61.
蜕变中嘅懒人 |
2014-09-19 00:04 |
|
好多謝打工仔兄教路,懶人對內地樓一竅不通,現在要開始悪補,因為時機來了,再多謝。
大寶二寶兄深知女兒心,引刀兄照做一定行得通,女人覺得老公靠得住,或者佢自己認為自己有把握嘅都有商量,否則對你五時花六時變、表現出心大心細,引刀係時候變陣了。
純攪笑,引刀兄見諒。
|
|
62.
Oscar Lam |
|
2014-09-19 06:51 |
|
引刀兄,
昨天我講的購入屯門樓只是開玩笑,不要介意。屯門樓前景確實不錯,但新的基建發展是十年、八年以後的事情。如果前二年不入貨,現在樓價已炒得熱火朝天,選擇不多,為甚麼要在這個時候入貨呢?等等好的時機吧!
|
|
63.
蜕变中嘅懒人 |
2014-09-19 07:21 |
|
[中原城市分區領先指數] *只包括大型屋苑
| 本週公佈 | 上週比較 | 上月比較 | 港島 | 134.39 | 2.76 % | 1.03 % | 九龍 | 125.48 | 0.11 % | 0.38 % | 新界(東) | 131.92 | 0.73 % | 4.4 % | 新界(西) | 108.61 | 0.66 % | 1.27 % |
|
|
|
|
64.
蜕变中嘅懒人 |
2014-09-19 07:35 |
|
T0 62樓 Oscar Lam兄,早上好。 懶人提議引刀兄考慮屯門係認真嘅,雖然屯門比两前年係升咗十幾%,但係以全港分區計108仍然係超低水,而前景有大發展空間,有能力追落後,現時入市投資睇長線十年八年有得諗,短線俾3D食埋根本無得諗。
|
|
65.
引刀一快 |
|
2014-09-19 08:19 |
|
To 60樓 大寶二寶兄
你呢條橋我都試過,不過衰咗,因爲我講完俾晒D錢佢揸之後,佢話不如依傢當佢就係買家,去房管所del咗我個名就得架喇,咁啱大陸前一排開始夫婦轉名免稅,大寶兄,你叫我去好定唔去好? 至于屯門寫佢名,大寶兄,我唔捨得俾BSD呢! 以上全部真事,咪以爲我講笑。
|
|
66.
引刀一快 |
|
2014-09-19 08:34 |
|
To 55樓 打工仔兄
你講得啱喎,“佢急你唔急”呢招對大陸進城嘅鄉親真係有效,三四年前,有個相熟嘅地代話我知,最離譜嘅一個係連反14次價都照買! 廣州本地賣家經常反價,大陸對反價嘅定義同香港地産市場有D唔同,大陸反價,直情係人地睇完樓,講好價錢之後,落錘之後,轉頭話唔賣果隻!一係就講好晒價錢,搵屋企人擝貓尾,話老公唔肯賣。
|
|
67.
蜕变中嘅懒人 |
2014-09-19 08:46 |
|
祥益汪先生今日喺經濟日報專欄,分析屯門前景,大力推薦屯門碼頭區,估計4年後升1倍。
|
|
68.
蜕变中嘅懒人 |
2014-09-19 08:46 |
|
祥益汪先生今日喺經濟日報專欄,分析屯門前景,大力推薦屯門碼頭區,估計4年後升1倍。
|
|
69.
引刀一快 |
|
2014-09-19 08:51 |
|
To 62樓 Oscar Lam 兄
其實我一樣係覺得會跌一跌先再上,十年后嘅屯門有機會旺,但係到時到底係香港人猛上大陸而旺(好似前幾年香港人去深圳買餸),還是大陸人繼續猛嚟香港購物而旺,呢個要睇睇日後點發展。
|
|
70.
有殻蝸牛 |
2014-09-19 08:53 |
|
引刀兄,其實香港嘅銀行係咪唔知內地資產借貸情況,可以照當首置上會?
|
|
71.
引刀一快 |
|
2014-09-19 08:56 |
|
To 67樓 懶人兄
屯門我鍾意濕地公園多D,你有信心唔會跌一跌先再上咩?
|
|
72.
打工仔 Andy |
|
2014-09-19 09:23 |
|
To 引刀兄, 其實以現時環境, 好難跌一跌!你想想, 以3M左右既上車盤為例, 先不計鎖碎費用, 月租一萬, 兩年收24萬租以是8%樓價, 除非真係調整得多, 否則10%樓價的租金一張租約已返泥啦!可以考慮買連租約樓, 買入已有租金收入, 跟本唔使自已供, 銀行又計你多8000收入! 所以 A 單位承接力咪咁勁囉!
|
|
73.
