地產博客 > 文亮言 返回
瀏覽人次:20268    回應:29
文亮言

穆迪降級,皆因官員不懂得求分

 

湯文亮博士

紀惠集團行政總裁
2020年1月23日

  穆迪失驚無神將香港信貸評級下降一級,本來已經夠慘,但屋漏兼逢夜雨,武漢肺炎極速擴散。當香港還未有確認個案時,仍然令恒生指數下跌超過800點。我不敢肯定股市大跌與武漢肺炎有沒有關連,但肯定與穆迪將香港信貸評級下調有關。

  有老友問點解穆迪在香港最困難的時候將信貸評級下調,這樣做有點雪上加霜味道。我話鬼佬做嘢有自己一套,我們不會明白。不過,今次穆迪將香港信貸評級下調,純粹是我們的官員太叻,由上至特首,下至司局級官員,每一位都是才子才女,尤其是特首,考第二都瞓唔著。不過,如果我考第二,一樣瞓唔著,是興奮到瞓唔著。所以,我認為所有官員都不懂做一件事,就是在讀書時向老師求分,這是穆迪今次將香港信貸評級調低的主要原因。

  我又唔同,由細到大,每一次升班都要見幾位老師,左求右求才可以升班。我對老師說,如果我升唔到班,我老母會用一碌柴打我,用棍還好,用柴有倒刺,跟打藤差不多,老師大多數心軟。我呃下呃下,又可以呃到中學畢業。記得上一次穆迪將香港信貸評級下調,我們的官員沒有自我檢討,又沒有承認責任,只是話穆迪以及其他的評級機構沒有理由,唔應該調低香港信貸評級。我見到香港官員唔識得求分,就知道穆迪會繼續出手。不過大家又不用擔心,今次應該是最後一次,因為已經低無可低。再降一級就會與中國同級,到那時候,世人注意力並不是香港,而是集中在中國,與香港的信貸評級一樣,無形中益了中國,穆迪是不會做。如果社運緩和,疫情受控制,甚至會將香港信貸評級提升。不過,亦要我們的官員願意配合,如果仍然話穆迪將信貸評級下調對香港沒有影響,真的是大吉利是。

  今次特首可能知道劇情需要,苦瓜乾口臉話穆迪將香港信貸評級下調令香港人好慘。首先利息會上升,繼而大公司的營運成本會加重,最後亦會轉嫁到小市民,同時重申政府會努力維持社會穩定,言下之意希望穆迪考慮調高香港信貸評級。特首這樣說我不知道有沒有效,但如果仍然話穆迪冇理由調低香港信貸評級,就不要奢望穆迪會將香港信貸評級調高。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 十一哥 2020-01-23 12:17:54
雀仔  非戰之罪、毛澤東話齋…人嘅操弄决定…戰爭勝負…

2. 真真薯片 2020-01-23 12:20:25
香港d高官大部入一畢業就入正苦,幾十年黎就係學識“聽老細話”,“欺騙”同“硬推”,完全唔識玩政治,唔識談判,唔識交換利益,視野狹窄,鼠目寸光,用處理辦公室政治既手法去處理身處國際鬥爭風眼之中既香港政治問題

搵個咁既極品做香港特首,搞到今日咁既田地,係有其必然性,估計阿爺都始料不及,係香港做幾十年官,竟然可以蠢到呢個地步,連阿爺都比佢玩死
3. 始料不及 2020-01-23 12:26:24
真片哥, 「唯吾矣」自治區領導駛唔駛你講咁多條件呀?
4. 與世無爭 2020-01-23 12:29:44

