|
法子《列車將於10分鐘後開出?》
2014年9月17日
我上星期六晚撘港鐵經太子時,列車突然壞了,所有人都要下車,大家都留意住廣播。
不一會,有廣播說:「列車將於10分鐘後正常運作。」
於是個個都留在月台等。到10分鐘過去,又有廣播說:「列車將於10分鐘後正常運作。」
就這樣月台的人不散,還有新加入的人。
於是我離開了,但事後睇返報導,原來差不多兩小時才真正運作。
美國人想全世界繼續用美元,保持美元的地位,這樣美國就可以抽全世界的稅(現金稅)。
即係話,美國人想繼續抽稅(不想或不可正常開車)。又想你繼續相信美元(繼續等車)。於是就不停廣播「列車將於10分鐘後開出」。
這覷準了乘客的心態,「我等咗20分鐘,萬一我一離開,下一分鐘就開車,我咪嘥咗之前的20分鐘。」
這是心理學的 sunk cost,早兩年賣了自住樓的人,等了2年,如果現在買返,萬一明年真的加息樓價跌,就覺得好唔抵。
但細心想一想,美國第一次說「加息」是「2009年說會在2010年加息」。美國用緊的,正是「列車將於10分鐘後開出」。
remark:我在此說的「加息」是指利率正常化的3.5%到6%。
只要你唔離開,列車總有開出的一日,就好似加息,只要你唔買返層樓,總會有日加息,但到時樓價可能高到跌一半都仲高過你當年的賣出價。
|
|
|
用自己舊文回應一下博士今日的文章
------------ 法子《徵稅不能解決現在的問題》
2014年8月10日
看完今日一篇學者的文章,真的忍不住要再寫。
價格上升有兩種,第一「需求拉動」。第二「供應推動」。
香港90年代到1997年的上升是「需求拉動」,當時樓價上升是因為人人揾錢多咗,想住大啲,住豪啲。所以「由豪宅升先」。
近幾年的樓價上升,是因為供應不足,令到需求向下移,即同樣的價錢,只能住細單位,令壓力壓在細單位,基層樓。請看過去文章《壓力煲效應》和《沙漠支裝水》
現在是第二類升市,樓價就好比打扙時的米價,因為沒有了供應,但每人都要生存,所以搶購。價格上升。但有學者竟然建議政府:「只要徵稅,就會少啲人買米,價格就會下降」。這樣的思維是不合理的。
他(下面文章)只會單純地想,抽稅你們就賣樓。這樣「買賣市場」就多了供應。但李先生有沒有想到,這樣並不是「增加了供應」,因為同時間「租務市場」就少了一個供應。請李先生去各大屋苑的代理了解一下,現在的問題是「買賣加租務的盤的總數」都不夠應付需求。問題的結構,我上年頭的《10間屋的村》已經寫得好清楚。現在衡平比大約在1.2,已經反映出「樓市現在是好實淨」。
已經不只一次有學都或經濟學家作出這類建議。過去幾年,還自己和叫別人賣出自住樓,結果其父母也賣樓。
原本,他們自己的投資決定,別人管不了,但他們多次向政府建議,政府亦曾接納。這樣就影響全香港,我們不能不發聲。
--------------------------------------- 節錄自2014年8月10日蘋果日報
理財第一波:徵稅解樓市困境 - 李兆波
樓市再創新高,以二手市場的細單位為甚,一個建築面積400呎的小型單位,動輒要300萬至400萬元,超越了新一代市民的負擔能力。樓價高,市民惟有轉往輪候公屋,令公屋輪候冊與樓價一樣創新高。
政府不是沒有方法解決困境,而是在尋找土地方面處處碰壁,加上樓市問題不是一朝一夕可以解決。現時的雙辣招似乎未有令樓價逐步回落至較正常的水平,因為房地產的投資價值甚高,是不少人財富的來源,也是他們退休的保障。剛有報道指有官員參與自己擁有該區土地的規劃,正正顯示房地產的價值處處,由富豪至小市民,無不聞樓起舞,沒有物業的只有陪跑。
其實也不一定要市民人人擁有自己的物業,但至少要有瓦遮頭,惟現時似乎不是在這方向,或者是有心無力。要解決困境,惟有用稅務一途,可以考慮的有加重版的物業稅,擁有越多物業的數目,稅率便上升,這點與一些大學向各部門徵收的royalty一樣,有些大學向開辦自資碩士課程的學系徵收高達30多百分比的行政費用,餘下的只有60多百分比,可以說是無利可圖。
如果物業稅的邊際稅率同樣是高水平,會有一些單位流出市場,轉租為賣,代理不會沒有工作,而有需要的市民也會因為供應增加而有能力購買。
可惜這是幻想,因為作決策的人也要考慮退休的生活,本來官員有長俸已是很好的保障,但有些人的想法不止於此。高稅率令大多數人要離場,只餘下具實力的,但政府因要面對各種壓力而不加以考慮。
李兆波
中大酒店及旅遊管理學院會計與財務高級講師
---------------------------------------
節錄 法子《10間屋的村》
2013年3月2日
其實這是簡單的道理。
一條村有11個家庭,得10間屋。村長話「抽稅」就可改善大家居住空間。你信唔信?
