地產論壇
登入名稱
密碼
茶餐廳亂話(546)連儂牆背後的意思
瀏覽人次:31481    回應:105

茶餐廳亂話(546)連儂牆背後的意思

 

湯文亮博士

紀惠集團行政總裁
2019年7月15日

  我每朝跑步完都會去茶餐廳食早餐,原因是茶餐廳內有很多高手,隨時可以給我新的靈感。星期日早上跑完步去到茶餐廳,老闆話大件事,茶餐廳的門口在一夜間變了連儂牆,整幅牆貼了不少貼紙。不過,對生意就沒有影響我話如果冇影響就唔好理,因為「連儂」也是一個答案。

  老闆問我連儂是不是披頭四的約翰連儂,有沒有在香港開過演唱會。老闆問得好,披頭四的確來過香港做演唱會,不過只得3個人到來,鼓手靈哥沒有隨行,但有替代鼓手。當日,那支從英國工業城市利物浦崛起的樂隊,所作所唱的歌非常貼地,例如一個星期做足8日,做到好似隻狗。成了名,又搵到錢。隊員各自追求喜歡的事物,約翰連儂同大野洋子去印度取經,得閒食下大麻,做下冥想,竟然被佢寫了一首我認為披頭四最好歌曲「Let it be」,內容的確很有意思。

  連儂牆今日大熱,但我相信約翰連儂本身都唔知道無端端做了社運的傳播媒介。其實又何只今日,當日在文革時代,中國各地區有不少壁報板讓市民貼大字報,那些也是連儂牆。當時貼大字報的人與今日的社運人士有多少相似,他們用了某省市的少年先鋒隊作為貼大字報的人,真正身份冇人知道。這令到人人自危,連說話都唔敢講。同樣地,今日的社運人士就帶了口罩,市民都唔知道他們真正的身份,有多少德國蓋世太保的味道。所以,現在朋友之間都唔會談及政治,因為唔知道對方是不是激進份子。

  老闆問如何處理門口的連儂牆?很簡單,就是「Let it be」,唔好理佢。如果沒有社運人士打理,麻煩水吧安哥得閒清理一下,千祈唔好清洗,否則有可能激怒社運人士,呼籲社會杯葛茶餐廳。現在風頭火勢,社運人士遇神弒神,遇佛弒佛,TVB都被杯葛,千祈唔好得罪。隔得幾個月,一係解放軍出動,一係大家都唔記得現在發生什麼事,到那時才清洗也不遲。如果在清洗時受到阻止,千祈要停止工作,更加唔好出手打人,因為一定是出手打人的不對。水吧安哥話謹記,離開時聽到社運份子叫老闆幫手睇住幅連儂牆,唔好俾人搞,他們要去第二區做嘢。我沒有考慮到這個問題,今次老闆大鑊。

茶餐廳亂話(546)連儂牆背後的意思
1. MT
2019-07-15 09:50
圍爐取暖
2. 十一哥
2019-07-15 09:53
乸型一哥…仲要係度幽幽怨怨…8婆咁囉囉唆唆… 、 今朝睇法國差佬配備轆棍成米長…一路行一路抃、對比香港班捕快就派咗轆矮瓜…仲要跟指引…掃空氣 ! 阿爺看在眼裡…就任你班前朝9官玩!玩到真係失控…香港人就要出聲囈老表平亂嘞 ! 美帝紅毛最叻出口點人去放火…夠膽搭手就發夢冇咁早 !
3. 真真薯片
2019-07-15 10:03
Let it be的確係對付示威人士最好既方法,你唔理佢,佢貼野又好,佔路又好,遊行又好,你唔搞佢,佢就冇藉口出手,當年689就係咁樣解決佔中

但係林鄭正苦唔係咁諗,佢要以暴制暴,逼人打交,目的似乎係要鎖定激進示威者,每次都衝,每次拉幾十個,行十次拉幾百個,從而瓦解激進份子

咁樣做有兩個問題,一就係激進份子都底係會驚左比人拉,定還是會越拉越多?另一個問題就係雙方係不斷既衝突中累積仇恨,出手越黎越重,幾時會搞出人命,又係邊一方會有人死先?到時局勢又會點?

林鄭擺個局出黎要人互打,真係差到冇得再差既特首,遠遠差過689
4. 向泛民说不
2019-07-15 10:04
十一哥,政府现在的策略是正确的,虽然大家都急,但是急唔来,香港独特位置,让政府很难硬起来。而且现在反政府势力太强,背后有假发人,老师,社工等支持。还有台毒,美国法轮功。
博士讲的就是持久战,大家消耗对方的意志,等几个月之后,在做处理。
反对派的目的好像是要逼解放军出来,问题是中美科技战还刚开始,阿爷只会当香港是病毒,占时隔离。
5. 8婆咁囉囉唆唆
2019-07-15 10:20
文官就係咁, 你想點? 
6. 向泛民说不
2019-07-15 10:23
十一哥,你可以见到真真那个饭民打手,颠倒是非,指鹿为马的本领吧,基督教极端分子势力太大啦。

政府现在想是冷处理,差佬都打份工,都吾想和暴徒冲突。但是暴徒想搞大件事,这才是真相。

所以不要中饭民狗的计。虽然本人都觉得应该强硬对付,不过不是时机。
7. 明鏡止水
2019-07-15 10:55
1. 先係污名化批鬥警察(黑五類)
2. 再來民主有理,違法達義(造反有理,革命無罪)
3. 連儂牆貼小字報(大鳴大放貼大字報)
4. 凡是民主就是正義,凡是港共就是邪惡(兩個凡是)
火紅年代再臨