「天作孽,猶可違。自作孽,不可活 。」

5. 鳥5 2020-01-23 13:23:09
同我上年批判.屋漏兼逢夜雨..今次五鬼拍門....我睇最多大概係五至5.2...今日香港政府開支都冇小過..不過地霸嘅實力..就真係越嚟越弱.. 目迪評級其實就唔係好堅好有影響力.. 標普呢個先係堅嘢,不過暫時未到...香港而家只能夠搞,就係自己份內事...我睇到而家都係牛鬼蛇神...攬炒階段..暫時未變...等下
6. 鳥5 2020-01-23 13:25:27
失業率5~5.2左...右多6至7萬人左右...
7. 鳥5 2020-01-23 13:48:45
坐下覺得美資走短期大走機5大,小注長走就發生好耐...香港實体資產偏高先係主因...反而江派舊部走...D果其實先係(而家)發生既事..林鄭果D只係枱面野...撥亂反正..從前係負負得正..地覇D鑊最後玩黎玩都係佢受害...同上年判斷一樣...枱面枱底佢都係受害..床板夾春..新舊亞爺.枱底枱面..都係佢找數..今日都講到好白.. 刀兄我上年都講..共產黨權鬥歷史係揸軍果边勝,文官必然歸边..當中只係過程..中中聯辦搵個省長空降,重點係背景同香港不嬲冇关...都擺到明
8. 鳥5 2020-01-23 13:55:50
李超走貨走得靚..其他果D現先發現比人套住..遲左被動..法外優勢由主变客.5講咁白
9. 鳥5 2020-01-23 14:03:54
坐下覺得係乜都係等....亚爺都係出左招觀察等下一步...
10. 鳥5 2020-01-23 14:13:42
真真兄,如果換人可以攪店一早換左,同董生CY一樣..我坐下覺得...佢做啱左一D野以上兩位冇做過呢?有D乜野唐生,CY,董生都冇做呢?
11. 背景同香港不嬲冇关 2020-01-23 14:38:22
雀哥,地板玩大咗,前領導會唔會請去入康文署教育營,尚在未知數。
12. 引刀一快 2020-01-23 14:42:15
https://mp.weixin.qq.com/s/WgSTkYERyP0pTbwjsM9s_A

呢啲叫做“解鈴還須繫鈴人”
豬年用豬瘟整你唔死,鼠年用竹鼠蝠鼠海狸鼠整死你。
13. 鳥5 2020-01-23 15:05:19
等...別冇他法
14. 別冇他法 2020-01-23 15:37:55
法無常法, 順勢而行。
15. 引刀一快 2020-01-23 16:26:59
冇得等,否則一波未平一波又起,對家就係要中國死。
16. 引刀一快 2020-01-23 16:27:46
蘋果執笠之日,香港收皮之時。
17. 鳥5 2020-01-23 16:56:34
呢幾日國內開會國內國企如何加大香港,投資特別係一啲大型投資項目影響民生...左搞右搞都係地產項目..大戶攞貨,越攞越平我今日同你講...23條輻射香港第二次吹
18. 引刀一快 2020-01-23 17:05:29
鳥5兄

驚吓肺炎輻射香港先喇。
19. 十一哥 2020-01-23 17:05:47
雀仔   唔好咁灰、等…做收買佬、地球未停、有水…世界唔好即係好、冇水…好世界塘邊鶴得個閉翳…問下刀刀就感受最深。

20. 引刀一快 2020-01-23 17:28:38
21. 引刀一快 2020-01-23 17:29:37
解鈴者,繫鈴人!
22. 鳥5 2020-01-23 21:11:15
11F, 我做個比喻目標人物,可能係最後一個知...尤其係特別最大嗰啲... 近十年嘅國內特色
23. 鳥5 2020-01-23 21:18:19
香港咗幾個家族開曬file幾年㗎喇,冇事咪冇事囉.有事就搞㗎喇...共產黨嘅歷史係從來未出過一個失控嘅財閥...唔係美國日本
24. 鳥5 2020-01-23 21:24:27
97 當年阿爺夾埋香港嗰班地霸肢解英資... 香港班地霸心中有數唔講咁白
25. 引刀一快 2020-01-24 05:13:27
鳥5兄
呢鋪我又夠膽講白佢,就係俄羅斯。
26. 鳥5 2020-01-24 12:44:44
刀兄,關於病毒係生化戰嘅論點當年沙士主將王岐山事後係低調用咗一百萬人創造人類史上第一個中國人嘅DNA圖,3年時間...源於華裔高於其他種族感染差不多三倍...但最後觀點係病毒會自我轉碼所以放毒者難以控制所以否定咗呢個論點....不過中央有呢個意識(被發動生發戰)...呢個係事實...上年印度亦都爆發個神秘病毒印度總理深夜到四川親見習近平.原因全亞洲最頂級嘅生物實驗室其實響中國...
27. 自我陶醉 2020-01-24 15:34:17
引刀兄

你可能中慢性毒毒了,叻嘅就係自己英明神武,鑊咗就係外國勢力。 哈哈哈!

28. 引刀一快 2020-01-24 16:07:31
鳥5兄

呢味嘢,我諗你冇我清楚。
29. 引刀一快 2020-01-24 16:09:07
自我陶醉兄

呢鋪九成九,俄佬唔出聲我冇咁肯定,佢一講,不打自招。