地產博客 > 文亮言 返回
瀏覽人次:24308    回應:39
文亮言

抗疫如淘汰賽,上半場輸,下半場必須博

 

湯文亮博士

紀惠集團行政總裁
2020年10月29日

  有老友話,林鄭上京,其中一個任務就是開放香港健康碼,佢擔心疫情會反彈,應該繼續現行政策,直至確診清零一段時間才可以考慮發出健康碼,如果現在開放,萬一疫情反彈,一定會被非建制議員以及醫護鬧到失暈,就算建制派議員亦不是全部支持政府,所以,林鄭最好唔好要求中央政府開放健康碼。

  我認為唔擔心得咁多,香港已經封關九個月,經濟受到重創,國泰不但要大量裁員,而且連港龍亦要即時結業,如果唔開關,將會有更多企業結業,更多人失業,屆時政府想挽救亦無能為力,現在香港在抗疫方面做得唔錯,情況好似一場足球淘汰賽,上半場賽果只是落後0:1,隨時可以反敗為勝,但如果唔踼進攻足球,冇波入,就算唔失波都是輸0:1,任何教練都會在下半場踼進攻足球,甚至以前鋒更換後衛,才有機會反敗為勝,如果仍然打防守足球,不用等完場就知道一定輸波。

  香港現在最大問題是軍心不穩,不少教練團成員以及落場踢波的足球員都希望球隊輸波,他們就可以指責領隊,林鄭也是一樣,全民檢測是抗疫一個好方法,但差不多變成全民抗拒,現在推行健康碼就會比較容易一些,但要多謝國泰,如果不是國泰大量裁員,港龍結業,估計國泰工會會帶頭反對健康碼,現在當然冇人夠膽,甚至連攬炒都冇人講,這是政府推行健康碼或者任何抗疫方法的一個好機會,如果政府唔博,唔敢開關,始終不會反敗為勝,畀人鬧都唔抵可憐。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 國泰工會會帶頭反對健康碼 2020-10-29 11:12:39
惡晒工會乜都關佢事, 乜都反, 加人工都反, 因為唔夠深喉。
2. 引刀一快 2020-10-29 11:23:15
先放滯留大灣區嘅香港人落香港,冇事就放成個廣東省,再放離疫區遠嘅省份,一步一步嚟。
3. 鳥5 2020-10-29 11:30:51
已經公布次序!內地港!商人行!其他都5會太久!
4. 鳥5 2020-10-29 11:32:53
不過而家好似唔夠膽開關!係廣東!香港禁煙條數唔係好靚!唔關正苦事呀!賭下先!
5. 大灣條灣刀 2020-10-29 12:28:03
大家諗多咗,大灣封關令最少會執行多五年,長期封關可取悅雙方民意。我估明年香港人可以去日韓星馬泰旅遊。 港人可以接受同其他地方通關,除咗同大陸。 

大灣區是大笑話,笑吓就算,大家不要認真。
6. 大灣條灣刀 2020-10-29 12:36:53
香港人大多接受封關,只有少部份人支持開咗大陸關,班後生仔女一定希望封關無限。今次封關系壓力測試,不妨試試封關多幾年,如果撐得住,咁真係冇必要開返關。
7. 忍者 2020-10-29 12:38:34
踢進攻足球有機會反勝,但亦有機會輸多幾粒。作為領導,相信會寧願保持賽果。
8. 元朗灣區人 2020-10-29 12:59:43
不要太天真。香港人返來免隔是香港内政。

上去,冇咁易放。

灣刀講得啱,係壓力测試。剛開始…睇下香港的實力。

明年底…大家還有錢上網…再揭盅。
9. MT 2020-10-29 13:28:28
我支持繼續封關,睇下邊個傷D,唔好捉錯用神呀,我認為傷D嘅係香港人。對於內地人,香港只係一個旅遊購物嘅地方,以前貪新鮮就想嚟啫,而家受歧視係基本,分分鐘仲俾人打,咁嘅地方搵鬼去。
10. 鳥5 2020-10-29 14:20:37
Mㄒ兄!你講嗰啲又係事實!國內好情緒化!比人睇小既地方!唔係太想過黎消費!會反彈但同以前會爭一大截!起碼兩年!
11. 鳥5 2020-10-29 14:23:01
睇嚟香港都好多人支持至死而後生!唉!NO eye See!
13. NO eye See! 2020-10-29 14:44:37
有啲人特別是後生覺得條街清靜啲係好啲。
14. X 2020-10-29 15:27:25
美國最初隔岸觀火,點想到而家一褲都係。
香港全民檢測失敗告终,咁既民情,一有事唔會易攪。
15. 元朗灣區人 2020-10-29 15:33:55
鳥5兄,

“給錢買侮辱”的遊客?
阿爺千萬不要那麽傻。

香港自己玩攬炒,都未入肉…
16. 向泛民说不 2020-10-29 15:53:58
鸟5,点解从来吾检讨下自己啊。叫咩大陆情绪化,错永远是人家的错,香港人现在还睇吾起自由行,以为人地来消费就是蚕食香港人的资源,你仲系度歧视大陆人啊。凭咩啊。

美帝已经话要打香港的金融中心,如果没有阿爷顶住,香港人仲可以做咩。最近蚂蚁来上市,估计为香港赚了一笔啦。如果无埋金融中心,香港班黄能真系唔知道可以食咩。
18. 大湾條湾刀 2020-10-29 17:23:18
香港已经累积了不少财富,長逺封关,分隔两地,大大減少双方矛盾。海水化淡,引入LNG terminal, 发展农務,加強同其他地区交流,方为上策。 香港后生一代不会也不应只係睇GDP做人。

今次封关压力測試过关,大家河水井水分隔,对双方都好。

有本事就把所有科幻股搬去深交所。貴为深圳一哥,700却死都要在港交所上市。真笑死人。又話深圳已經取代咗香港???

