地產論壇
登入名稱
密碼
頁數:
現在是適當時候取消SSD
瀏覽人次:65685    回應:15

現在是適當時候取消SSD

 

湯文亮博士

紀惠集團行政總裁
2014年11月3日

  佔領行動發展超過一個月,啟動者亦意興闌珊,早已回大學教書,佔領行動幾時會完,似乎還未有一個確實時間表,但對經濟影響之巨大,亦已見端倪,樓市好似仍然靠穩,最主要原因就是供應量太少,在有限的供應量之下,就算購買力減弱,樓價亦不會下調,而SSD其實應該在樓市下跌的時候才會採用,其作用就是減少供應量,使樓價不會急速下跌,副作用就是令政府唔了解樓市真正情況,其實,三種辣招都有相同副作用,所以,佔領行動照理應該令樓價下跌,但樓價應跌未跌就是供應量太少,亦與政府出招的目的不乎,因為政府出招只有一個目的,就是要樓價下跌,故此,我認為政府趁此機會取消SSD,釋放供應量,令樓價下跌,這才乎合官員們意願,問題是,政府官員有沒有膽量取消SSD,倘若取消SSD之後,樓價下跌,他們恐怕給市民唾罵,如果官員們有此想法,我又覺得很奇怪,當初推出SSD的時候,講到明要樓價下跌三成,點解當時唔驚而現在驚,如果現在唔撤,以後就冇機會撤銷SSD,官員當然唔信,我只能夠說,信不信由他們。

  政府出招的目的是要樓價下跌,但亦沒有打算將辣招變成永久法律,不過,官員們又唔知道幾時可以撤招,所以,沒有一個日落條款,最多會說,在適當時候就會撤招,什麼是適當時候,沒有一個官員可以說得出來,所以,我說現在是適當時候,亦不會有官員話我錯,基本上我已立於不敗之地。如果現在撤招,樓價在供應大量增加之下必定會下調,唔好以為有樓的人一定會罵我,事實相反,有很多人會多謝我,就是那些受佔領行動影響而必須賣樓的人,在SSD未撤銷前,他們賣樓就要付SSD,而且SSD稅率太重,在SSD取消後,即使樓價跌10%,他們不用付SSD,實在除笨有精,我估計,取消SSD,再加上佔中效應,樓價是有機會跌20%,不過,大家又不用擔心,當樓價下跌15%之後,便是取消BSD,DSD的好時機,老實說,取消BSD,DSD就不需要膽量,只不過是順應民意,官員們借力打力,在一段時間內不但可以取消所有辣招,而且的確曾經令樓價下跌,有心上車的人,如果把握機會,就會變成一位小業主,而一般小業主亦只不過在樓價下跌時,心理上會有短暫失落,不過,當樓價回升,失落感便成過去。官員們終於可以鬆一口氣,從此,辣招與辣椒都可以放在雪櫃,辣招政策,在驚濤駭浪之下,終於功德圓滿。

現在是適當時候取消SSD
1. 湯博士,我有以下愚見,你睇如何:
2014-11-03 10:08

本次占中之發生及持續,本質系兩種對立嘅政治勢力係香港呢個特殊時空達至某種微妙平衡之結果。美國民主黨與共和黨雖然勢均力敵,但並非對立勢力,所以佔領華爾街好快就俾擺平;反之係大陸,東風絕對壓倒西風,根本唔會發生占中之類事件。

 

香港嘅兩種對立政治勢力,中立言之,可稱為“北京系勢力”及“反北京勢力”。皆因“北京系勢力”中亦有唔少內心並非親近北京,僅為利益而已,故稱為“親北京勢力”並不準確。

 

本來北京系勢力佔據壓倒性優勢,但其主要依靠,即軍事力量,礙於種種原因未能夠好似係大陸時咁容易使用,自然威力減去大半;而“反北京勢力”雖然有歷史(逃難者後代,港英百餘年統治)及現實(西方國家或明或暗支持)之基礎,但亦無力擴大戰果,更不可能策反特區政府及警隊(若能,亦會立即招來PLA),故而雙方暫時處於膠著。

 

本次占中即使和平退場,只要此二種對立政治勢力依然存在而且大致平衡,香港必定繼續亂落去,只需睇下泰國嘅情形就可以明白。香港若要長治久安只有三種辦法:

 

a.       此兩種主要政治勢力唔再對立,但系至少二十年內冇乜可能;

