地產論壇
登入名稱
密碼
頁數:
中美簽定貿易協議第二階段的機會是零
瀏覽人次:19725    回應:18

中美簽定貿易協議第二階段的機會是零

 

湯文亮博士

紀惠集團行政總裁
2020年1月17日

  昨日早上中美終於簽定貿易協議第一階段,不少人問我幾時會簽第二階段。我話我並不是特朗普或者習主席,點會知道幾時簽第二階段。不過,以我的分析,簽定第二階段的機會是零。千祈唔好話我語出驚人,我只是憑經驗作出以上分析。

  我記得有一次同事與客戶傾租約,雙方已經達成共識,就是租約分兩個階段,第二階段我們可以加租25%,前提是租客必須履行第一階段的條款。如果租客不履行,租約則會停留在第一階段,情況與今天中美貿易協議相似。我睇到之後對同事說,租約永遠不會進入第二階段,因為如果不進入第二階段,租客永遠不用加租,而租客如果不想租約進入第二階段是很容易的事,只要不準時交租就可以,要解決這個荒謬的安排是很容易,只要將第一階段與第二階段的租金掉轉。換句話說,只要租客按合約條款完成第一階段,第二階段可以減租20%,這樣就不怕租客不交租。所以,特朗普亦表示如果中美達成貿易協議第二階段,美國將會取消已加徵的關稅。正所謂英雄所見略同,生意人的想法自然是差不多。

  我相信會有人話,既然有機會簽定貿易協議第二階段,點解我會話簽定的機會是零。大家可能不了解點解貿易協議會分第一第二階段。嚴格來說,這是一份求同存異的協議,中美雙方傾了十幾個月,始終未能達到協議。雙方於是製造出一份「求同存異」的協議,第一階段是「同」,雙方將大家同意的條款放在一起,首先簽定了這部份;第二階段是「異」,雙方可以慢慢傾。這樣特朗普便不怕因為中美未能簽定貿易協議而影響他競選連任,而第一部份只是中國購買多些豬肉大豆等農作物,縮窄雙方貿易逆差,基本上不難完成,但仍然要傾十幾個月,而第二階段涉及知識產權,開放金融等難題,根本冇可能傾得妥。所以,我話中美簽定貿易協議第二階段是零。

中美簽定貿易協議第二階段的機會是零
1. 第二階段是「異」,雙方可以慢慢傾
2020-01-17 09:36
不會傾的, 開拖了, 美帝為何戮力托高個市? 
2.
2020-01-17 11:35
博士果然係博士,服👍
3. Fisherman
2020-01-17 12:40
終極目的只有一個,連任。
為達目標,殺人,攞錢,交人,俾錢,只要心遂達成,卒可棄。君不見蔡小姐為求連任,不擇手段。
4. 真真薯片
2020-01-17 12:50
表面上,中方付出比美方多,美方只係減少少之前加出黎既稅,中方就要大買特買,又市場準入,一大堆野要做

但退一步諗,如果中方唔執行承諾,或只執行一少部份,根據協議,最大鑊就係美國退出協議,如果簡單化咁睇,假設中方簽完後乜都唔做,美方投訴,搞一兩年後傾唔惦,美方兩年後退出協議,咁既情況下,中方付出係零(因為冇執行過任何野),但係美國減既關稅就實行左兩年,到最後,中國仍然係贏家
5. 引刀一快
2020-01-17 12:52
第一階段就夠,好在買咁多農產品,就算往後經濟環境如何,起碼窮人唔使挨餓,其他嘅再慢慢處理。
6. 中方付出比美方多
2020-01-17 12:55
阿爺唔買飼料, 因為豬年豬有病唔用得咁多, 如果飼料付運, 啫係食得晒, 肉價通脹下降。
7. 引刀一快
2020-01-17 13:11
如果呢個協議一直履行落去,中國農業模式會有重大改變,本地精養有空間,以後多啲靚雞靚豬肉食。
8. 陳大文
2020-01-17 13:26
美方係每季檢討中方有冇買,如果冇,關稅隨時加番 中方冇得贏。
9. 關稅隨時加番
2020-01-17 14:49
最好即刻加 100%, 那美帝就可以即刻進入社會主義了。
10. 真真薯片
2020-01-17 16:57
阿爺最叻就係賴皮,中方既買家直接由黨指揮,幾時買,買幾多,可以完全控制,美方買家就商業因素自由發揮

中方可以拖住買,慢慢買,催下買少少,焗美方冇藉口反枱,同時趁減關稅大力向美國輸出產品,拖返一兩年,期內阿爺必勝

侵侵當然知道咩事,不過選舉在即,佢需要簽約影張相,然後所有人專心炒美股,選完如果有得繼續做,先返黎反枱
11. 滿記
2020-01-17 17:07
購買美國農產品時必須因為價廉物美並沒有浪費另外一千多億產品更可包括 空中巴士即是中國並沒有浪費 這個貿易協議 在實際上 中國已取勝。
12. 阿爺最叻就係賴皮
2020-01-17 17:13
禾由始至今都覺得劉副總似 Olaf, 真係入型入格。
13. 元朗真香港人
2020-01-17 20:34
由傻特上台開始,花園自金三胖,遊到中通,華為,談判!

而家再拖多两年…两年後,再打多两年。

到時,傻特都聞到棺材香了!

老表可能已是晶片出口大國,7G話事人!
14. 引刀一快
2020-01-17 20:48
同美國買農產品,好L過同死人俄羅斯買喇,交lung埋嗮啲發瘟豬靠害,害到中國雞毛鴨血,以後中國有更多土地可以用作精細耕作、有機耕作、無公害耕作,對大自然對人民係好事,最緊要係會提高人民對食品安全嘅意識,因為中國對美國出口食品一定check得好嚴格,要捉佢話柄,間接就令中國人民對食品安全要求提高。
另一方面,農藥使用少咗,劇毒農藥可以全面禁止,對自然環境嘅修復有好處,亦有空間實驗同發展新型農業模式,農產品呢筆生意,絕對係雙贏。
唯獨就係怕美國出轉基因嘢,而中國未夠班提出反對證據。
15. 大鄉里
2020-01-17 22:42
美國覺得中國輸曬就阿尼陀佛喇。
如果美國話你係大國,你最好係。
話你有大殺傷力武器,你最好真有(好似金仔)。
16. 十一哥
2020-01-18 10:04
一路都唔明~汪精衛切頭…契弟邊有勇氣忍到痛..切蛋、今日終於解咗謎…長期食美帝肉、瘦肉精嘅功效…食到唔見咗旦旦、原來醒目無痛精割…日子有功。

美帝肉平賣…怪得知咁開心啦!

17. 十一哥
2020-01-18 10:15
大鄉里  有料到 !

18. 大鄉里
2020-01-18 15:05
長期拜讀十一哥留言,讚。
常言美國幫中國。其實好彩美國一直睇唔起中國,點中國做低加工和高污染產業,再分心打反恐戰,和救金融海嘯,中國才有30年太平。
因為美國冇攪中國,中國才能掘起!
中國人如在家中兄弟鬩檣,在外認賊作父,實屬可悲。

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。