地產博客 > 文亮言 返回
瀏覽人次:23657    回應:7
文亮言

移民潮是物業代理吸盤手法

 

湯文亮博士

紀惠集團行政總裁
2020年11月23日

  有老友話,雖然上星期五中原指數上升0.5%,但有物業代理對他說,這只是幻覺,他有內幕消息,知道有大約有五萬個住宅單位,因為業主要移民而賣樓,今次真係契弟走得摩,唔賣樓就笨,老友雖然未有打算移民,但仍然委托代理賣樓。

  我話完全廢噏,如果有五萬個單位出售,物業代理已經忙住鋤價,仲有閒情逸緻叫老友賣樓,絕對不會有五萬個住宅單位因為移民而賣樓,老友話很難證明,他唯有相信物業代理的說話,說到底他們有第一手資訊而我只是斷估,老友講得冇錯,不過,我斷估亦有理有據,五萬個住宅單位放售,即是最少有五萬個家庭要移民,以一個家庭有3個人計算,即是有15萬人移民,警方有一個部門可以話比大家知,究竟現在有沒有15萬人申請移民

  任何香港人要移民,移民到的國家是要香港移民攞一張良民證,而辦理良民證地方在灣仔警察總部14樓,根據警方報道,去年發出3萬多張良民證,但攞良民證的人不一定是移民,或者回國內結婚,或者某一些香港行業需要良民證,例如我最近被一間大學邀請做校董,教育局亦要我去攞良民證,我估計七成攞良民證的人是用作移民,三成作其他用途,大約有兩萬多人用作移民,大約八千個家庭,就算全部都有自住單位出售,數目亦只不過八千個,又何來五萬個單位因業主要移民而出售,亦只是物業代理吸盤手法,由此反證市場盤源並不足夠,物業代理要想盡辦法增加盤源,不過又老實說,既然知道市場上盤源不足,若果有需要賣樓的話,又不是太差時機。

  老友話我包拗頸,死都講番生,跟著連bye bye 都唔講就離開,大約一小時後,老友來電話完全相信我講,移民潮只是物業代理吸盤手法,因為他剛剛行過物業代理行屋村地舖,發現他的單位正在放盤,大大隻字寫住「移民急讓」。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. pHILIP HK 2020-11-23 11:06:48
唔知點解,依家香港人,信外人、陌生人多過親友,自己人道理未講就"好了好了唔使講了"!外人擺明搵笨卻照單全收。美國佬講民主,就是普勢價值,咁係睇唔到一埸疫症死了廿多萬人,一場民選,有幾多無賴唔認輸。
2. 忍者 2020-11-23 11:40:38
其實移民潮確實未開始,下年1月啦。
3. 唔知點解 2020-11-23 12:19:09
自己物業開乜價錢,自己話事,使乜地代鋤價。

4. 冇幾何 2020-11-23 15:49:36
其實唔一定走路先賣樓,有朋友回流加拿大都打算賣剩自住嗰間
5. 只是想想移民罷了 2020-11-23 19:58:25
身邊很多朋友,初時bno話可移民都好有興趣。 現在想清後, 人工又低一折, tax又重, 天氣又不好, 已經不再有興趣了。反而有朋友想在香港將層樓換大間d就真。
6. 十一哥 2020-11-23 21:37:37
人口老化…後生越嚟越小數、養老又要找天文數、就用~豉油炆煑~呢個時撈緊…人賣埋家當去供養人地養老、帶埋銀両去做…壯丁…
7. G 2020-11-23 22:29:10
亦有好多人到外國實地考察後,拿拿聲回香港買樓。