8. 向黃屍說不
2019-07-15 10:56
警方唔開槍, 已經非常克制 (好大可能係警隊高層指示唔可以再開槍, 以免引起民意反彈。不過無得開槍,變相同推前線警務人員去死無乜分別)
睇下美國警察點對付黑人, 就會覺得香港警察太善良,淨係用支警棍扑下扑下真係笑死人。
9. 借橋名
2019-07-15 11:06
連儂牆是政治搞手想顛覆香港的借橋名稱……示威者以朦面頭盔大批支援物資架饏工具鐵剪鐵,拆鐵欄做碼, 成個顧傭兵兵團部署模式……
10. 已經非常克制, 睇下美國警察點對付
2019-07-15 11:15
This is Hong Kong, 甚麼都超乎常理, 冇人想孭鑊, 你敢開槍, 咪要俾個一哥你做? 上面又話要做野, 淨係俾套夠做野嘅衫同條棍你叫你睇餸食飯。最有效嘅方法, 其實係一個差人都唔出現, 由得啲遊行人士同暴徒亂咁行。
11. 十一哥
2019-07-15 11:32
一哥婆乸但係夠毒、如果通街唔見一個捕快…佢就解唔到籤、點點當就最穩陣…頭排又冇洗一哥企、前線受多少皮肉之苦……事後醫院蒲頭又可以做下穌。

12. 自我陶醉
2019-07-15 11:37
薯片兄

其實呢個三煞位,邊個做都會死,只係佢死得難睇啲啫!

現時嘅制度可能令佢出現角色混淆,佢唔太明白咩叫得民心者得天下,只知道得選委心者得天下。 佢當咗自己係父母官,做阿媽係唔可以種壞個仔,佢打你都係為你好,佢唔記得自己身份其實係市民公僕,其實連我都開始懷疑特首仲算唔算係市民公僕!

13. 亞Q
2019-07-15 11:41
連儂牆味即係大字報牆,古老當時興啫貼得上去一定係偏埋一方,否則貼者實俾人打死 !
14. 向泛民说不
2019-07-15 11:47
楼上,特区政府玩的应该是持久战啦。有人叫林郑出来谈判,但是暴徒已经话过要林郑无条件投降,先开始谈判。问题是阿爷吾会比林郑投降咯。仲有目前狗罩暴徒太多势力,你可以和边个谈判。就像64时,政府和王丹谈,吾尔开希不开心,和吾尔开希谈,柴玲又不接受。目前反对派并没有一个可以谈判的对象。所以谈判只会没完没了。

如果政府强硬对付,就可能需要出紧急状态令。或者宵禁,但是这会影响中美争霸战,所以阿爷吾比事态失控。

所以唯有持久战。消耗对方的意志。
15. 仲算唔算係市民公僕
2019-07-15 11:54
中國傳統倫理係父嚴母慈子孝, 至少書係咁讀, 高分精英優為之, 掉轉頭黎講啫係只要個仔聽話咁老豆就可以做其嚴父老母也可以做其嚴母, 唔駛問點解, 但個仔唔聽話, 或者分唔云爭身家咁點好呢? 書上面冇講果時又冇東華三院, 所以唔知點算。其實呢個係三煞音樂位, 是為現代鴉片戰爭, 一食上癮, 睇吓轉到邊個轉唔到落去。
16. 向民主自由說不
2019-07-15 12:21
如果唔係香港咁多外國勢力, 阿爺一早實施左宵禁啦, 仲同你玩懷柔政策咩
留意下武漢反對起焚化爐示威, 只要阿爺鐘意, 要封銷消息再武力鎮壓有幾難? 
遲D裝埋人臉識別技術同埋社會評分系統, 睇下班暴徒仲敢唔敢批評政府。
17. 阿爺一早實施左宵禁啦
2019-07-15 12:33
可能阿爺對哩個地方的一切都摸不著頭腦。
18. 自我陶醉
2019-07-15 12:33
向飯

用持久戰當然係必須,9月就放完暑假,到時就自然少了一班人,以暴易暴根本唔可以解決問題。 好似昨晚嘅情況,示威者被趕入商場,冇在裡面作任何破壞,搵班警察入去作困獸鬥,大家都以死相博,點會唔失常性? 係咪有必要困獸鬥? 這樣只會令兩敗俱傷,加深雙方敵意。 現在只希望冇人死,否則一發不可收拾,到時真係要等解放軍鎮壓了。

其實是否對話已經唔重要,班青年人連泛民都拉佢唔住,以林鄭現時嘅情況,除咗換人,重新討論政改,認真解決貧富懸殊問題,根本冇其他方法。

19. 根本冇其他方法
2019-07-15 12:42
醉哥, 問題又返番到起點了。
20. 真真薯片
2019-07-15 12:46
醉兄,警察岩岩升左個英國警司做副處長,而佢又不斷用呢重高壓手段清場,好明顯主動撩交打造成衝突,從中盡量拉人同指責示威者暴力,呢個就係政府既大策略,林鄭鐘意玩火,佢想全面翻盤,或者佢真係可以成功拉晒大部份激進派從而瓦解暴力,另一個可能係激嬲更多人變成激進派,咁既策略最終必有一方大勝一方大敗,林鄭正苦手握權力,佢地已經決定左咁做,都冇辦法,我地只可以等,同埋希望有心水清又有地位既人將林鄭既策略如實向阿爺匯報,作為普通人,我地乜都做唔到
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。