地產博客 > 文亮言 返回
瀏覽人次:23188    回應:27
文亮言

股樓跌市三部曲

 

湯文亮博士

紀惠集團行政總裁
2020年3月25日

  有老友問現在股市樓市都是受到新冠肺炎疫情影響,樓價股價都不斷下跌。究竟股市樓市現在是熊一、熊二抑或熊三?我直言話唔識,但我睇股樓跌市與一般評論員不相同,我將跌市分為三部曲。

  股市在下跌了一段時間之後,首先跌到大家唔信,不過又會踴躍入市。因為大部份股票股價已經跌很多,有人因見獵心喜,亦有人以溝淡的心態入市。由於太多人入市,股市是會作出適當反彈。我認為這是跌市第一階段。不過,亦會有人認為這是牛市未完,下跌只是給予投資者入貨機會。在這階段,由於入市的人只是採取小注怡情策略,投資者的獲利抑或損失都是有一個限度,令到大家都察覺不到這是跌市第一階段。

  股市繼續下跌,進入第二階段。這個階段有一個特色,就是跌到投資者心驚膽顫。即是見到股價跌到殘, PE高到唔合理,但仍然不敢入市,而且仲有很多不入市的理由,例如有很多債務違約,基金不能贖回的個案尚未出現。無論是什麼理由,總之唔夠膽入市,我相信現在就是處於這個階段。

  第三個階段不是經常出現,股市對上一次是2008年環球金融海嘯期間,而樓市則是2003年沙士的時間。特色是不但跌到大家不敢買股票,而是在沒有迫切性的情況下,賣走手上股票或者樓宇,甚至連在跌市第一階段買入的股票都會賣走,而賣走的理由很簡單,就是股價會繼續下跌。不過大家不用擔心,現在股市只是處於第二階段,還未到第三階段。至於樓市,現在樓價稍為下跌已經有人入市,就算在疫情下新樓銷售理想,而二手樓成交價亦不俗。我大膽講,樓市現在處於跌市第一階段。不過,大家千祈唔好誤會,樓市會繼續下跌,進入第二,甚至第三階段。如果疫情在兩三個月內消失,購買力重現,樓市未必會繼續下跌,畢竟樓市被辣招及逆週期措施監管,要大跌亦不容易。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 元朗真香港人 2020-03-25 10:31:26
股市有如一夜情,轉身快,實有人接。

樓市有如結髮妻,離婚都要搞幾年。

自住樓,份工保唔住,冇收入,先至考慮賣。失業率升至20%, 睇下跌唔失足。

樓市前景仍是迷。
2. Stephen Wong 2020-03-25 10:41:34
的士牌價已跌破500萬,有好多的士牌押係財仔度,唔知幾時爆㷛?依家特更低至350,未計燈油火蠟,有2.55%。呢個回報,點冚財仔條數?
3. Frankie 718 2020-03-25 11:49:49
應該是PE "低" 到唔合理? 
4. 鳥5 2020-03-25 12:37:46
財仔D野年尾到!
5. 鳥5 2020-03-25 12:40:39
2F,香港啲財仔,好多可以選擇,債跟人唔跟貨。唔係美國。
6. 鳥5 2020-03-25 12:46:14
1F,唔使太過擔心,失業率唔會去到2成。6一7O萬失業?不過地球,每個國家輪流休克幾個禮拜個半左右。4個月後可以番七八成生產力。
7. 鳥5 2020-03-25 12:48:49
大陸做咗一次demo比你睇㗎喇。。 
8. 鳥5 2020-03-25 12:53:56
Cash is King, HK實體下年年中到。在下上年中講。未上車下年都唔好上車!
9. 鳥5 2020-03-25 12:59:25
不過而家啲香港人(特別未捱過),心態比上次脆弱。更加著重眼前價格。一旦發生巨變(眼前價格)。真係唔知佢哋頂唔頂得順!
10. 做咗一次demo 2020-03-25 13:01:22
雀來哥, 阿爺 demo 好徹底, 仲出動醫護兵, 外國動員能力無人能及, 所以唔係幾個禮拜嘅事。
11. 鳥5 2020-03-25 13:06:30
今時今日,先問係唔係熊市?會唔會....Air......遲咗啲呢?
12. 鳥5 2020-03-25 13:18:18
股市(今年計)已經見底。在下已經上個禮拜All in.在下(超過18個月前)講會見22500以下。。坐下繼估不嬲十舖中八。。
13. 鳥5 2020-03-25 13:33:47
黃金上年年尾講. 上年新高,今年新低。樓市上年新低今年新高。睇法冇变。黃金今年穿1800
14. 鳥5 2020-03-25 13:54:08
樓市股市,兩個輪迴週期,有同有不同。一個長一個短。唔好一廂情願!當咗係一樣。。載客嘅睇法
15. 十一哥 2020-03-25 13:58:19
時間較到啱啱好、春運先至嚟篤爆…點可能唔跪低揼牌 ! 美帝點計都計唔到阿爺咁架勢..咁都溻唔低、唯有矛侵…先至可以頂到底。

