地產博客 > 文亮言 返回
瀏覽人次:21128    回應:30
文亮言

有能力承受財赤也是好事

 

湯文亮博士

紀惠集團行政總裁
2020年2月28日

  有老友知道2020年財政預算有赤字1,391億,顯得非常擔心,我話有乜好擔心,亦都唔輪到我們小市民擔心,留返俾財爺陳茂波擔心。而事實上有能力承受財赤也是好事,代表庫房儲備充足,可以推行一些一次性挽救經濟,或者舒解民困的措施,如果冇能力承受財赤,要節約開支,共渡時艱才是大件事,所以大家要從正面的方向睇今次赤字預算案,千祈唔好睇到赤字預算已經愁眉深鎖。

  有人認為政府不應該派錢,應該預留儲備用作刺激經濟,我也有這種想法,不過今次是大勢所趨,各政黨都傾向派錢,甚至唔敢反對,最多用回水代替派錢,如果任何一個政黨不建議派錢,一定會大失民心,同時會失去不少選票,所以,派錢是事在必行,陳茂波今次是非常被動,但千祈唔好話佢做錯,而事實上唔做就最錯。

  大家都聽過「養兵千日,用在一朝」,香港在過去十幾年的財政預算每年或多或少都是有盈餘,豪一次亦無傷大雅,不過,亦要趁機會向世界表示香港是有能力承受巨額財政赤字,亦可以從赤字回復盈餘,將不利因素變成有利,如果有能力做到,赤字預算亦非壞事,赤字預算是警告大家,如果社會繼續動盪,香港將會陷入經濟困境。至於新冠肺炎疫情,我認為大家亦毋須擔心太多,中國以至全世界現在都積極開發能夠控制疫情特效藥,香港現在最緊要的是要控制新冠肺炎病毒擴散,有發病的跡象不但要睇醫生,而且唔好周圍去,這是香港市民應盡的責任。

  有記者問我收到一萬元之後會怎樣,其實我不只收一萬元,還有二萬元退稅,免交差餉六千元,無論幾多都好,我會盡情消費,而且比我收到的多很多,大家在疫情過後亦應該盡情消費,只有消費才可以挽救經濟,如果大家都不消費,不但對經濟後甦沒有幫助,而且還辜負了政府一番心意,因為今次派的一萬元,嚴格來說應該是消費券,當然,消費亦要量力而為。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 十一哥 2020-02-28 12:20:27
地產唔冧…再豪D都唔所謂、唔好詛咒地產大錢袋嘞、千百億閒話一句…都係靠高地價袋返嚟㗎 !

2. 鳥5 2020-02-28 12:45:18
美國中國歐洲日本。邊個唔係發債,發到嘭嘭聲㗎?係香港玩正數根本就大把錢,係要派架。冇得慳。。。。冇畀曾俊華千緊你啦!冇水大話黎架。。
3. 鳥5 2020-02-28 12:45:19
美國中國歐洲日本。邊個唔係發債,發到嘭嘭聲㗎?係香港玩正數根本就大把錢,係要派架。冇得慳。。。。冇畀曾俊華千緊你啦!冇水大話黎架。。
4. 鳥5 2020-02-28 13:04:07
阿爺今日正式採購2年內140萬件防彈衣。。呢件新聞就真係大件事。。好嚴重嘅預警
5. 鳥5 2020-02-28 13:05:37
有效期係得五年!
6. 鳥5 2020-02-28 13:10:52
台灣武統做準備2至7年。睇唔到阿爺需要忍香港班反对黨幾耐!
7. 十郎 2020-02-28 13:29:29


      全世界都係做赤字預算㗎。原因好簡單 , 財政司諗住會蝕錢嘅 , 結果就賺多咗 , 這樣做就冇人鬧。其實賺錢難過蝕本好多㗎 , 赤字預算 , 中嘅機會大d, 賺咗贏掌聲 , 穩陣最重要嘛。


      香港從夏鼎基開始 , 年年都赤字預算 , 但係年年都賺錢 , 之前有d人鬧財政司年年計錯數 , 真係不知所謂。夏鼎基還有一個絕招 , 他在經濟下行時候加稅 , 我就真係唔明。

8. 鳥5 2020-02-28 14:02:00
2年前班濃話美国得5年時間遏止中國。而家得返三年。。機會留畀有準備嘅人。自己諗
9. 鳥5 2020-02-28 14:04:35
一個國家地區嘅財長同一個大規模嘅會計部根本係兩個概念。冇畀曾俊華千,千左香港人好多年。。
10. 鳥5 2020-02-28 14:12:53
加稅同加息。係可以將一啲社會上錯誤嘅商業決定加快死亡。之後嘅毛利就會變多,快啲重生。但過程痛苦。
11. 我就真係唔明 2020-02-28 14:22:24
十哥, 果日先同紅跑司機講, 講苦小金庫多到你唔信, 派嘅問題係如何導向小市民使左佢, 而唔係人人收埋。
12. 十一哥 2020-02-28 14:40:02
經此一疫…凸顯全國定力、港/台…如雀在手…生C由阿爺定奪、阿爺趁大風大雨執行體罰、美帝肯定衹剩把口…望住班嘍囉比老表魚肉。

13. 十郎 2020-02-28 15:45:11


      11樓 , 呢d係人之常情。美國量寬又何嘗不是呢 , 美國量寬原意係谷經濟 , 增投資。最终成績欠佳 , 原因人民用來還債或者積谷防饑。如果一半用來消費 , 世界火紅到射太陽。


