地產論壇
登入名稱
密碼
頁數:
做擔保人的風險是無限
瀏覽人次:20184    回應:11

做擔保人的風險是無限

 

湯文亮博士

紀惠集團行政總裁
2020年1月17日

  在以往我們不時聽有人講「不做中,不做保,不做媒人三代好」,即是不做中間人,不做擔保人,不做媒人。如果要我揀一樣是最嚴重,我認為是擔保人。因為,擔保人的風險是無限。

  有老友在幾年前替一個朋友在財務公司簽擔保,金額是一千萬,我知道之後話最好立刻取消。因為私人擔保是無上限,老友唔同意,佢話已經確定擔保上限是一千萬元,既然他不相信,我亦沒有辦法。最近老友話今次很頭痕,因為他所擔保的一千萬,朋友一直沒有還錢,財務公司以複息計算,現在已經接近三千萬。他要賣樓去清還他的擔保額,今日才知道當日我話擔保是無上限的意思。

  其實很多人都誤會,替別人簽擔保是可以封頂。其實不然,但又不能夠說他們是錯的。在財務公司要求擔保人還錢的時候的確封頂,但如果擔保人不還錢,財務公司是會以複息計算,擔保額是沒有封頂。最徹底做法就是不要替別人簽擔保,最多是借錢給他們,還可以有一個預算。

做擔保人的風險是無限
1. 賣樓去清還他的擔保額
2020-01-17 12:57
naked long 遇着 short, 風吹雞蛋殼, 財散人安樂。
2. 學到嘢
2020-01-17 12:59
又學到嘢,感謝湯博士嘅文章。
3. 十郎
2020-01-17 14:35


      講開擔保 , 我見過朋友的經驗。朋友三人合股做生意 , 之後問銀行貸款 , 三人都要簽私人擔保 , 我朋友以為只是承擔三份一責任。到左出事時 , 其他兩人走左路 , 老友最多還三份一之馬 , 原來唔係 , 要還晒全部。銀行知道其餘兩人已經冇錢 , 佢地門口行過都唔會拉佢 , 睇唔到。銀行係邊個有錢追邊個的。


4. 銀行係邊個有錢追邊個的。
2020-01-17 15:01
十哥, 請教一下點可以令自己響錢莊眼前係冇錢呢?
5. 引刀一快
2020-01-17 15:17
升米恩,斗米仇,唔做擔保樂悠悠。

6. 十郎
2020-01-17 16:07


      4樓--------銀行好似做賊一樣 , 係取易不取難的。佢搵到一個有銀事主就追到天腳底 , 其餘有錢青磚砂梨就留番比人。有錢人最怕跟窮鬼打官司 , 贏左都蝕律師費。果d牙察業主告人地租 , 其實扲住袋袋痛。


7. 十郎
2020-01-17 16:20


      80年代 , 隔幾年就有大電子廠或酒樓執笠 , 你估下佢地係唔係真係經營不善或者蝕本呢 ? 有陣時太過忠直 , 真係终需乞食。選舉工程有辦你睇。

8. 十郎
2020-01-17 16:25


      我用左兩個鐘寫左成千字 , 上傳失敗唔見左 , 唉 , 唔知重唔重寫好呢?

9. 上傳失敗唔見左
2020-01-17 17:18
開個 notepad 寫好才上傳, 大不了和諧掉, 至少還有個留底。
10. 十郎
2020-01-17 17:32


      對呀。世界事就係咁巧合, 一定是要翻大船的。


11. 世界事
2020-01-17 17:36
而家世界有語音輸入, 用口複述返應該唔駛兩個鐘嘅。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。