16. 鳥5 2020-03-25 14:19:31
十一哥,如果從驚人国力去展示世界。坐下可以初步排一排。。韓戰,08奧運,高鐵,電子貨幣.軍事.今次應該係排響.寒戰之後.排二至排三之間。寒戰為首。農業窮國,近附徒手,打贏16個聯軍(逼和)。。我嘅角度睇都係咁.. 戰略上,贏幾多。就睇下阿爺點樣救地球。和平崛起超級大國。往後條路。好辨事。攻心上冊,戈城策。。。有板有眼
17. 鳥5 2020-03-25 14:21:05
更正:攻心上策,佛成下冊...
19. 鳥5 2020-03-25 14:28:41
D果時間幾千兵主導救地球,效果:真係大於美軍一個師兵力控制地球。今次美國真係書。。嚟緊g20開會,應該利好。。
20. 鳥5 2020-03-25 14:37:39
中日韓自貿區施咗十幾年。嚟緊嗰幾年,好事近!出年日本仔同大陸,會杯眉來眼去。。十一哥,我5講,你都明!日本仔想搞個成功奧運振奮日本國民。順水人情!亞爺會好醒水配合!
21. 鳥5 2020-03-25 14:46:57
亞爺今次戰策層次,重高於(不戰屈人兵)層次。
22. 鳥5 2020-03-25 14:50:25
不過香港而家搞成咁,畀人踢春。阿爺輕敵呀!冇得賴。。
23. 十一哥 2020-03-25 15:22:33
美帝立國以嚟、可能最震鷄就在當下、以前都係喺人地屋企開拖、輸/贏肯散水…就唔會比人追殺到番屋企、大哥身份穩過鉄、而家條東方龍起..挾九天之勢、美帝子民識計數…玩正路一定換位、敢冇差別冇限制出矛招先有生計、矛招…梗要揾個無賴最識使、傻侵捱多4年冇懸念。
24. 鳥5 2020-03-25 15:37:44
10F,呢個就係重點国力所在。美國要輸。重點唔係技術。執行效率。確診,死亡,醫療系統基礎。超限時作賽
25. Isaac 2020-03-26 04:06:12
haha i think cash is king now .
26. 元朗真香港人 2020-03-26 09:09:03
鳥5兄,我都all in 盈富,吃了鷄糊。

前景不明,今生未見過的情形!  疫情控制不了…底?

白鬼自由即自私,隔離? Trump virus 是自由的terminator
27. Philip wong 2020-03-26 10:06:04
什麼事都會有轉機,羅氏藥廠己經宣佈制成預防疫苗,好快這個世界又回到燈紅酒綠的曾經。
28. Philip wong 2020-03-26 11:01:55
羅氏藥廠是試劑而已,不是疫苗,我還以為大家看到勝利的曙光,原來得個吉。