地產博客 > 文亮言 返回
瀏覽人次:22080    回應:14
文亮言

現在是否應該買樓

 

湯文亮博士

紀惠集團行政總裁
2021年5月7日

  我在三個月前撰文話已經錯過了最佳買樓時機,不少人話痴線,疫情未過,移民潮未開始,樓市將會大冧,是業主錯過了最佳賣樓時機,並非錯過了最佳買樓時機,我當然唔敢反駁,否則會引來更多口誅筆伐。

  最近有當日話我痴線的人問,現在是否應該買樓,因為他睇到美國商會在出售金鐘甲廈之後,以更高價錢買回中區乙級商廈,連美國商會都轉軚買樓,一般香港人更加應該買樓,我有些少不同意,美國商會當日出售金鐘甲廈是帶有多少政治意味,現在回歸正常,如果唔買,唔通商會會址都要租樓,萬一被人加租或者迫遷是很冇面的事,所以,貴一些都忍痛買回中區乙級商廈。

  老友的問題相信一個大媽比我答得還好,大媽見到名店大減價,於是叫其他大媽去買,有大媽話,減價只是剛剛開始,稍後減得仲多,又有更多選擇。老實說,名店大減價是非同小可,那些比較優質的貨品很快被掃清,那個冇買減價貨品的大媽問現在是否應該買,如果唔買,名店回復正價,要俾多很多錢,現在買樓就是出現這個情況,優質物業已經被掃清得七七八八,陶冬都要用高價買樓,無可否認,樓價會繼續上升,好似名店取消大減價一樣。現在買樓,即使樓價仍然有多少優惠,但質素就一般,所以,我唔敢回答這個問題,問者自決。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 平常心 2021-05-07 10:42:58
原來世界的中心是香港。?
也許從前有點,今天已非理所當然。
飢餓營銷可维持多久,就要看香港人的承受力吧!

路過,說說而已。
2. 引刀一快 2021-05-07 11:42:28
大灣區依家係時候睇樓,有唔少地產商等錢駛,不過平放嘅都比較偏,仲係啲一線邊性價比好。
3. 元朗湾区人 2021-05-07 13:19:32
林引刀,

一线和香港一样贵,傻子?

仲有,阿爷比得惠州,河源,兆庆起咁多楼, 实有大用。

放长双眼… 楼住不炒。

深圳皇岗口岸侧,三房,租五千零…

!!买都冇谓。
4. 引刀一快 2021-05-07 18:09:40
唔知邊個傻,哈哈哈
5. 十一哥 2021-05-08 00:07:06
刀刀一早識上大灣執嘢、化癈為寶…要有本事咀頭㗎...點會儍吖'…
6. 引刀一快 2021-05-08 00:57:30
十一仔,又踩阿爺嘅地產廢?
點都強過你啲溢價貨喇。
7. 十一哥 2021-05-08 10:04:33
刀刀 唔矝貴又點會大把人排隊比溢價呢、賣缸瓦..梗要咀頭綽頭盡出…去水魚、不過刀刀都帶點笨實…話明要等到天長地久…目的衹在乎擁有…

8. 引刀一快 2021-05-08 10:35:13
十一仔,人地排隊果啲,唔係你坐艇果啲,個個買樓都賺,係得你溢價之嘛。
9. D 2021-05-08 10:37:09
現時是香港璟境最差的時候,小心,小心。二手樓不跌是奇績。
10. 引刀一快 2021-05-08 10:51:08
兩頭蛇十一仔,你已經係坐艇、溢價、搭沉船、陀衰家嘅代言人,不過大灣區唔怕你,大灣區是不會被黑倒的。
11. 十一哥 2021-05-08 11:32:43
刀刀 做乜咁焦慮…有D羽毛亂刺嘞、你又知11哥成日要出海頂風逐浪嘅 ? 你就好啦…大灣河涌划下艇水係有D黑…但都幾有意境㗎…
12. 引刀一快 2021-05-08 12:18:19
十一仔,又扮王陸醫生?定係扮盲公測字?邊隻字睇出焦慮?你對著啲溢價焦慮咋卦?
大灣區啲河氵甬,早就治理得七七八八,廣州市城區內都有二級水源保護區,呢啲,你知條鐵咩。
唔講唔知,原來你係蜑家嘅同志,好感謝你為香港人捉魚,唔知你係咪賣艇仔粉嗰個阿叔呢。
13. 十一哥 2021-05-08 20:30:36
刀刀 坐艇、溢價、搭沉船、陀衰家…一咀卵咁羽毛亂痴、唔係焦慮…即係平時都係咁8婆啦。
D河涌水乾淨咪好囉…就近撲水方便好多。
蜑家好差咩 ? 賣艇仔粉又如何呢!就算打更都一樣可以招積㗎…係冇…
14. 引刀一快 2021-05-08 20:54:45
十一仔一卵嘴,唯有穿插回應。

“刀刀 坐艇、溢價、搭沉船、陀衰家…一咀卵咁羽毛亂痴、唔係焦慮…即係平時都係咁8婆啦。
懟得你應呢?

D河涌水乾淨咪好囉…就近撲水方便好多。
冇嘢講揾嘢講,都好過唸seafood經。

蜑家好差咩 ? 賣艇仔粉又如何呢!就算打更都一樣可以招積㗎…係冇…

冇話過蜑家差,不知幾中意蜑家人,我媽買鹹魚專門等蜑家老太婆擺街,釣啲瓜衫生曬一流。
我問艇仔粉,冇話過如何,祗係怕賣嘅係你,加咗你啲seafood,唔敢食啫。

打更係招積㗎,你有本事打咩?