地產論壇
登入名稱
密碼
頁數:
晨早夜話(51)美匯點解會急跌
瀏覽人次:22401    回應:6

晨早夜話(51)美匯點解會急跌

 

湯文亮博士

紀惠集團行政總裁
2019年12月13日

  昨晚有在投行做工的老友請食飯,話題是美匯點解會急跌。當大家你言我語的時候,老友話我的見解最有可能,搞到我一頭霧水。原來他認同特朗普簽署「香港民主及人權法案」之後,其他國家人士留在美國的資金擔心會被美國政府制裁。不如在美國未有行動之前將資金撤離美國,首選當然是英國,所以英匯大升,次選就是香港,港匯也升。特朗普以及參眾兩院議員知道中了伏,現在都不敢提人權法。就算在香港,現在亦沒有什麼祝捷會或者制裁人士名單,大家希望將這件事淡化。如果推出什麼制裁名單,各國在美國的資金,尤其是那些見不得光的就會雞飛狗走。老友話唔明白美國佬點解咁儍,美匯轉弱,美聯儲局就有加息壓力,香港亦有加息壓力,大家小心一些。

晨早夜話(51)美匯點解會急跌
1. 十一哥
2019-12-13 11:20
雀仔  £有冇跟多少  ? 呢鑊幾和味 !
2. 唔明白美國佬點解咁儍
2019-12-13 11:41
兩黨政治加上政治娛樂化的必然結果,老襯被穿上皇帝的新衣,得物無所用。市傳阿爺應承下年買五百億大豆,well,下年?下年嘅事下年先算啦。
3. 十一哥
2019-12-13 11:43
傻侵之前…美帝一早就deal唔過、諗真D…有銀邊度唔好賭、硬係犯賤要拎去同無賴惡霸見高下…贏咗好難拎得走㗎。

㗎仔、獅子、EU大銀號、家家荷葉凝珠…肥就劏、美其名用司法…玩你10年8年、一路冇有判決…不過位位都係…交贖金消案、富不能與官爭…尤其官無賴 !
4. 自我陶醉
2019-12-13 11:54
博士個老友睇怕都應該轉行嘞! 全行都知英磅升係因為Boris Johnson 在大選領先, 脫歐問題有望解決。 點會係因為將啲錢搬去英國所以升呀? 真係亂噏廿八, 哈哈哈!

計我話,不如索性搬返香港啦,一勞永逸, 費事第日人哋立法又要再搬啦! 最多咪畀國家充公, 點都好過益外人啊!

5. O
2019-12-13 12:01
獅子銀行怕共產,回歸前搬去英國, 二十年後發現中國香港係收益引擎佔六成。英國玩脫歐搞到一地眼鏡碎。

反而係自由民主人權法治大國老尾,俾佢罰完一單又一單縮完又縮,總要被逼俾料捉孟小姐。

政治既野, 真係識條鐵。
6. 十一哥
2019-12-13 13:16
清清兩袖…醉醉人生…自由亂噏2十9…、心中有嘢…雙手冇物…本來冇嘢搬…梗係冇煩憂、醉叻叻!

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。