這是我對 DSD 的意見。
|
|
3.
打工仔 Andy |
|
2014-09-19 08:59 |
|
|
|
To 1樓 法子兄,早晨!
很同意兄台睇法,昨天睇完PP兄的貼文之後,在下覺得美國可能(在下強調只是可能)要十年後才有條件加息。
另外,就算將來加息,樓價就一定會下跌嗎?在下認為不一定,因為太多人有這樣的預期。
|
|
|
我見有一位住公屋人士,一家大細,1997年前住公屋攞綜援至今,深圳有舖/有住宅多個物業,每月收租人民幣數萬大元......此家人喜歡炒金/炒股,每買必輸,正式過唔到天地神呢關???
|
|
|
喺拾幾年前我見到有個朋友,送阿仔去讀國際學校,我覺得好奇怪,点解有D人有免費教育唔享用,而要送錢俾人洗?
直到七年前我阿女19個月大,老婆就送囡囡去某間國際幼兒班,每月使幾仟銀俾佢去玩遊戲,我問太太点解?她說第二時你就知!
到阿女兩歲幾,她去投考幼稚園,申請六間中五間,但我太太揀選了那間小學要俾錢嘅。
現在阿女要每年俾幾萬返學,而我睇倒有樣幾奇怪既嘢。如果要俾錢嘅學校係指國際、直資及私立,咁我身邊接觸得到嘅人的選擇係: 隣居街坊……因為我住在11校網,所以要俾錢返學的小朋友大约佔6成。 阿女的同學仔……老婆同阿女揀果間要俾錢嘅同學仔唔計,但她們的兄弟姊妹幾乎都讀緊要俾錢嘅學校,就唔提唔得,而且那兩叁個讀緊津校的小朋友並唔係唔想讀,只不過佢哋考唔倒要俾錢果D咋。 興趣班……小女亦有去跳芭蕾舞、弹豎琴、學游泳,非常奇怪,她8成以上同班,讀書要俾錢。 補習……囡囡中英数要找人私補,而果幾個補習老師的客仔,亦幾乎全部讀緊要俾錢的學校!
如果要讀國際、直資及私校,每年拾多萬「消費」只是最低要求,那麼培養一個小朋友的成本,咪幾百萬起碼? 幾百個都捨得跌, 咁當呢班小朋友第二時大個咗,他們的父母包括我,會否唔理佢哋死活,拒絕幫手為他們的下一代去置產? 我点解強烈睇好港楼,呢個係重要原因!
|
|
7.
Tony Stark |
2014-09-19 09:15 |
|
只要將高新子女從公屋居住名單剔走,收入問題咪搞掂,cash 將佢放係大陸人仔戶口做,息更高,且又賺匯水,咁樣咪可以將 D 收入及資產轉走。只剩兩條冇收入的老野係公屋,分分鐘重有半租減免,更 jetso。
至於物業,要諗諗計,可能要轉去可信嘅人度,厘樣難度計.....
|
|
8.
Tony Stark |
2014-09-19 09:25 |
|
上述行動我十幾年已開始左,我老豆老母可以繼續係番間公屋度住,唔通叫我每個月用1 - 1.5 萬蚊租租間私樓俾佢地住,on 居 !!!!
對于每年交10 - 20 万稅呢D中產,冇醫療、冇福利、俾$涯貴樓支持政府派福利,父母住公屋所慳到嘅$$,就係我地唯一嘅福利,千祈唔好咁易放棄...... 一定要度到盡
|
|
|
所以咪話要設立街道委囉. 有個公屋阿伯一人住兩間, 個二代就住九龍塘, 如之奈何?
|
|
10.
打工仔 Andy |
|
2014-09-19 10:03 |
|
一早就應該這樣做, 五年填一次form都話擾民, 我話最好三年就要報一次!呢d係納稅人錢, 只係幫助真正有需要既人先岩! 飯夠日日食啦, 麻煩就唔好食! 我有一個單位上手業主就係住公屋的, 賺咗錢就走貨即係炒樓!仲要資助佢地, 有公理嗎?
|
|
|
|
12.
Tony Stark |
2014-09-19 10:08 |
|
我父母銀行戶口長期冇$,街道委有用嗎?厘度係香港,城管做唔到嘅野,係香港可以做到嗎?
都係果句,中產為何只能供獻,冇 benefits 攞
|
|
13.
引刀十塊 |
2014-09-19 10:10 |
|
|
14.
To 10 |
2014-09-19 10:10 |
|
打工仔哥, 話又說回來, 房痿會之所以變成 sluggish turtle, 唔係冇原因的, 靠填 form 哩啲枝節野, 根本冇作用.
|
|
15.
打工仔 Andy |
|
2014-09-19 10:19 |
|
To 法子兄 你的比喻超正, 比10 個Like!
|
|
16.
