|
引刀兄……湯博士講:「政府開始出招壓抑樓市的時候已經捉錯用神,不停推出針對豪宅的措施,首先是加買樓印花稅,不但對解決樓價飆升問題沒有幫助,什至令那些炒家轉炒中下價住宅單位,在政府推出有關措施之後,每一季細價樓的升幅都比豪宅高,與四年前相比,細價樓的升幅高過豪宅最少三成」………… ……………………………… 因應政府對DSD作出「合理」修正,所以呢幾个月,各發展商將手上存貨陸續推出。 有個现像幾值得討論,就係以均呎價計,微型单位最高,三或四房最平!而且前者三幾下手勢就沽清;反之後者好多時有賣剩蔗。 呢幾年投資中上價(8M+)物業的收租者,其實不单跑輸楼價升幅,而且連收租回報都收缩埋先惨! 原因係欧洲經濟差,所以那些欧資金融機構,要搅環球節約成本自救。 其實香港唔少中上價楼業主,已感受倒呢幾年租約到期,會有被迫減租及唔續约的風險。
|
|
42.
引刀一快 |
|
2014-09-08 09:48 |
|
亮劍兄
大陸三四年前就已經有咁嘅現象,而且更嚴重,我2010年初入嘅大單位,呎價係同區細單位八折唔到,依傢落差更大。大陸限購係限物業數唔限呎數,所以我攞到嘅名額,都係儘量買大D,不過呢個因素唔夠大,而細屋的確好賣兼好租,呢種情况,我認爲係因爲社會大多數人承受力已經達到邊沿。 銅鑼灣嘅曦巒,當時sales話可以租到85蚊呎,我唔知賣晒未,不過咁嘅租金,租鋪仔都得喇。大機搆真係滿水先可以咁俾福利法。
|
|
43.
nobody |
2014-09-08 14:48 |
|
to 珍惜香港 多謝指教
自己都有買小小歐債,但冇桿槓既情況下,價升匯跌最後又唔係升好多,升得比較勁係中國企債,但我又唔好好夠膽玩。 我用返實體經濟角度去分析,買債係賺錯價,市場睇得太灰最後人地又冇違約就連本,而利息又唔升,負溢價同利息一次賺哂,冇可靠分析好似好難玩,請問閣下係用乜作為分析同info source(當然你唔駛講你買乜,只係想學下點入門)。 另外,邊間agent做槓桿債門檻低D?多謝。
|
|
44.
珍惜香港 |
|
2014-09-08 17:32 |
|
【珍惜香港】TO:40/F 引刀一快兄其實,唔算乜 偉大嘅,只喺,唔想再食埋啲細米,阻住人地 退休啫! 買樓,本身就喺投資行為,自住都喺一樣。只不過, 買樓自住,除咗可以對沖租金之外,亦喺對生活嘅長遠投資。 生活,喺無價;唔通到 退休果陣,都仲要俾租?至於我話,有需要買樓 收租退休嘅人,喺指已經擁有自住物業,再買多一兩個單位收租果啲;供滿之後,租金收入就喺佢地嘅 退休長糧。多年嚟,買樓收租嘅香港人,原意都只喺為咗老來唔使求仔女或者政府養啫; 退休可以靠自己唔使靠人,對社會已經好有貢獻啦!依家嘅香港樓市,租金 回報率低,但對於 自住同埋 收租退休嘅人,都仲喺好 OK 嘅。我地上到某個 SCALE,就自然會有其他選擇,點解要為咗啲 毛利,同只喺想退休嘅人爭?唔通連 最後嘅銅板,都要賺埋? TO:39/F Oscar Lam、43/F nobodyOscar 兄,講到 業務,我已經好幾年冇再 跑山啦!依家搞嘅,只可以話喺 投資,唔算乜嘢業務。 nobody 兄問得好直接,但真喺估中咗;不過,我仍然喺以 長線投資為原則,所以唔會一起手就諗點樣去賺到盡。 下文會再講多啲。
|
|
45.
