地產博客 > 文亮言 返回
瀏覽人次:17500    回應:14
文亮言

點解物業代理與測量師對樓巿預測是南轅北轍

 

湯文亮博士

紀惠集團行政總裁
2021年2月21日

  老友話業界對樓市預測,無論升,跌,或者持平都有人講,但最近一個調查很奇怪,就是預測樓市上升的人清一色是物業代理,預測下跌的全部都是測量師,兩者都是在物業代理界搵食,點解對樓市預測如此南轅北轍。

  老友有所不知,兩者雖然在物業代理界搵食,但服務的族群不同,物業代理是為地產商服務,知道很難要求地產商降低新樓售價,唯有預測樓市上升,希望買家可以畀到地產商所要求的樓價,所以,愈多新樓盤推出,物業代理預測樓市升幅愈大,物業代理對樓市預測是會配合地產商銷售策略同速度。

  至於測量師預測樓市下跌,最大原因是他們手上有不少有實力買家,如果他們預測樓市上升,業主一定會持貨不賣,或者要價很高,他們就會做唔成生意,業主見測量師話樓價下跌,而又有人出價買他們的物業,很容易水到渠成,換句話說,測量師服務的族群是一班有實力的中外買家,所以我認為測量師預測樓市下跌反而是一個利好消息,代表有不少本地以及海外資金打算買入香港房地產。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 大鄉里 2021-02-21 11:06:31
正如風水師永遠預测有大災難,暗有禍秧。

其他各類職業寫手,
早上心情愉快,睇市升。
第二日腸胃唔好,頂住頂住,自然乜都睇唔順眼,希望大瀉,故最少睇跌三成五成。

2. SYB 2021-02-21 12:01:25
人在江湖,身不由已。生意難做
3. 講多無謂 2021-02-21 12:02:58
我再講多一次,新樓開價不是發展商定,係發展商同銀行協商的。
4. 立必樹 2021-02-21 15:18:31
銀行有冇理埋按揭客仔間屋髹乜野色,做木定磗地板?
5. 講多無謂 2021-02-21 19:11:55
4樓,銀行有自己御用測量師團隊的。
6. 立必樹 2021-02-21 23:50:17
銀行班御用測量師工作係咪咁?

1.
新記,你呢個盆開$32000/呎太平賺少15%,驚你地唔夠錢還畀銀行,咁啦!開住$40000/呎先啦。

2.
華記,你個朶唔夠響學乜人開$30000蚊/呎,你開$28000好嘞!
7. 十一哥 2021-02-22 10:37:16
5樓  銀號衹係對投地項目前估值、再睇客仔食力而決定放數率、嘜乜價賣樓..係寫唔到落放數條欵嘅、平貴亦冇得多咀、嘜貴咗散唔到貨…銀號仲會擔心D。
8. 十一哥 2021-02-22 10:43:46
銀號御用測量師…收銀號好小好少錢咋、數據估價都係是旦抄嚟抄去、以藝術眼光行事。
9. 發展商 2021-02-22 15:23:27
7樓,你露底了,好多發展商們要找指定銀行們包二按,定價冇話事權?不是個個發展商有自己財仔的。你同向飯,元灣果D人,冇買過新樓啦,窮迫!
10. 發展商 2021-02-22 15:59:13
7樓,元朗湾區,向飯都是窮迫,未買過香港近年新樓,好多發展商自己冇財仔,要找定銀行包二按,銀行怎冇定價權?
11. 十一哥 2021-02-22 22:36:09
發展商   乜閣下成日要揾財仔跑山籌旗咁富貴㗎 、真係自認敝鄉、從來未關照過財仔玩二按、銀行都係咁倚幫趁下費事稅局問多句。
12. 十一哥 2021-02-23 09:50:12
發展商  啱先諗到閣下點解比財仔銀號定價、一定係冇銀用 !  按上按借貴利...銀主盤梗係由銀主定價啦!


13. 發展商 2021-02-23 13:38:57
十一,果然係窮迫,做生意一定用人地D$,你有$過順豐?抵你窮一世。
14. 十一哥 2021-02-23 17:42:57
發展商   原來真係冇銀用…要用財仔D$捱貴利、怪得要比財仔定銀主價啦!