 

b.      第三種政治勢力出現,壓倒前兩種,但呢個比a可能性更小。皆因兩大勢力背後系世界兩大陣營,第三勢力絕無可能于夾縫中成長壯大;

 

c.       其中之一取得壓倒性勝利,另一方大大削弱,無力再搞風搞雨。由於現實中冇可能“北京系勢力”衰落,故只有“反北京勢力”極大衰落後,香港先可以回復平靜。

2. 山高雲低
2014-11-03 10:41
若要撤招,必以SSD先行, 這是正確的步驟。只不過以現今政府之弱勢,弱勢政府事事哀。 
小業主必以相反方向行事。我意思是大部分被挷的業主都不會放盤。供應增加不會太多。 
另一方面,由於新買家不須被挷三年,故需求增加。
設招時,供應減少大過需求减少。價升。 
撤招時,供應增加细過需求增加。價又升。
 哀哉,弱勢政府。
3. lga908
2014-11-03 11:18
博士, 咪教精班友啦 我仲想夾高d至賣呀. 反正一班賣自住的賭徒友睇錯市仲咒業主負資產, 輸波又輸品, 根本係抵死唔值得可憐

4. 大寶二寶
2014-11-03 12:47
博士,取消 SSD 係吾會即時增加供應量,只會对心理上有影響。取消的生效日期會係由宣佈取消日開始生效。之前簽下之合約係吾會有影響,所以宣佈取消後短期樓價會再升一浸也。

共勉之,哈哈!
5. 引刀一快
2014-11-03 13:07
To 4樓 大寶二寶兄

我又唔係咁睇喎,宣布之日,如果係利減樓價,多數想出貨嘅人,應該會鬥快走。
6. 大寶二寶
2014-11-03 13:38
回刀兄

其實我地估咩都冇用,因為永吾知答案。正苦短期內都吾會,吾敢,亦都吾得閒去諗撤招呢樣嘢。

共勉之,哈哈!
7. 幸運嬰潮人
2014-11-03 13:59
博士又想學田少嗎?呢D野你可以想,唔可以講!
而家政府係SSD落重注,就好似亞爺係CY身上show hand一樣,就算心中知錯,都冇可能去改變而打到昨天的我,咁同認錯一樣,必會損害管治威信。
陳德霖呢頭先話要留意樓市有否過熱,仲話可能要出更多逆週期措施。
老實講,而家樓市只係細價樓過熱,大價樓反而有小小冷,政府要做既係再平衡,最好既做法反而係"賣樓人士按揭優惠",例如比剛剛賣出600萬以下樓既人可以係9個月內買用按揭保險做5成以上另外1-2成既二按,即係可以做到7成按,咁反而可能令細價樓供應增加,換樓人士改善生活,經紀開單,裝修佬有生意,按揭證券公司有生意,銀行又冇加大風險,一舉數得。
要發展商同政府加供應,千千聲已經好多,仲要唔係平得去邊,幾時先追得上數以10萬計想換樓但係比首期限制阻住既小業主?
8. 引刀一快
2014-11-03 14:06
寳兄

同意,依傢CY肯定一動不如一靜。
9. 睇得通
2014-11-03 19:33
現在是適當時候取消SSD ???
現在取消SSD 是沒有人敢做的事!!!
通街瞓街雨傘都未有人敢清除???
博士都話是空城計...
如何夠膽發出自我毀滅戰!!!
10. Oscar Lam
2014-11-03 21:09
做多錯多,不做不錯。在餘下的任期內,CY的最佳策略是甚麼都不做,撤招沒望。
11. 引刀一快
2014-11-04 06:51
OL 兄

大陸樓市下行,任何會觸發拋售嘅動作,都可能將陸客房産呢一大塊撬鬆。
12. Oscar Lam
2014-11-04 07:37
引刀兄,早晨!

我對大陸的看法和你有一點不同。這二個星期我專門去了幾天上海深入了解上海寫字樓的發展(去年已去過二次)。上海的發展、全盤規劃,使我十分佩服,同時使我擔心香港未來的發展。有時間我再跟你討論這方面的問題。
13. 引刀一快
2014-11-04 08:07
Oscar Lam 兄

期待期待!

我在11樓留言,意指陸客在港持貨部份,會因爲大陸下行,受香港樓市大變化,引至班資回朝。
14. Oscar 兄
2014-11-04 15:11
請post.感恩。
15. 直至到地球毀滅,在香港,長期持有物業的回報仍遠勝股票
2014-11-04 19:05
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。