Oscar Lam |
|
2014-09-09 11:24 |
|
|
46.
Oscar Lam |
|
2014-09-09 11:27 |
|
|
47.
自我陶醉 |
2014-09-09 13:36 |
|
26樓 珍惜兄
老實講我唔係好buy "new normal" 嘅講法, 就好似2000年科網熱一樣, no way! 波愈吹得大, 爆得愈金。
|
|
48.
引刀一快 |
|
2014-09-09 22:00 |
|
To 44樓 香港兄
原來珍惜香港兄係大鷄,,大到唔落嘴啄就可以令廣大謀求退休收租嘅買家可以易入貨D。呵呵呵,失敬失敬!!! 其實香港租金回報唔低,不過個個月萬零蚊的確對好多人嚟講無關痛癢。 香港住宅租金,回報同大陸旺鋪都差無幾。
|
|
49.
珍惜香港 |
|
2014-09-09 22:43 |
|
【珍惜香港】續 38/F其實,呢幾年嘅投資,細節上唔想太公開,另一個好重要嘅原因,就喺涉及頗複雜嘅 技術細節,同埋要抵抗當中一系列嘅 投機誘惑。呢度始終喺公開網站,如果有人睇唔明,或者一知半解,又或者投資風格唔同,就貿然根據我提供嘅資訊作出投資決定,咁就真喺分分鐘會累死人。所以我只會寫 概念,同埋 概念性咁回答問題。 成就投資嘅兩個關鍵,就喺 資金來源,同 投資目標;兩者同時得手,就喺 機遇。 上文提及到,金融海嘯之後,全城 最驚,而又 最受歡迎嘅,都喺一個 「債」字。呢個字,响 同一時間,成就咗投資果兩個關鍵,咁就即喺話, 機遇,已經出現咗。 先講 資金來源;我定義一個人擁有嘅 資金,就喺佢嘅 手頭現金,加埋 可抵押資產嘅一個比例。而當你動用資金,去買入 新嘅可抵押資產果陣,啲新嘅資產,又會同時通過抵押,衍生出 新嘅資金出嚟,如此類推。呢樣嘢,就喺所謂嘅 槓桿,相信大家都知。所以,我喺唔會為咗 新嘅投資機遇,而走去 變賣生緊金蛋嘅優質資產;資產增值,自然可以衍生更大嘅資金,使乜變賣。呢樣就喺我早前都講過嘅,做到 留魚再取熊掌嘅效果。不過,行使 槓桿,我會堅守一個好重要嘅原則,就喺, 一定唔可以投機。 金融海嘯、歐債危機,令到全球 資金氾濫,亦同時將 利率壓低;再加上港府嘅樓市政策,激化咗 金融嘅扭曲。依家同 銀行借錢,真喺易過借火,但條件喺,你要通過到 金管局果部 X 光機,咁你就幾乎要借幾多都得,仲喺好 低息添。不過千祈唔好誤會, 一定要有規有矩,唔好諗衰嘢。要借嘅,就要借 「優質平錢」,即喺話,要受 嚴格監管之下,從 受監管嘅機構,即喺 銀行,唔喺財仔度,借番嚟嘅 低息錢。 點解我寫咁長去帶出 「優質平錢」呢樣嘢?因為, 貪,喺人嘅天性,唔好以為自己,好有定力。好多人,响面對 監管之下,總喺覺得人地阻住自己發達,就諗衰嘢去撓過佢;要記住,今日可以提早退休,已經喺得來不易,唔好因為一時貪念,搞到臨老唔過得世。香港經歷過多次金融震盪之後, 監管制度嘅完善,已經超越咗美國,甚至可以話喺 世界之首。堅持借 「優質平錢」,先至可以通過優質同嚴格嘅監管, 鎖定自己嘅借貸風險。响呢個原則之下,就可以 借盡,同攞盡個 槓桿比例。但喺,俾你借咁多錢,用嚟投資啲乜? (待 續)
|
|
50.