19. 大灣條灣刀 2020-10-29 17:59:44
香港人有濃厚的故鄉情,大家都好心急可以早日返鄉下,大家見面都互相鼓勵可以早日去鄉下玩。 希望政府可以全力協助,令港人可以早日去東京(唔係東莞,不要搞錯)旅遊。我好多朋友都買了唔少日元,日日夜夜望日本早日開關。真係好慘!

大家都支持長封羅湖及落馬洲口岸。

政府同日本安排travel bubble, 並且無了期封大陸關,算係走對了一步。
20. MT 2020-10-29 18:11:56
灣刀兄睇嚟係搵埋大把唔憂做一族,封幾耐都無有怕,咁啱我又係,大家一齊睇下班腩炒派頂得幾耐。
21. 鳥5 2020-10-29 18:44:28
各位藍管!小弟明既!明既!
22. 鳥5 2020-10-29 18:52:35
叛黨所作所為!小弟明既!明既!
23. 鳥5 2020-10-29 18:55:29
國家精英!呢兩年主流加強溝人北上!資本如是!
25. 鳥5 2020-10-29 18:56:21
香港個系統係要執下先!
26. 大灣條灣刀 2020-10-29 19:19:34
封關封多幾年,有利香港年輕一代搵到未來的發展方向。 

今次封關,展開了香港社會去大灣區的第一步,意義非凡,去大灣是香港重生的第一步。阿爺今次也欣然承全了港人的意願,非常配合。好簡單, 封關是雙贏局面,符合大家長久利益。
27. 海南人 2020-10-29 20:14:19
香港自己玩攬炒是香港人的自由和選擇,內地不應干涉!
28. 元朗灣區人 2020-10-29 21:28:00
都話香港很多日本皇軍後代嘅啦。

其實阿爺最好宣佈,港元自生自滅。
31. 燒唔到佢 2020-10-29 21:59:19
除咗班學生,最黃嘅係班公務員,裁員減薪同佢無關...我真係知道佢哋有啲成日想個經濟同樓價快啲冧,等佢可以買多層樓...
32. 海南人 2020-10-29 23:52:56
元朗灣區人兄,

我的意思是香港人自己找死,不應通關,害國人!
33. 回31樓 2020-10-30 00:45:44
其實重有一大班,就係班一早就已經上咗岸,揸住香港幾個已經供完的單位,及海外物業及美股,靠收租及收股息每月都十幾二十萬的港人。

已經上咗岸,唔使睇大陸面色,𣈱所欲言。


34. 鳥5 2020-10-30 01:10:04
2024年香港故宮開幕!國家精英其實通左水!(時間表)。。不過呢幾年香港真係好9大鑊!
35. 鳥5 2020-10-30 01:11:21
未上車!千祈唔好上車!7拆都5好諗住!
37. 鳥5 2020-10-30 01:15:30
廣播局!何君堯入局!肯定玩鑊金!
38. 鳥5 2020-10-30 01:19:05
元郎兄:香港港元係國家人民幣國際化戰略部分!唔會自生自滅!不過港元有機會被迫脫歐!冇時間表,取決於美金幾時死!在下色目以待!
39. 鳥5 2020-10-30 01:24:33
其實!台湾都會好9麻煩!橫睇掂睇真係冇運行!中美博弈!點玩佢都係最麻煩!唉!df17開始部署!2500公里。覆蓋第一島鏈全線美軍基地!美國都接唔住!點守?開玩笑!
40. 鳥5 2020-10-30 01:31:18
短情水飄式導彈DF17!USA所有防護系統都冇能力接得住!而家秘密改緊中程長程!出年年尾已經可以投產!打到去第三島(美國本土)。下年年尾!俄羅斯2000支反艦導彈趕貨!下年年尾到!到時全球航空母艦戰鬥群!入到第一島鏈內!已經係可以全滅!
42. 龍虎豹 2020-10-30 07:44:31
如果政府唔博,

43. 元朗灣區人 2020-10-30 08:59:17
海南人兄,

十分認同。雖然我很想遊山玩水。


44. 元朗灣區人 2020-10-30 09:21:28
鳥5兄,

我只是附和“欖菜(裁)炒飯(碗)”的做法。

香港要執嘅係人心。

粒粒皆辛苦,是在“锄禾日當午”下,才能體會的?

香港公主,公子,仲食緊鲍参翅肚…

45. 十一哥 2020-10-30 10:50:01
呢2百幾年…中國今日最得心應手、我地諗到嘅…阿爺早就做咗、香港U由校長到2名副校…都係老表出身、由得你吠…反對嘅咁先激L C。
47. 引刀一快 2020-10-30 17:18:45
十一仔最憎人讀大學。