地產論壇
登入名稱
密碼
頁數:
貿易還貿易,制裁還制裁
瀏覽人次:22928    回應:12

貿易還貿易,制裁還制裁

 

湯文亮博士

紀惠集團行政總裁
2019年12月6日

  現在社運人士提倡「黃色經濟圈」,黃營人士只能幫趁黃色經濟圈。只要做得好,一定可以吸引藍營人士,慢慢地就會同化藍營人士,社運不戰而勝,此亦為兵法中上策,不戰而屈人之兵。其實,伊斯蘭教早已實行,穆斯林是不能夠脫離伊斯蘭教,但與穆斯林結婚的人,一定要加入伊斯蘭教,慢慢地全世界都是穆斯林。馬來西亞的華人非常之驚,擔心有一日馬來西亞變成一個全伊斯蘭國家,華人連燒肉都冇得食。而事實上馬來西亞有幾個州是不准食豬肉,華人擔心亦不無道理,不過檳城例外。

  老C撰文話黃色經濟圈沒有經濟效益,只幫襯黃店。明知又貴又唔好食又唔方便都要幫襯,何不放遠目光,只要符合自己需求,無論藍黃都可以幫襯。鄧小平話,不論黑貓白貓,會捉老鼠的就是好貓。

  我同意老C睇法,但我會稍為補充一些。如果黃營提倡黃色經濟圈,就會給藍營人士藉口,提倡他們自己的藍色經濟圈,唔請黃營人士。事實上最近有傳聞某些中資機構不會請黃營人士,而黃營人士又不能指責那些中資機構,說到底都是他們首先提倡黃色經濟圈。

  大家有沒有讀過聖經,耶穌在傳道時被人問及,他們如果相信天主,是否不用向羅馬政府交稅。耶穌回答「天主歸天主,凱撒歸凱撒」,信還信,一樣要向羅馬政府交稅。

  中美貿易戰與香港社運同時進行。特朗普失驚無神簽署「香港人權及民主法案」,可以隨時制裁觸犯此法案的香港人。中央政府當然唔開心,習主席話唔需要特朗普替他教仔。在美國還未推出制裁名單,中央政府首先發難,不准美軍艦進入香港以及制裁NGO機構。中央政府這樣做令大家都大吃一驚,認為中美貿易協議之第一階段一定會被擱置。大家都估錯哂,特朗普竟然話中美即將簽署第一階段貿易協議。如果有人問他點解,我相信特朗普會話「貿易還貿易,制裁還制裁」,政治同經濟最好分開。

貿易還貿易,制裁還制裁
1. 何不放遠目光
2019-12-06 11:03
果啲社企都係啦, 又貴又唔好用又唔方便都要搵人幫襯, 結果成為正苦負擔
2. 無耐
2019-12-06 11:36
黄色人士一定分割不了藍色經濟圈,第一件事黄色已經做不了就是他們一定要用東江水。更不要說來自中國的食材。
3. 黄色已經做不了
2019-12-06 12:23
黃色經濟圈要 keep 住加人工!

「職工盟建議明年加薪幅度不應不少於5%」
4. 十一哥
2019-12-06 12:58
5顏6色…色色可用…一定精彩人生、跟隊認色…好冇知識…做完炮灰成世衹有灰色。

5. MT
2019-12-06 13:18
黃 + 藍 = 綠,有一首歌叫 '綠色',幾好聽
6. 鳥5
2019-12-06 13:25
我都話商業機構會on list㗎喇.. 你覺得社會運動啫.. 全世界都覺得係反社會行為.... 你會唔會請一個反社會行為?
7. 鳥5
2019-12-06 13:27
響泰國 普遍檔香港黃絲 係一個笑話.. 我有時睇到佢哋啲廣告真係有啲心噏... 人哋玩咗紅王對陣幾年... 而家佢哋個心態睇香港呢件事.. joker
8. 鳥5
2019-12-06 13:30
有啲香港人 覺得自己犧牲 自己前途 係 普世價值. 響全世界最自由嘅地方在爭取 自由... 人哋只係覺得 人哋只係覺得係一個笑話...I.. 
9. 鳥5
2019-12-06 13:33
法國 黃背心 就話因為生活唔到 加汽油稅 退休金 咁就話啫...五大訴求 無厘頭
10. 引刀一快
2019-12-06 21:40
鳥5兄

香港咁嘅樓價,問題咪仲緊要過法國。
呢個就係問題基礎,送中就係問題源頭,貧富差距就係問題催化劑。
早早俾香港飛地,香港人自然融入大灣區,有好日子過,又點會咁極端。
11. 又點會咁極端
2019-12-07 07:47
又真係幾極端,膠銀養左個二流分析員十幾年,離開唔感恩一路放出惡言,仲邊有人請本土人?
12. 腥港人
2019-12-07 10:02
認同刀兄所講,無論大陸定抗爭者,都唔識靜靜雞贏,本來通左高鐵,去食海底撈個時間追近去元朗食B仔涼粉,人員流通就自然融合,結果又搞鑊大嘢。抗爭者一樣,搞乜抗爭竟然要跟日程。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。