珍惜香港 |
|
2014-09-10 11:02 |
|
【珍惜香港】續 49/F講到 投資目標,上面都提過,又喺一個 「債」字。 雷蔓事件之後,响香港人嘅心目中,債,就成為咗魔鬼,但同時,本地對於一系列金融產品, 監管上又大大咁優化咗喎。我唔會評論個別嘅金融產品,不過有一點要再強調嘅,就喺我 長線投資嘅原則,尤其以 高槓桿擴大資產嘅話,就 一定唔可以投機;唔好以 溢價收益作為投資嘅目標,寧願價格死牛不變,再以可觀嘅 現金流回報抗衡僅存嘅價格風險。呢個原則,同 投資物業都喺一樣,只不過,長線持有物業,可以 長至一世,呢樣嘢,冇一種金融資產可以取代。 果次話,會提到 自醉兄嘅投資,喺因為閣下曾經透露過一啲投資嘅目標。 配合經濟週期,股債交替,的確喺一個 合理穩健嘅標準投資邏輯。但我自己對 股票就一向抱有偏見,因為始終喺以 價格為主嘅 投機嘢,同埋背後有較大嘅 人為操控因素。至於 基金,我亦有啲保留;一藍子投資,好睇 基金經理嘅手段,都喺果句,俾啲睇唔見嘅 人為因素主導咗自己嘅投資。不過我亦持有少量基金,用以勘探 大圍市場嘅變化,同增加 現金流嘅彈性。就好似閣下有投資嘅一隻基金咁,上月中就公佈咗會減息。話說,未達投資級嘅債券,又叫 垃圾債券,經 基金包裝過之後,竟然可以化身成 投資級,銀行仲可以俾埋 七成槓桿添;所以話,監管有幾嚴格,都要自己過濾一下;不過,果隻基金,過往表現都喺 OK 嘅。 响美國,話就話喺 低息啫,但原來, 發展中嘅企業,要融資都幾唔容易,而成本亦唔低。就好似香港咁,你去玩金融嘢,要借 優質平錢,幾乎要幾多有幾多;你開間茶餐廳,試下攞自己嘅物業走去 銀行融資,睇下人地點對你。所謂嘅 商業利息,的確喺另一回事。不過,美國呢個情況,最近似乎已經開始改善,垃圾債券基金嘅利息回報,已經拉低到同 新興市場嘅投資級債券基金幾乎一樣,即喺話,美國嘅經濟復蘇,又踏入咗另一個階段。响 環球經濟新常態之下, 息差收窄,恐怕會嚟自 利潤嘅普遍下降,多過嚟自加息。 nobody 兄提到 歐債;其實,香港嘅債市有好多選擇,揀 美元或港元為單位嘅債,就可以避免 匯率波動嘅風險。响香港, 借嘅喺港幣,你話冇槓桿都還好,有槓桿嘅話,匯率波動嘅 投機性,就會 依比例擴大,咁就違反咗我 行使槓桿嘅原則。就算 人民幣,大家都認為長遠喺升,但匯率始終喺 相對嘅,唔可以淨喺睇單一國家嘅經濟狀況,仲有環球變數,你升人地都升嘅話,匯價一樣可以喺跌。 中國仍然處於高發展期,以 美元為單位嘅高息債,都有好多選擇。要揀啱,好睇眼光,因為真喺好 個別性,冇特定嘅 INFO SOURCE。對目標債嘅 企業,要深入研究一切 相關新聞,了解佢嘅 背景同歷史。你買佢債,就即喺借錢俾佢,所以佢點樣風光,都唔關你事,反而佢衰果陣點樣 處理危機,先至喺你對佢 有冇信心嘅關鍵。