14. 世界火紅到射太陽 2020-02-28 17:02:07
十哥, 阿刀話科研要值錢, 其實元勳當年搞掂兩彈都係得三幾十蚊人民幣嘉獎, 繼續自己騎自己架自行車返工, 歐美經濟走入掘頭巷, 人人民冇餘財, 與尋租爭利有關係。從來只有國富民強, 沒有民富國強。
15. 引刀一快 2020-02-29 04:21:28
16. 零息時代 2020-02-29 14:10:35
此一症令美國,歐洲及日本加速進入零利息時代。

可能出現供樓零利息。
17. 雲在青天水在瓶 2020-02-29 17:10:12
基本法寫明:財政預算以量入為出為原則,力求收支平衡,避免赤字,並與本地生產總值的增長率相適應。

雖然現在是非常時期,政府仍有過萬億財政盈余,派錢予民渡難關情有可原,暫時無傷大局。法制是香港社會的基石之一,不可任意妄為。

現在建制和泛民都在搶功,一方說是成功爭取,另一方說是成功施壓。在這種民粹氛圍下,嚐到甜頭的市民及政客將更傾向於多要糖,萬億儲備恐怕頂不了多少年。

如果儲備耗盡,香港政府只有兩條路來解決財政問題:一是加稅,二是發債。

加稅之議,當年財爺唐英年有提出過,但馬上遭到社會上的普遍反對,民望急挫。隨後十幾年便無人再議。
發債之說,當年總理朱熔基拍過心口,"你們發債,我第一個買"。這一點我們不容置疑,問題是中央政府大量買入港債,必定會令相當一部份香港人不爽,質疑其為操控香港的又一個手段。
18. 鳥5 2020-02-29 20:40:13
17F, 基本法冇寫明唔可以發債㗎噃!量入為出呢個原則。咁你就要睇下同香港嘅發展點樣平衡喎!你會唔會諗多咗呀!畀阿曾俊華偷換咗概念呀!至於阿爺就唔買得香港啲債?鬼佬就買得?阿爺用同英國佬差15年嘅合約一國兩制。阿爺有咁大個蝦碌?定還是你冇睇清楚呀?定係你畀人偷換咗概念十幾年麻醉咗呀?
19. 鳥5 2020-02-29 20:40:14
17F, 基本法冇寫明唔可以發債㗎噃!量入為出呢個原則。咁你就要睇下同香港嘅發展點樣平衡喎!你會唔會諗多咗呀!畀阿曾俊華偷換咗概念呀!至於阿爺就唔買得香港啲債?鬼佬就買得?阿爺用同英國佬差15年嘅合約一國兩制。阿爺有咁大個蝦碌?定還是你冇睇清楚呀?定係你畀人偷換咗概念十幾年麻醉咗呀?
20. 鳥5 2020-02-29 20:53:53
至於你話阿爺買債就等於操控香港!公平啲好喎!咩息口又未定!繁榮安定又要阿爺包底!Dump水又唔得?对阿爺公平啲好喎!唔滿意阿爺買債,大家都可以買啫!邊個唔滿意咪邊個買囉!市場公開。美國政府發債,都唔知己歡迎阿爺買!難得阿爺鍾意香港賣債!做人公平啲好
21. 鳥5 2020-02-29 21:02:23
至於你話阿爺操控香港。會令到另外一部分人不爽。好抽象喎?如果發債投資發展香港可以脫胎換骨!咁同意嗰班人你又點睇呢?公平啲啦,又要繁榮。又要安定!。。人講你又噏。開下功課先啦。。
22. 鳥5 2020-02-29 21:03:59
更正。做下功課先
23. 鳥5 2020-02-29 21:14:20
開口埋口歧視阿爺,錢又唔想畀。做人公平啲啦!週地老人家,劏房20萬。仲唔發展香港死到臨頭。識D5識D。人噏你又噏,返去做下功課先啦
24. 鳥5 2020-02-29 21:26:09
而家香港gdp佔全中國2%。 97年佔全中國43%。唔係中國冇咗香港唔得。。喺香港冇咗中國唔得。清楚件事先啦!唔好再當香港好矜貴。外國係有不停笑緊香港人係傻仔。
25. 鳥5 2020-02-29 21:26:11
而家香港gdp佔全中國2%。 97年佔全中國43%。唔係中國冇咗香港唔得。。喺香港冇咗中國唔得。清楚件事先啦!唔好再當香港好矜貴。外國係有不停笑緊香港人係傻仔。
26. 鳥5 2020-02-29 21:37:37
https://www1.hkej.com/featuresMob/article?q=%232018-19%E9%A0%90%E7%AE%97%E6%A1%88%23&suid=581140693
27. 鳥5 2020-02-29 21:41:46
17F,自己睇下啦。識D又唔識啲。人話係你又話係。仲開口埋口岐視亞爺。傻仔嘅週街係,香港老千唔夠貨。
28. 鳥5 2020-02-29 22:09:02
17F,睇一次你就會明,何以會有呢一個坊間誤解。。審慎理財源出可意。
29. 零息時代 2020-03-01 00:31:16
撒消所有辣招,樓市旺番,政府賣地收入及印花稅自不然多番好多,何愁儲備。

香港最大的財富,不是外滙儲備,而是用之不盡的土地儲備。你用衛星圖睇吓就知香港有大把地未開發。

30. Philip wong 2020-03-03 10:46:22

如果沒有記錯的話,金管局去年投資收獲不俗,雖然動用金管局的錢需要機制,但是去年幾千億的收入,回撥两千億已經够派糖有凸了。講到理財,做餅師傅真的有排要學,黑衣之亂至今,大大話填著幾百億落海,連漣漪都冇,徒增民怨!救中小企?救著邊一忽,如果樓宇貸款額可以放松十個百分點,唔使政府出資,就可以救好多中小企,和中央降准有異曲同工之妙,不用花錢的招數不用,等中小企病到就來死,醫返都冇Q用。