地產論壇
登入名稱
密碼
頁數:
社會運動下的受惠者
瀏覽人次:23718    回應:20

社會運動下的受惠者

 

湯文亮博士

紀惠集團行政總裁
2019年9月11日

  有做裝修工程老友話趁中秋佳節,擺幾圍與各位老友共聚共醉。擺酒的地點在香港南區,目的是離開港鐵路線,示威的機會都會少很多。老友表示,離開示威區的食肆是相當爆棚,他費了九牛二虎之力才可以訂到幾席。從老友請客我了解到示威活動雖然破壞香港經濟,但亦有受惠者,遠離示威區的食肆就是其中的受惠者。不過,經營食肆的人不會承認,他們仍然會要求業主減租。

  老友話近日生意做唔切,示威者不斷破壞港鐵。港鐵在贖罪的心態下,即使示威者破壞至凌晨,港鐵仍然可以在早上開出第一班列車。有此效率,港鐵一定要付出為數不菲的維修費,連價都唔敢講。老友曾經暗示今年生意額大幅飆升,真的是要多謝那些示威者。我唔知道這算不算是發港難財,就算係,都是合理的。

  老友的生意額雖然大幅飆升,但相比另外一個搵港難錢的行業,簡直是小巫見大巫。大家應該知道,香港地產在風雨飄零下仍然可以保持平穩。因為大約有六成業主沒有利用他們的物業向銀行借貸。現在經濟轉壞,那些沒有欠債的業主可能在迫不得已的情況下利用他們的物業向財務公司借貸。因為如果現在向銀行借錢是需要相當時間,財務公司當然歡迎,那些其實是有抵押的私人貸款。因為在幾個月之後,債仔就會將物業轉按至銀行,現在不但可以收取高息,亦不用擔心債仔不還債。

  在過去幾年,銀行因為受到逆週期措施管制,很難將資金貸出,或者只能向按揭客戶收取卑微利息。經濟轉壞,貸款的人多了,即使他們有物業擔保,銀行仍然可以收取較高利息。如果經濟沒有起色,利用手上物業借錢的業主則會愈來愈多,銀行有能力調高利息上限。換句話說,銀行也是今次社運下的受惠者。

社會運動下的受惠者
1. 鳥5
2019-09-11 11:32
十一哥 我啲牛仔今日食糊。I,m Looking 下次跌市做準備.. 維持年頭原判 今年低位未見
2. 十一哥
2019-09-11 15:49
雀仔  鷄糊爆棚睇自己心水、賭…最緊要捨得食糊、十一哥呢排就一味儲D高息藍壓倉。
靜鷄雞話你知…哪唔好笑小學鷄呀、呢排迷咗玩淘寶小米…原來好過癮㗎 ! 諗到乜…就有乜、以前諗嘅古靈精怪嘢…淘寶幫你實現哂、領教埋D物流…真係天涯海角…一目了然效率奇高、千零人仔…試下隻紅米轆8(轆7轆9自己有)…啱收到…直情係冇諗住比生路其他人行、怪不得外夷一味要出茅招橫手啦!真係好似D女友人鬧十一哥咁…憎鬼死你呀!

3. 十一哥
2019-09-11 15:51
有負面嘢…就係比大老細省。
4. 鳥5
2019-09-11 15:59
淘寶我一早玩緊㗎啦... 玩咗半年後我已經知鴨寮街啲租死梗...
5. 鳥5
2019-09-11 16:01
在下太短玩唔到。。 唔係唔想玩短線。。 係能力問題, 本人自己知自己生
7. 鳥5
2019-09-11 16:09
更正。 自己知自己事
8. 鳥5
2019-09-11 19:52
香港交易所同倫敦交易所合併 ,仲話深圳 代替香港 做金融中心...諗下啦要用下腦呀... 輸到仆*呀
9. 鳥5
2019-09-11 20:23
匯豐又帶頭加息, 搶錢呀行先。 全港 最大嘅零售銀行手揸香港命脈數據最多。。。 後市點睇 你話佢點諗
 未上車千祈唔好上車
10. 鳥5
2019-09-11 20:26
咁大間bank. 都要玩轉身.... 咁細Bank嗰啲窿使唔使call呢?
11. 鳥5
2019-09-11 20:54
地霸商會 今日華支持政府土地收回條例 起大量公屋 
未上車千祈唔好上車呀
12. 鳥5
2019-09-11 20:56
在下 開口 都中, 出年啲樓跳崖 唔好制呀
未上車千祈唔好上車呀
13. 鳥5
2019-09-11 20:58
早輪我都講咗佢哋畀人打劫㗎啦 香港冇地 唔好信啦
14. 十一哥
2019-09-11 23:58
雀仔  點衹鴨寮街…成個實體零售天翻地覆啦!先達直情天堂直落18層、呢輪喺淘寶/小米淘咗幾十件嘢體驗下…性價比真係天下無敵、件件使得又四正、就算打100%稅都平通街、儍侵好古惑…上場就玩減稅傻鬼、減咗就由加入口稅攞番突…過埋阿爺一棟。

15. 鳥5
2019-09-11 23:59
其實2016年6成業主供滿樓唔使供 有冇留意份係乜嘢報告嚟?明日我再詳盡?。。 大家都吹咗咁耐 究竟大家知唔知呢份係乜嘢嚟呢? 明日我再講
16. 鳥5
2019-09-12 00:03
撒地舖 消費地,其實係地把商場 啲大屋苑。。。 不過淘寶都有好大鑊 因素。。
17. 十郎
2019-09-12 03:17


      11哥 , 前年(2017)我寫過一則 , 我同亞仔去鴨寮街買一個大銀一樣大細嘅打磨布轆 , 要價6蚊一個 , 返屋企後 , 亞仔話網購賣6角 , 一模一樣 , 我即刻叫佢買30個  , 過幾日 , 集運送到。我要說 , 怎麼辦 ? 怎麼辦 ?


18. 十郎
2019-09-12 03:43


      大家有冇發覺 , 現在的東西例如電器係平左好多。

      三十年前 , 我工廠有一個鄉下蠢婆女工 , 有一次閒談間 , 佢話X聲牌電飯煲冇貴過 , 因為十年前我做一個星期就夠買一個 , 而家貴左好多 , 但係我做一個星期又可以夠買一個 , 所以冇貴到。以前一個手提十吋電視要賣1500蚊 , 相等于一個師傅半月人工(不是工人) 。

      三十幾年前 , 一個惠而浦或者飛歌洗衣機要3000至4000蚊 , 今時今日都係呢個價 , 人工高左10倍喎。

19. 十郎
2019-09-12 04:08


      美國減息 , 滙豐加息 , 究竟滙豐識唔識經濟嚛 ? 哈哈哈哈哈哈。

      三十年前 , 有一日 , 一個做食蕉的同學找我 , 佢叫我在佢新任職嘅公司開戶口 , 炒外幣同倫敦金 , 佢而家係專家喎 , 我比佢嚇死又激死 , 吊 , 我都未專家 , 佢仲叻過我。

      前幾日我又睇到專家在報紙講會有負利率。有可能嘅 , 不過留意下現在邊 d 國家實行緊負利率先 , 德國、瑞士、日本 ?哈哈哈哈哈哈。

20. 十郎
2019-09-12 04:13


      佢地就好啦 , 出又刮 , 入又刮。😆😆😆😆😆😆



頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。