我手持重貨果隻,就喺基於呢個原則揀出嚟,不過人地最近已經變哂身仲升埋級添,依家唔再抵買。今日嚟自中國嘅 高息債,幾乎所有都喺 內房企,响 全城唱冧嘅環境之下,真喺唔敢講埋啲引導性嘅評論。概念上,我認為一個 眾所周知嘅問題,阿爺喺絕對有能力去成就一個 軟著陸嘅。房地產經過一輪 淘汰之後,總會有人 跑出。都喺果句, 買債,最緊要安全,睇人地點衰,緊要過睇人地點好;舉重債買球隊之類嘅,就真喺不敢恭維啦! 美元債嘅單位,一般喺 十萬或者 廿萬美元, nobody 兄講嘅 門檻,喺唔喺呢個意思?我就未聽過有 AGENT 可以拆散嚟做;至於 槓桿債, 銀行都可以做到,要借,梗喺借 優質平錢啦!槓桿債嘅門檻,好睇個別債嘅 評級,同個別銀行嘅 風險評估;就以廿萬美元單位為例,最高七成槓桿,最低就要付六萬美元成事。我喺响好早期就握住咗呢個機遇,可以算喺先鋒,而我嘅運作更複雜,槓桿亦攞到好盡。近來已經越嚟越多人玩呢樣嘢,銀行亦開始進取,不過主要做 熟客,所以最好聯絡自己相熟嘅銀行了解咗先。 呢幾年,喺進入 環球經濟新常態嘅轉變期, 「債」嘅機遇,會再持續一段時間。不過,除著息差收窄,利潤會下降,而風險亦會上升,所以一定要 小心選擇,同時要注意自己嘅 總現金流,對 抗衡價格風險嘅能力。有能力入市,都要有能力 退市;因為金融資產,始終唔可以好似物業咁長線。仲有, 一定唔可以投機。 順帶回一回 引刀兄,我話 細米,乜你就抽我後腳呀?大鷄細鷄,都只喺相對啫。依家 住宅物業咁短缺,唔喺有 需要嘅話,爭嚟做乜?不過坦白講,都喺果句啦, 物業,始終喺最長線,再增持物業,只喺遲早問題。
|
|
51.
引刀一快 |
|
2014-09-10 11:27 |
|
珍惜香港兄
咪咁敏感喇,論壇裏面,調侃調侃,大家輕鬆吓啫。
“再增持物業,只喺遲早問題。”我可唔可以理解為等回落?
|
|
|
珍惜香港兄, 兄台對“金融扭曲”及“優質平錢”的表述,在下非常佩服,又學到嘢啦。 同意兄台及亮劍兄所說,QE,已經係常態,唔再有極限!
|
|
53.
Oscar Lam |
|
2014-09-10 21:15 |
|
珍港兄, 多謝你的分享!簡單來說,你在香港借入平錢,再投資高息債來賺取息差。小弟沒有投資債,對債市了解不多,但想以旁觀者身份給予一些提醒: 1. 雖然兄台認為美國將保持低息一段長時間,但也要警惕美國突然大幅度加息帶來的風險。
2. 買債券,最害怕的就是債券到期前公司清盤、或違約。特別是中國企業,普遍存在作假的情況和透明度不高,以及政治風險,因此,不要將過多的資金押注在某個債券上,以免風險過度集中。
小弟知道珍港兄乃一位小心謹慎之人,一定已評估好所有風險。希望珍港兄小心謹慎,在債市上闖出一片天!等小弟也能學學投資債市,不用獨沽一味投資商舖。哈哈!
|
|
54.
自我陶醉 |
2014-09-10 22:09 |
|
多謝珍惜兄咁詳盡嘅分享!
