買家便可以多付樓價,樓價就算唔升都會減慢下跌速度,點會加速下跌,真的是呃鬼食豆腐。不過,我同意撤辣之後成交量就會上升,報紙應該搵一些夠份量的人叫政府撤辣,唔係搵幾個二打六就話全民要求政府撤辣。現在最緊要將確診人數降至零,14日後解除封關。只有解除封關,經濟才有救,樓市才有救,現在講乜都假。

茶餐廳亂話(650)撤辣之後樓價升抑或跌
1. 123331
2020-03-07 09:27
點解地代咁心急要撤?

巿況不明 訊息不對稱

用確認人身份 上下其手

機不可失

人地要食大茶飯
2. 乜春
2020-03-07 11:52
政府撤辣唔係話撤就可以撤。記唔記得當年CY去立法會要求通過辣招,佢拍心口保證第日撤招要通過立法會同意先至可以撤。你話呢?哈哈
3. 你話呢
2020-03-07 20:16
全城班長期睇淡樓市的專家均反對撤銷辣招,驚住會刺激樓價瘋狂上升。


4.
2020-03-09 04:45
美國佬一定會持續印錢
美債欠20萬億美元
只要繼續通脹落去
20萬億先稀釋得少d
(1960年欠你1萬,2020年先還一萬)

唯有甘樣先可以確保金融體制正常落去,和美國最輕松還美債

只是數字和單位的改變
以前用仙,毫子,蚊,百,千,
以後就用萬開始架啦
5. Philip wong
2020-04-03 11:45
講真的,除咗超市、糧油供應商外,幾乎百行都唔掂,唔明白政府只選擇性幫一些企業,搞到社會持份者都有意見。其實逆周期的應變,也可以適當减輕中小企負擔,應該值得考慮。行業補貼最不合理,不應該泥足深陷,什麼行業受影響最大,那是企業者的責任,政府可以幫,頂多是在貸款上支持,而不是現金支付!
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。