地產論壇
登入名稱
密碼
頁數:
我的新書預告(2)出版日期
瀏覽人次:59430    回應:20

我的新書預告(2)出版日期

 

湯文亮博士

紀惠集團行政總裁
2014年12月6日

  最近很多人問我本新書幾時會出版,好彩我真的打算出書,否則,都唔知道點樣回答,據出版社通知,新書已經在印刷中,如果沒有大意外,應該是12月20日,剛好還有兩個星期,大家又唔需要太心急,我差不多每日都有寫文章,網站文章比新書文章更貼時,如果睇開網站的網友,新書內容未必會很驚喜,否則的話,有讀者可能會一次過將成本書睇晒,出版社負責校對的員工都是一次過將整本書睇完,才開始校對工作,他們以讀者身份對我說非常有信心,我當然知道這是客套說話,不過,他們身體力行,首次印刷已經有五千本,我知道這是一個偏高的數字,但我亦希望這本書銷量不錯,唔通要出版社做蝕本生意,有錢賺先至會同我出第二本,第三本,所以,希望各位網友捧場,好似街頭賣藝的人所說,玩得好請俾多些少掌聲,玩得唔好就多多包涵,千祈唔好柴台。

  其實,我很少與出版社溝通,在兩三個月前,我給出版社大約一百篇文章,由他們負責揀七十至八十篇,如何分章亦由他們負責,我知道有一些作者很喜歡給意見,我亦見過出版社與作者意見不合而拆夥,但我認為出版社在分章,分節,設計,推廣等一定比我優勝,我只需要向他們提供文章便可以,如果我參與出版社工作,不但給他們添麻煩,而且會拖慢進度,而且我真的是不熟識出版工作,事倍功半的事我是不會做,分工合作便是最佳拍檔。

  這又不等如我不給予意見,我的意見很簡單,售價不能太貴,今次訂價為每本一百元,其二是不提供照片,因為我覺得照片對文章內容不會起任何作用,而印刷費就會貴得多,最後,是要講求環保,據出版社資料,今次用質素非常之好環保紙,我只給出版社上述三個要求,他們亦做到,而新書封面,將會是非常搶眼的鮮黃色,這是我個人喜好,沒有政治色彩,今次,亦是我與負責的出版社第一次合作,大家都基於互相信任的情況下合作,不過,我們亦有一個共識,就是新書銷量最少有發行量八成才會出第二本,亦即是物業投資者筆記之二「逢三退一」,出版社說非常有信心,我當然承他們貴言,但亦要做一些推廣工作,年尾又要出席幾個講座,講起嚟都幾辛苦,我公司同事笑我有自唔在,攞苦嚟辛。

我的新書預告(2)出版日期
1. 80 後求生隊長
2014-12-06 11:17

新香港


兩年前寫過一篇溝淡的文章係以溝淡為樓市同經濟角度出發,今日梁大特首又話年輕人唔應該把目光只放係香港的時間,又同時話香港無人材,要以較寬鬆的手法引入人材,人的去留亦自然會成為對樓市需求的原素。


其實從梁大特首的字裡行間都睇到一D落筆,因為一邊話年輕人應該放眼大陸,台灣,星加坡等等之餘,即係叫你可能離開香港發展的同時,又話要引入人才黎香港,好明顯即係話新一代的年輕人似乎唔係人才,而在香港的機會則是留比所謂的外來人才。呢個論述,配合佔中行動,幾可肯定係一個全面的國策,即中央都唔係太信任新一代的香港人,所以香港的政策並沒有考慮如何令新一代的香港人變成人才以爭取香港的機會,換句話說即係年輕人,算吧啦,機會是沒有留給你們的。


從整個中國的大畫面黎講,由兩年前的情況到今日的政治氣候已經唔同左好多。兩年前的香港最多只是寵壞了的孩子,但今日的香港是壞孩子,在中國樹立了一個不好的榜樣。所以如果我係習總,無論兩傘行動最後怎樣,大方向一定就係要主動及積極的掌握同滲透香港所有的階層。理論上的確一個兩制已經無乜意義,香港咩核心價值唔價值,在中國的版圖上其實根本也不值一提。試想想,中國沒有了香港得唔得?我可以肯定的答你,中國無左香港仍然係如日方中,中國無左香港一样係世界大國,香港對中國來說只係錦上添花,有就好,沒有也沒什麼大礙,最緊要就係香港唔好成為一個搞搞震搞亂檔的地方。


除了在政制上面唔會讓步比你真普選之外(比你選到個唔聽話的咪仲亂到仆街?),一個假普算同埋社會的民情聲音理論上都係北京政府要控制的。而要控制民情的方法,一方面當然係靠媒體,另一方面就係令香港有更多的中國人落根係度,而呢D中國人最好就係本身土生土長於國內,沒有太多思考,只有國家好香港好的一個思想的意識形態的人,咁到時話之你一人一票又好咩都好,大權已掌握在手,民情亦歸心,老香港果份本土意識亦自然被淡化同沖洗,到時唔駛2046年,香港人都變晒新香港人,咁又何需理會50年變不變?


