地產論壇
登入名稱
密碼
頁數:
投資者篇 - 願賭服輸
瀏覽人次:52062    回應:28

投資者篇 - 願賭服輸

 

湯文亮博士

紀惠集團行政總裁
2014年12月12日

  Simon & Garfunkel 名曲《Fifty Ways to Leave Your Lover》,意即有50種方法離開你的愛人,不過要切記離開之後,不要將舊情人的缺點公諸於世,否則不但會惹怒舊情人,其他人都會鄙視此等行為。
 
  市場傳言有投資者在去年初放棄購入金鐘力寶中心高層全層後,對傳媒說金鐘區大廈將會下跌至每呎6,000元,相等於三分一他放棄購入物業的價錢,以示撻訂動作很正確。
 
  與此同時,大多數投資者亦認清形勢,測量師態度轉變,銀行態度轉變,紛紛撻訂,但沒有人高調表示物業市場會下調。他們只會低調解決應有法律程序,因為所有人同坐一船,就算上了岸都不希望該船沉沒。
 
  政府將會把總部遷往金鐘,表示該區將會是新的行政中心,跨國企業如律師行、會計師行、基金管理公司等均以該區設立總部為終極目標。
 
  2009年初,金鐘區商廈有為數不多的分層散單位售出,呎價低至7,500元,而外資測量師行以該等成交價為參考,以至該區全部大廈極高層估價不超過每呎9,000元,中低層更不在話下,該區業主都知道,外資行估價部在打壓物業的真正價值。
 
  慶幸的是樓市在下半年慢慢回復正常,所有類型的物業都有不錯的升幅,甚至有火紅的現象。金管局提醒市民注意置業風險,願賭服輸是正常的,不過今次是別人話人輸,殺你的賭注。

今日評語

  現在政府見樓市不跌之餘,還有上升空間,不但收緊投資樓市條例,增加各種附加稅,甚至限紅,令很多人不能參與或者過份投資物業市場,倘若樓價上升,當然是得不到可觀利潤,但樓價下跌,受損失的市民便會減少很多,而且他們是輸得起,我想,現時政府的房屋政策,就是讓那些輸得起的人才能參與,除了那些只有一個物業的小業主。

投資者篇 - 願賭服輸
1. 睇得通
2014-12-12 12:04

【名稱】:隱惡揚善

【拼音】:yǐn è yáng shàn

【釋義】:隱:隱匿;揚:宣揚。不談人的壞處,光宣揚人的好處。

【出處】:《禮記·中庸》:“舜好問而好察邇言,隱惡而揚善。”

【例子】:他和你是同僚官,雖有些過失,你可隱惡而揚善。(明·施耐庵《水滸全傳》第三十三回)

2. 大寶二寶
2014-12-12 15:55
最新CCL131.61 大升1.15, 再破頂。

隨着佔中暫時解诀加月尾西区地鉄通車,CCL 年尾噲企稳135 以上。

共勉之,哈哈!
4. 大寶二寶
2014-12-12 21:23
刀兄,

我有朋友想買珠海的时代傾城,三房单位, 兩年後入伙, 貪佢交通方便。諗住先放租,退休後自住。請問有何高見?

共勉之,哈哈!

5. 引刀一快
2014-12-13 00:51
大寶二寶兄

高見就唔敢,你老哥開口問到我梗係要加二錢肉緊回應喇。
依傢建議先齋睇,除非對樓價唔志在,或者已經邂逅咗心頭好。一兩年后入伙嘅樓花、中山珠海呢兩個都係跌緊價嘅熱點。依傢樓市仲係好掂嘅就係深圳。
一般三房都係85-110方之間,8-9000蚊一方就係一百萬之譜。講你知依傢中山有D睇得下嘅新樓盤,毛坯價係唔到4000一方,入住率好低。你朋友揀果度我估都係考慮橫琴、澳門,不過唔算近。建議先睇睇成交咗幾多成,睇睇成個樓盤最鍾意邊個位,做足準備功夫,話唔定有人放番岀嚟,果D通常都靚嘅。
買呢類樓盤一定要注意一點,就係交通問題,比如物管有冇提供樓巴,同埋有冇足够車位,仲要睇睇附近的士營運情况,最怕有D地方,過咗10:00PM就叫天不應,叫車唔聞。
簡單總結,睇多D,保持好心態,唔駛太心急。
6. 大寶二寶
2014-12-13 01:16
謝謝刀兄。唔知呢類盤容易出租嗎?
7. 引刀一快
2014-12-13 01:18
剛剛想同你講,出租吖嘛?用嚟呃老婆就得!
8. 大寶二寶
2014-12-13 01:20
仲有你講的85 至100 万是否人仔定港纸?
9. 引刀一快
2014-12-13 01:24
一般三房都係85-110方之間