To 12 |
2014-09-19 10:32 |
|
街道委的奧義, 在於官方有了長期作戰的準備, 反正正苦做野又唔駛計成本嘅, 除非該戶人真係玉潔冰清, 或願意過清教徒的生活(這樣又何需累積資產?), 否則一年365日總有蛛絲馬跡, 不過可能會引發暴動, 只是為講而講. 不過, 過去屋村職員上門收租探訪, 確實執行過街道委的職責. 有啲野, 管唔掂, 不如諗吓點改革. 學法子哥話齋, 先 full pay, 再諗吓點按.
|
|
|
To 12F Tong 兄
好似話家有一老,即65歲以上長者…… 就算入息和資產超出,也不用遷出公屋!
|
|
|
亮劍 2013-10-02 09:32:09 在 8O 年代尾,9O 年代初香港樓市嘅主要銷售對像是乜水? 咪係我呢啲 6O 後嘅港人,加上千辛萬苦由大陸落黎呢度搏殺嘅同胞囉。 我們這一班 60 後出生率奇高,而且當年那些公屋環境惡劣到痴忍扇,間公屋細到核爆!!! 那時候有一點點志氣嘅年輕人,無不希望盡快脫離這「鬼地方」。 置業動力大到無倫,剛性需求大得很,同埋香港當時嘅經濟發展處於高增長期。 講句衰啲,如果你有手有腳加上肯做爛砌,那一成首期點嘔都嘔倒出來。 而每月供款呢一筆雖然多,但兼職機會更多。 又因為美國取消金本位,白宮狂印美元為各種開支埋單,引發持續性通漲,當然那時按息係高,但人工都升得仲急。 你 9O年每月供 5 千頂唔順,但脫貧動力夠大,大眾齊心讀書開 OT,咁過兩年升咗職,人工隨時加你 5千就無嘢! 但今時今日,你政府竟然喺市區臨海地鐵上蓋,整間起到比舊區私樓還要靚幾倍嘅公屋,俾所謂「窮人」申請,仲俾夠每名家庭成員實呎 120 ! 咁俾著你係在呢啲「溫室」下長大嘅「窮人」,會同你去搏殺,去脫貧? 無嘢呀嗎!?!?
|
|
19.
強烈支持 , 有公道有民心! |
2014-09-19 10:39 |
|
福利不是不派 , 要派得公平 。 應設立如廉署和稅局的調查機制 , 欺騙政府霸佔公屋有如逃稅 , 要負刑責 。
|
|
20.
打工仔 Andy |
|
2014-09-19 10:47 |
|
美國聯儲局本港時間昨夜凌晨宣布提高明年平均息口預測,但調查發現市場已消化預期加息影響。經絡按揭早前進行的電話調查顯示,超過九成半業主認為年內樓價將繼續上升或持平發展,認為掉頭下跌受訪者只佔3%。 【本報記者黃岸東報道】經絡按揭本月電話訪問328名業主,當中六成二受訪者預期年內樓價將繼續上升,料平穩發展受訪者則佔三成半,只有百分之三受訪者預期樓價下跌。調查結果較該行1月份時進行同類調查,近四成受訪者預期樓價下跌大相逕庭。 33%指加息1厘可負擔 聯儲局於本港時間昨凌晨宣布調高2015年底前預測平均利率水平至1.375厘,意味明年加息勢在必行。經絡於消息公布前進行有關訪問,顯示一半人認為價息幅度半厘或以下屬合理水平,三成三人則認為半厘至1厘屬可負擔,一成七人認為1厘或以上加息水平合理。 調查亦顯示,息口走勢對受訪者決定是否入市影響不大,只有兩成人認為屬最影響入市決定因素;五成人認為當局樓市調控措施才屬最重要影響入市因素,三成人則認為房屋供應最影響入市部署。 樓控措施當中,四成八人最希望當局放寬包括額外印花稅、買家印花稅及雙倍印花稅的「3D辣招」,三成一最希望放寬按揭借貸成數,兩成一人最希望放寬壓力測試力度。 劉圓圓:息口循序漸進調升 經絡按揭首席經濟分析師劉圓圓指出,除非本港銀行缺乏銀根,本港加息步伐多由美國牽頭,預料加息周期時,幅度亦會介乎四分之一厘至半厘水平循序漸進,市場已有心理準備;而現時本港出現缺乏銀根機會輕微,料突然大幅加息對樓價影響不大,4年史上最長負按揭利率情況,仍會出現一段時間,加上現時市場仍供不應求,預計年內樓價將平穩上升,年底樓價將較年初有半成至一成升幅。 劉圓圓又指,由於樓價上升,業主希望在不增加每月供款預算下置業,延長供款期,令該行客戶平均供款期達25年創紀錄新高。 至於政府近年頻頻推地,將進入收成期,會否在稍後時間使樓價回軟,劉圓圓認為,發展商會因應市況部署推出新盤,相信對樓價影響不大。
|
|
|