因此,如果你係窮得眼裡只有錢的話,咁一個好消息係未來呢幾十年配合寬鬆的人口政策,落黎的人排公屋的就排公屋,買豪宅的人就買豪宅,香港樓的需求將會係源源不絕,樓價將會有一個非常強勁的支持。可能你會話咁都有班年輕人會走左去第二度發展喎,一來一回都應該減番D需求吧?不過,你可以諗香港人都係有條根係香港,就如好多移左民的人一样,都會Keep番間屋係香港等回港探親旅遊時用,所以人可能唔係香港,但物業同資產其實都會仲係度的。


回歸現實,中國好其實香港都真係好,呢一點是母用置疑的。作為中國的一個城市,香港也有一定的國民責任,不過要劃清一條責任同本土意識的線時,是在中間下墨,或是中間偏左,就要看往后的政治變化。要搵錢,特別係要係樓市搵錢,配合國策的話,似乎只要肯買都唔會有問題,只是到時把目光集中係數錢的你,抬頭一望可能會發現,景物依舊,人面全非,你置身的已經是一個新香港了。

2. 麗娜
2014-12-06 11:33
會支持的,謝謝博士不吝嗇分享心得。
3. 山高雲低
2014-12-06 11:44
博士之書绝对超值。一生得益。 
建議博士搞網上預訂。不知可否? 
另外,想问维園攤位是否可以買到呢?
4. 肥婆四
2014-12-06 12:03
我一見即買,若有網上預訂更好!這是難得的真知卓見,只有想人好的人才寫得出。首版只5000本?咁就手快有,手慢冇都得嘞。
5. 惜緣
2014-12-06 12:09
支持並感謝博士。
6. 珍惜香港
2014-12-06 14:04
珍惜香港

五千本真喺唔算多,希望大家到時 UPDATE 下邊度有得賣。

都喺果句,年尾相聚,將會喺一件盛事。一於先買番本再去 240 搵博士簽名啦!
7. 打工仔 Andy
2014-12-06 14:46
全力支持博士新書! 
8. kow925
2014-12-06 15:28
一定買~
9. 西門
2014-12-06 15:57
2個字,買硬!
10. 路人丙
2014-12-06 16:33
博士勞心勞力,持之以恆,日日塞錢入我哋個袋,本書即使賣一萬蚊,我也會買的!
11. Small Potato
2014-12-06 17:25
Thanks Dr. 期待你的新書, 一定買番一本珍藏。珍而重之:)
12. Oscar Lam
2014-12-06 19:44
博士的每篇文章的讀者起碼超過一萬人以上,5000本書相信很快賣完,大家行動要快!
13. SK @ UCLA
2014-12-07 09:36
湯博士,

從美國畢業回港後在iMoney 認識博士。無論在投資,處世方面都獲益不少。

身為女性,我十分敬仰傅老榕三太太及博士媽媽待人接物及持家的智慧。衷心希望博士不吝嗇分享, 讓讀者多多學習。十分感激!

P.S.不在維園現場買的書可以在攤位簽名嗎?謝謝! 農曆年維
14. 元朗人
2014-12-07 09:51
博士,

請恕直言,新書售價若是$88,會更加容易打入新讀者的購買名單。這樣更好惠及上進年輕人。
15. 多嘴街
2014-12-07 14:33

博士:我個人支持您出第二本著作,錢銀事小,對我地小業主可大可小。

用您的智慧、您的正能量、您的辛勞去為社會、小業主打氣,您話是不是好有價值。

您的分享是使好多人受益,您話是不是?辛苦左博士一個人,幸福千萬人!

博士就是一個更加有福氣的人!


16. 引刀一快
2014-12-07 16:40
To 元朗人兄

依傢好多大陸書都賣五十蚊以上,發行量咁大都咁貴,香港書過百係好正常。
17. lga908
2014-12-08 09:53
支持博士!
18. 2011開始2
2014-12-08 13:18
支持博士,一出即買
19. 支持博士
2014-12-08 17:30

支持博士, 麻煩博士 到時在網站 UPDATE 一下,

順祝銷量冠軍!!!!

20. anggie T.
2014-12-09 00:02
Very glad to hear that!  Congrats for your new book!
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。