地產博客 > 文亮語 返回
瀏覽人次:17219    回應:7
文亮語

你要的價就是市場價

 

湯文亮博士

紀惠集團行政總裁
2020年6月1日

  昨日一個人去行山,大約行了三小時,中間我唔飲水,因為好想飲啤酒。行完山去到一間湖南菜館,老闆話有客預定了一隻燉水魚,已經做好。但係個客話有事,叫老闆賣畀其他人,老闆問我有沒有興趣,本來是千二元,現在收我一千。我話不用減價,請我飲啤酒便可以,老闆於是開了兩支啤酒。

  燉水魚做得的確唔錯,老闆見我食完走埋嚟同我傾計。佢話疫情令他損失不少,打算賣走一層樓來支持菜館,但物業代理的價錢與他心目中有多少距離,但代理對他說這是市價,老闆想知道這是不是市場價。我了解過之後亦認為稍低,於是話市價並不是由物業代理制定,他們所說的價是方便能夠賣走,並不是市價,市價應該由業主自己制定。例如菜館的餐牌價錢,是由菜館制定,並不是由食客出價。當然,如果價格太高,就沒有人幫襯,菜館就要減價,最後得到一個雙方都接受的價錢。這仍然不是市價,只是一個妥協價。至於老闆打算放售的物業,我認為可以加20%,百貨撞百客,能夠賣走亦不出奇,最主要的是老闆是肯定賣樓。現在物業代理知道有業主願意賣樓都會積極去做,畢竟願意賣樓的業主不多,很難搵一個實盤。老闆話能夠賣到的價錢比物業代理開價多10%,佢擺一圍請我食飯,菜單任我選擇。我話佢請梗,老闆很開心。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 能夠賣到的價錢比物業代理開價多10% 2020-06-01 15:12:51
是為燉水魚價
2. 引刀一快 2020-06-02 07:30:01
依家湖南果邊啲生態養殖水魚係幾優質,我朋友圈裡面經常見到佢地劏好嘅辦,裙邊厚,膏黃亮,魚身健康企里,底板冇發紅。
大概23年前,已經有間公司搞生態養殖水魚,叫做綠卡,當年水產所啲人去餐館食水魚指定食綠卡,依家就好多人養啲水魚都好靚。
因為種源同血統不斷改良,日本鱉、黃沙鱉,黑鱉,乜都有,飼料營養比例比以前精進好多。

不過,1200蚊只真係比較貴,因為除咗野生水魚唔計,幾靚都係同豬肉差唔多價,可能運嚟香港比較矜貴。
大陸到底仲有冇野生水魚呢?個人睇法,嚴格嘅野生,應該接近或已經絕跡,不過,因為養殖走失、放生,數量非常多,所以野外或者魚塘不時會有發現,亦有人買苗少量放養山塘,成長過程與野生大同小異,所以仲會揾到“野生水魚”,真正本地野生個體,除非發現人唔識貨,否則多數有人收購,做種,或者做人情。
3. 儒來 2020-06-02 10:28:24
照台主之性格,就算店主成功高10至20%價格售出物業請台主晚宴報答,台主一定唔去。
以自己知識去鼓勵失意人,對台主而言,舉口之便矣!
4. 舉口之便矣! 2020-06-02 10:32:51
本來可以逃生, 又逃唔到生矣。
5. 儒來 2020-06-02 10:48:21
引刀兄,

每當講到海鮮,兄之描述便筆走龍蛇,有時小弟懷疑兄之別號,引刀一快是與兄之職業有關,任何水産難逃兄之手起刀落。
6. 儒來 2020-06-02 11:01:50
致4樓,

能否逃生視乎店主自己決定,加二成或再減二成出售完全自己負責,旁人給予意見巳充分體現社會有情。
話說回來,若店主仍對生意有信心,可以用物業向銀行取個額度,不必賣樓冚生意,若生意只是一時間唔理想,這個方法也可行,否則要壯士斷臂。
7. 安逃生 2020-06-02 11:12:51
連美帝都要金蟬脫殼,你仲叫人加注。