我哋嘅投資策略真係好唔同, 我買債只係暫時停泊, 最緊要穩陣, 一年賺8~10% 已滿足, 唔係用嚟食大茶飯。 依家2020後到期嘅債多數係20萬美元起步喇, 買幾隻已經一球美金, 所以散戶好少參與, 唔夠資金都可以買基金, 分散風險最重要。
買股不同之處係除咗經常會出現嘅板塊小股災有平嘢執之外, 每次大股災後入市回報最少可以一開三, 以廿年約有兩三次機會計, 連埋債同小股災回報廿年最少執到三四十個開, 而且一路滾落去, 長綫回報一定比樓市高, 而且唔需要槓桿咁大風險。 至於點解咁多人覺得股市冇樓市咁安全, 主要有3個原因: 1. 同樓市一樣, 低就唔敢買, 高就嚟追, 必定中招 2. 唔做功課, 淨係聽冧把 3. 唔明股票同樓市周期好唔同, 股市每十年有一兩個週期, 樓市就十幾廿年一個, 所以大家成日都聽到股市大跌, 而樓市無咁多, 實際上, 股市可以低位入市機會多好多
正如Oscar兄講, 就嚟息口轉向, 股債都有風險, 尤其是債券, 買債仲做埋槓桿風險更大, 美國佬都驚緊加息後債市會大冧, 之前仲想向債劵基金收贖回費, 試圖減少恐慌性贖回, 千萬小心。
|
|
55.
蜕变中嘅懒人 |
2014-09-10 22:38 |
|
懶人呢幾日返大陸过中秋節,顺使响外家探吓大陸樓市狀況,结果同引刀一快兄所講一致,內地樓市一片死寂,都幾慘情,地產龍頭萬科年度盈利只及銀行30分一。 懶人即時諗,內地樓市淡風對香港樓市有乜啓示?幾時至有明確影响?內地领導人令樓市朝向何方走,軟著陸抑或硬著陸?習李打貪到乜程度收手?再傳江主席死訊有乜含意? 懒人又見今日港股炒美國加息,跌近500點,人仔又創近5月新高,港细價樓又选創新高。 懒人唔識睇如此禾雀乱飛之局,如何蜕变求存,真係費煞思量,甩晒頭髮做佔中四子。
|
|
56.
打工仔 Andy |
|
2014-09-10 23:12 |
|
懶人兄 內地打貪真係對市場好有影響! 我估d人唔係無錢, 係暫時低調低調d先!
|
|
57.
引刀一快 |
|
2014-09-12 03:14 |
|
To 55樓 懶人兄
都知道你呢幾日放中秋假喇。
懶人呢幾日返大陸过中秋節,顺使响外家探吓大陸樓市狀況,结果同引刀一快兄所講一致,內地樓市一片死寂,死寂只係初步情况,遲D會點我都唔敢諗。其實政府明係打樓價暗裏就救市,已經唔係呢年嘅事。都幾慘情,地產龍頭萬科年度盈利只及銀行30分一。依傢銀行按揭利率,除咗四大之外,小銀行大多都上浮2%,因爲嫌冇錢賺,特登趕客。懶人即時諗,內地樓市淡風對香港樓市有乜啓示?八成跟住淡,兩成機會D錢湧晒落嚟,咁你地就肥。幾時至有明確影响?內地领導人令樓市朝向何方走,一定係以社會大衆可以負擔為目標,一步步与平均收入接軌,軟著陸抑或硬著陸?習李打貪到乜程度收手?先處理好對手,乘勢然後向自己人埋手,逐漸向香港睇齊。呢個政績,幾乎比得上統一。再傳江主席死訊有乜含意?懶人兄,我講過極度敏感,唔好喺呢度講呢D嘢。 懒人又見今日港股炒美國加息,跌近500點,人仔又創近5月新高,港细價樓又选創新高。 懒人唔識睇如此禾雀乱飛之局,如何蜕变求存,真係費煞思量,甩晒頭髮做佔中四子。佢地落唔到台就玩魚死網破,其實大家唔理佢,佢就自然fade out。
|
|
58.
引刀一快 |
|
2014-09-12 03:16 |
|
To 56樓 打工仔兄
依然有錢嘅人,依然唔少,但係仲有幾多會繼續投資喺物業樓市,呢個係關鍵。
|
|