方,係面積平方米。唔係萬字。

中山三角,一間全新三房32萬買到喇。
10. 大寶二寶
2014-12-13 07:40
回刀兄

可能昨晚太攰睇錯了。謝過。
11. 元朗人
2014-12-13 07:58
引刀兄,

多謝分享大陸樓情況,加送埋呃老婆小貼士。Like!

你提及要留意有沒有足夠車位,又令小弟得益不少。謝謝!

請保持留言,這裡高手值得敬佩,寫文章要心思時間,還要EQ高。
12. 願賭服輸
2014-12-13 11:23
估14年底ccl低於118嘅服輸未?尤其那位所謂大陸專家猛人?
13. 引刀不快
2014-12-13 11:26
你地估中係好運,我估錯亦當然只係欠缺運氣,如果唔係。。。。嘅緣故,ccl肯定已低於100。
14. 引刀真令人不快
2014-12-13 12:31
引刀兄, 為何你每次引刀就令某些人不快? 原因是你EQ太高,而且猜錯了ccl還有人贊, 實在使某些人很不快。

閣下講出了重點, 交通配套最重要, 沒有合理配套只會是死城, 珠海中山也有不少這樣的鬼城。 橫琴雖然是個好概念, 但去過的人都知, 那裡面積非常非常大, 一片荒蕪, 不是一時三刻可完全發展起來, 沒有十年以上, 也見不到很大分別。 樓巴配套亦十分重要, 但千萬不要信發展商的一面之詞, 我有朋友買了雅居樂坦洲某樓盤, 他們賣樓時所有宣傳都說有樓巴可20分鐘直到拱北,最後, 他們卻以入住率不足為理由, 不辦樓巴, 所以最好是選已有樓巴的樓盤, 或有信譽的發展商, 千萬不要選那些沒有誠信、專起鬼城, 只會靠低價和宣傳技倆招來的發展商。

15. 引刀一快
2014-12-14 06:46
To 14樓 兄台

感恩之外,還是感恩,呢個論壇俾我嘅嘢實在太多喇!每次遇到果位不快友,我就自我麻醉,五感盡失,得番幾隻手指識郁陪佢吹水,難得佢不離不棄,成日攞住碧咸版嘅充氣娃娃我。
16. 引刀一快
2014-12-14 07:09
To 元朗人兄

買大陸住宅出租作爲投資,回報低,比較高嘅係深圳而已,買公寓就必須位置佳而且風險大。
簡而言之,唔建議冇自用價值嘅住宅投資。
17. 物業初哥
2014-12-15 10:38
也想請教引刀兄

家人想買廈門角美的萬達樓盤作為日後退休回鄉住之用,但那裡是郊區,如地鐵未能通車需座1個多鐘小時車才到市中心,未知你對該區睇法如何?

謝謝
18. 引刀一快
2014-12-15 13:29
物業初哥兄

請教唔敢,大家交流下吧。
萬達一向嘅策略都係搵邊陲地,等地鐵通車、等城市規劃,然後大幅利潤,你睇睇廣東嘅萬達就知,甚少會攞老熟城區嚟發展,買定等幾年之後退休係可以嘅,依傢住就會好隔涉。
我上網睇咗一下,建議等地鐵批文落埋先,依傢可以慢慢睇睇,好似周圍新樓盤都有幾個,睇埋先,我都仲係果句,呢排大陸盤應該攤凍嚟食,近排會有比較可觀回落。
厦門係我幾鐘意嘅地方,各方面條件都好好,唯獨是海水好差,果邊有親台因素,相信未來發展會好穩定,如果係福建人去買嘅話,我係幾睇好。
19. 向饭民说不
2014-12-15 14:09
引刀兄,你应该系投机倒把的坏分子,点解会支持比共产党,更共产党饭民。
20. 向饭民说不
2014-12-15 14:09
引刀兄,你应该系投机倒把的坏分子,点解会支持比共产党,更共产党饭民。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。