Oscar Lam |
|
2014-09-19 09:24 |
|
懶人兄,
十年後其他地區一樣旺,如:紅磡、沙中缐......
|
|
74.
打工仔 Andy |
|
2014-09-19 09:25 |
|
|
75.
有殻蝸牛 |
2014-09-19 09:48 |
|
唔該晒打公仔兄,咁內地人喺香港置業,借貸情況可能比想像中差
引刀兄,我真係唔係以前攻擊你嘅人,上次只係意見唔同,用字唔夠小心,無唔尊重嘅意思,希望你遲d你下左啖氣,我地可以正常討論,我無point你直接插就ok,謝謝
|
|
|
To 引刀
其實人係好有惰性的生物, 多數人面對選擇, 除非好大必要/危機, 否則都會選擇一動不如一靜, 尤其係改變係需要成本的時候.
用開某啲牌子的用品(e.g.相機?手機?), 無事無幹, 唔會轉左佢 拎住隻股票, 如果佢走勢"平穩", 多數人唔會無故放左佢 決定要做手術定"睇定啲"的時候, 如果唔係唔做就一定死, 多數人會繼續拖
講返地產, 好似我地成日講的, 面對要買定繼續租, 多數人選擇繼續租多一年
你果個case, 如果無換到樓而屯門爆升, 你夫人可能只會講 "唔係你財, 唔入你袋" 但如果換左熡而內房爆升? 你夫人應該就會揼心口了
一動不如一靜......
|
|
77.
Oscar Lam |
|
2014-09-19 11:12 |
|
引刀兄,
".......佢話不如依傢當佢就係買家,去房管所del咗我個名就得架喇....."
你老婆真聰明!
|
|
78.
大寶二寶 |
2014-09-19 11:59 |
|
刀兄
投資梗係要分散風險,如我冇記錯你係大陸有好多物业, 反為香港吾多。 如賣掉一間换返一間香港貨也未嘗不可。
當屯門升, 你顧然受惠。就算賣掉後內 房升, 你也有其他貨在手, 一樣受惠。
至於係咪要等屯門跌先入貨? 記者刀兄時常講大陸霖市, 香港就跟跌。 如果係真的話, 甘當屯門跌時你手上件貨都一樣跌, 幅度就吾知係咪一樣。
至於BSD, 就真係見仁見智, 十零個% (15% minus DSD) 攤分開十年每年都係幾萬。 如睇好屯門區未來前景, 值得嗎? 刀兄係聰明人, 應該識諗嘅。 小弟愚見,見笑。
共勉之, 哈哈!
|
|
79.
引刀一快 |
|
2014-09-19 14:49 |
|
To 76樓 東兄
“其實人係好有惰性的生物”呢點我同意,不過有補充,我認為人一D時候人會好惰,但係一D時候,人會好活躍,各走極端。 舉個小小嘅例子,前幾年有個相熟中介打電話俾我,話有件貨95萬,要唔要,要就要快,我慢慢問先知,原來業主賣90萬,簽咗約收咗2萬訂金,就係爲咗想攞多一萬,就努力喺落大訂之前繼續搵買家。行爲當然係討厭,但係我驚訝於佢嘅積極。
至于“如果無換到樓而屯門爆升, 你夫人可能只會講 "唔係你財, 唔入你袋" 但如果換左熡而內房爆升? 你夫人應該就會揼心口了”
“唔係你財, 唔入你袋”呢句的確係我老婆嘅常用語,佢仲有句“唔通全世界嘅錢俾你賺晒咩” 咁就可以成功咁令到全世界嘅錢都同我失之交臂,擦肩而過....................... 不過不論屯門還是內房爆升,佢都唔會揼心口,要揼嘅係我啫..............
|
|
80.
引刀一快 |
|
2014-09-19 15:10 |
|
To 78樓 大寶二寶兄
如果物業寫我名,唔駛俾BSD,我係土生港人,寫我老婆名就要,呢度帶出一個問題,到底一個香港人同一個大陸人聯名置業,BSD點計法? 大陸已經好難出貨,成交狂减,依傢想出嘅話,就係等廣州限購鬆綁呢個時機,不過唔敢樂觀。其實我如果真係要調動入市屯門,不一定要賣廣州嘅貨,仲有好多辦法入市嘅。屯門呢兩年升咗6成左右,但係基數偏低,所以唔算太恐怖,聽講話有按揭保險嘅房産唔俾出租,唔知我有冇聽錯呢? 前兩年就已經有人猛俾料話叫入屯門,兼且有深圳灣呢個方便,我呢兩三年行經深圳灣,多過去長沙灣,屯門的確可以考慮,不過我對屯門唔熟,呢排忙完要多D過去睇下,我有朋友住籃地,感覺好荒僻。
|
|