地產論壇
登入名稱
密碼
頁數:
每日只准二千人進出,香港會如何
瀏覽人次:26516    回應:45

每日只准二千人進出,香港會如何

 

湯文亮博士

紀惠集團行政總裁
2020年3月5日

  有知名醫生不斷彈劾政府,做防疫工作做到甩甩漏漏,好彩香港人自己識得做防疫,否則就死得人多,本來我非常尊重醫生的意見,但聽到醫生話如果香港每日只准2000人進出,確診人數一定大幅減少,醫生可能醫人就叻,唔識得什麼是物流,香港每日有幾多貨櫃車架次穿梭中港兩地,保持香港日常用品充足,我相信醫生唔知道,我講醫生唔會相信,最少要一萬架次,還未計飛機,航運貨櫃,漁船等物流,單是負責香港日常生活的物流人數,最少都要10萬人,2000人都唔知可以做什麼。

       任何事講是非常容易,做就很困難,不少著名醫生在這個困難時候不斷指責政府,又話會有140萬受到感染,1.4萬人死亡,嚇到大家賴哂尿,到今日只得100人確診,兩個人死亡,而且都是因為年紀太老或者併發症而死,既然知道危急關頭,應該向罷工醫護曉以大義,而非一味指責政府,其實,醫生知唔知道封關的代價有幾大,大家推祟備至的新加坡不但沒有封關,而且讓輕症者自我隔離,因為新加坡知道封關會重創經濟,執政者一定要在各方面作出平衡,凈係識鬧根本幫唔到什麼,現在政府最頭痕的就是幾時可以解除封關,老實說,解除封關後確診個案一定會上升,但這是沒有辦法,唔通永遠封關,醫生們不如畀一些積極意見,唔好一味鬧政府,鬧到班官六神無主,覺得做乜都錯,唔做又錯,真的是不知怎樣做。

每日只准二千人進出,香港會如何
1. Fisherman
2020-03-05 09:47
話!湯先生好興。
我哋阿4何嘗唔係。
2. 十一哥
2020-03-05 10:06
職業安穩度…可以令人不識人間煙火。

3. Philip wong
2020-03-05 10:14
博士講的啱,其他野唔講,盡係生果,香港的日消耗量已是四五百櫃了!而且香港什麼都靠進口,一旦物流中斷,首先恐懼的是老百姓,這個世界再不可能獨善其身,要互補足,不斷不搶,一斷必搶,一搶必了。其實內地疫前己經有所受控,某些區域應該逐漸恢復往來,作為國際性都市,防疫要保持警惕,控制必須有度,當然社會氛圍欠缺和謁的情況下,暫時應該沒有官員够膽提出局部复關的設想。
4. 乜春
2020-03-05 10:15
博士講得好!!!哈哈
5. 做就很困難
2020-03-05 10:15
據朋友提供, 佢個細路禮拜一發燒睇醫生, 冇外遊冇接觸, 但一樣通報, 衛生署一樣打黎問長問短, 教導如何清潔等等, 守在前線的實是非常緊張, 只是平民繼續日鬧夜鬧而已。
6. 元朗真香港人
2020-03-05 10:17
死啦! 當天博士不是都有份逼宫咩?

大家俾班象牙塔醫護,嚇到屎尿齊流。

原來又係西門吹雪!
7. Hongkong People
2020-03-05 10:36
而家要封應封美歐曰韓加伊朗,而家香港對美歐日不設防,危矣!
8. 香港小市民
2020-03-05 10:42
其實係政府一直誤導大眾,醫護講既封關係封旅客不封貨運物流。如政府不作為,也可參考澳門和台灣的做法,錢冇左可以搵過,但面對人命係絕不能有半點私心和退讓。
9. 澳門冇封關
2020-03-05 10:57
樓上知唔知自己噏乜架?澳門從來冇封關!噏得就噏。
台灣“沙士”時醫生護士大逃亡,被全世界恥笑。
10. 活在當下
2020-03-05 11:00
個醫生不斷指責政府,而佢自己嘅估算又大錯特錯。
醫生嘅職責係醫人,而唔係去管理社會。
請醫生唔好再踩過界……去煽動群眾反政府!
11. 昂卵狗狗
2020-03-05 11:06
全面封關等於大家一齊食屎 !
12. 等於大家一齊食 !
2020-03-05 11:12
唔會, 果位醫生會開藥俾大家當飯食
13. 三魂
2020-03-05 11:14
那位知名醫同那個退休天文台台長一樣,在非自己了解的範疇上指手劃腳,傳媒亦報導得津津樂道。
14. 向泛民说不
2020-03-05 11:25
d 低能医生要听美爹话,只病毒毒性好低,对健康的人没有影响,唔好惊。唔使带口罩。
15. 向泛民说不
2020-03-05 11:27
13楼,这就是泛民人渣文宣的手法。

泛民A队玩揽炒,玩唔比发展土地之后,现在b队话年轻有几绝望。

泛民狗为什么甘无耻。


没有自由行,真系怀疑政府边度来钱比这些垃圾医生。 仲有现在是欧洲失控,基本是大陆已经唔会输出病例,而是欧美。甘要唔要控制欧美旅客呢?
16. 向泛民说不
2020-03-05 11:30
仲有经过今次的压力测试,如果一旦发生疫情,根本医生护士不足于应付。

香港真系需要引入医生和护士。加人工是解决唔到资源不足的问题。

不过香港的医护被泛民狗把持,他们只会牺牲香港的人健康。仲要大叫什么民煮。
17. 指手劃腳
2020-03-05 11:42
禾當佢是為禾好, take it as a compliment, 即是心領, 不過禾尚有多少獨立思考能力, 足夠調節自己的防疫行為。
18. 123321
2020-03-05 11:49
近年 掛著一推銜頭 
扮企係道德高地 講別有用心說話的人 比比皆是

記著呢D人 雙重標準的口面 認清認楚

時辰始終會到

封人唔封物流 小朋友先會覺得可行 

唔通中港司機可以有免疫? 

定貨物有腳自己行落黎?

依家都係封D唔封D 全面封關 從來都係偽命題

"民主能醫百病" 其他民主大國近日醜態

見到了但呢D專家 都收晒聲 

給政府的一個公正評價那裡去了?

更好笑的是 抗疫有效是巿民 與政府無關?

有疫情 唔係正正要社會上下 齊心應對?  

沒有政策可以100%保障安全  餘下的自然要靠個人

就似工業安全 由廠方政策開始 安全措施 安全工具 安全工序 工人安全意識 個人保護

哪一個環節可以缺少?

有功我領 有鑊你......


19. 美国精神l
2020-03-05 11:55
都系美国醒,如今CDC直頭不報人數。不測試,咪冇人確診囉,即使有人確診 ,冇侵侵批准,CDC亦不會報。

美国實情已經有過萬人被感染,數字太嚇人,怕影響選情及股市,美國社會有共識,死亡人數入流感數。

如此美國,如何不令港人喜爱,難怪街上成日見到發咗瘟的港人在舞動美国旗。
20. 向泛民说不
2020-03-05 12:09
18楼,班低能仔全部拿住金饭碗,所以唔知世间疾苦。

如果香港人唔破选举制度的迷信,相信以后会继续乱。

其实今次抗疫,香港和大陆的表现明显好过其他民主国家。

西方国家已经放弃治疗,开始话是低杀伤力病毒,对健康的人影响唔大,同流感差不多,唔使带口罩。西方媒体已经转风向。

所以最近班黄狗KOL收爹啦,唔敢帮主人添乱。


頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。