地產博客 > 文亮言 返回
瀏覽人次:24744    回應:18
文亮言

杜老誌的回憶

 

湯文亮博士

紀惠集團行政總裁
2019年7月12日

  今個星期初,報章報導前杜老誌夜總會以8.92億易手,明報陸振球問我有沒有回憶。這個問題問得真係好,當然有。不過我的回憶不涉及男女私情,亦沒有風流韻事,反而與做生意有關。老實說,煙花之地,有什麼男女私情?就算有,都只是虛情假意。

  在80年代初期,我在香港工作不久,對香港不甚了解,尤其是杜老誌夜總會,根本上不是年輕人去的地方。有一日一個做出入口生意的前輩話帶我去杜老誌見識,我話消費太貴,負擔不起。前輩話佢找數,他去杜老誌是有任務,而且得到他的太太同意。前輩這樣說我就覺得很奇怪,世界上點會有老婆同意老公去夜總會搵女朋友?前輩一定是老點。

  去到杜老誌夜總會,見到那些靚過現在港姐的小姐,真的是唔識講說話。我唔講,那些小姐撩我講,什麼詩詞歌賦何止略懂一二,簡直是琅琅上口。見我冇反應,主動話唱支「夜上海」俾我聽。見我對國語歌冇興趣,於是改唱Yesterday once more。當我暈暈地的時候,前輩話攪掂,可以走人。

  前輩帶了一位小姐出街,去大上海食大閘蟹。我狼吞虎嚥,半粒鐘唔夠就食了兩隻,見到那位小姐隻蟹仍然原封不動,以為佢唔食。原來唔係,佢輕挑萬撚,細意品嚐,食完之後砌番隻蟹出嚟。現在當然並不是一回事,當日令到我目瞪口呆。

  我問前輩點解要去杜老誌。佢話有一個美國買手在一星期後到港,那個買手將會落一張大單,而佢又已經搵到廠家去做,成本價只是單價的一半,一切已經搞掂。現在只是等那位美國買手簽約作實,而那位美國買手有一個不良嗜好,其實是當時大多數買手的通病,就是在簽約的時候要求港商帶同太太出席。到最後那位美國買手提出一個條件,簽約不是問題,不過就希望港商的太太能夠陪他去澳門住一兩日,玩幾手。本來一定唔得,但張單咁大,咁多人跟著搵食。去抑或不去,這是一個很難決定的問題。

  久而久之,港商亦搵到應對方法,就是去杜老誌搵一個略懂英語的小姐冒充是他們的太太,陪那些美國買手去澳門玩幾手,所以前輩的老婆才同意他去杜老誌揾小姐。我的回憶亦到此為止,以後風流韻事,我這個不懂情趣的人唔識得講。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 港商亦搵到應對方法 2019-07-12 09:52:43
川普懷抱港女舊照曝光
2. 川普懷抱港女舊照曝光 2019-07-12 11:03:18

川普懷抱港女舊照曝光

北京時間4月11日,中國學者司馬南在社交媒體發布一張關於美國總統川普的照片,引發外界對川普過去歷史的好奇。

照片顯示,川普(Donald Trump)懷裡抱著一名亞裔女子,一旁坐著一名老者。照片簡介稱,20世紀90年代初,鄭裕彤帶著老朋友明家福的女兒明美蓮見川普。

實際上,川普與鄭裕彤淵源頗深,甚至一度有聲音認為,川普如今對中國的強硬態度可能與其早期受香港富商「玩弄」有關。美國《紐約時報》曾刊文披露,1994年美國樓市低迷,川普因負債過高面臨破產。有香港富商對川普的生意感興趣。

川普(左一)懷抱明美蓮(中),老者為鄭裕彤

最後,香港商人鄭家純和羅瑞康決定斥資2億美元入股川普旗下位於哈德遜河畔、占地77畝的超級地產項目。

報導稱,當時川普所面臨的形勢非常危急,但鄭家純和羅瑞康不急。雖然川普萬分不願親飛香港談判,但鄭、羅堅持面談。不得已,屈服的川普親赴香港,沒想到被「玩弄」。

到港後,川普被鄭、羅邀去打高爾夫球,並開出1,000美元一個洞的賭局,但川普要求改為100美元。頓時,川普在氣勢上就低人一頭。後來,羅瑞康回憶,川普「輸多過贏」。

隨後,川普被邀請至鄭家純父親,即鄭裕彤家家中吃飯。川普不喜歡中餐,更用不慣筷子。期間,鄭裕彤命傭人將一盤連頭魚對準川普,嚇得川普急忙將魚推向一邊。鄭、羅故意說要「斗酒」,但川普是禁酒主義者。這場宴席令川普很是不快。

一輪交鋒下來,川普灰頭土臉,在生意場上也失去主動權。在雙方談妥合作後,當時川普被債權銀行要求儘快引入資金,非常著急,但香港方面突然以時機不吉利為由,簽約時間被推遲。對於項目設計,川普亦被迫放棄一貫喜愛的雲石和金色。

雖然合作未必愉快,但川普的生意起死回生。至2005年,美國經濟和樓市恢復,川普財政脫困,身價暴漲。香港投資者將上述超級房產項目中住宅部門作價17.6億美元欲出售,而川普冒著痛失可觀利潤的風險不滿香港投資者的交易,更以此為由,在美國控告香港投資者,索賠10億美元。

3. 笑一笑 2019-07-12 12:46:40

博士本文令我想起一個笑話:

話說X先生與日本客人傾代理合約有一手,每次都不負使命。X先生知道日本客人大都好色,所以一定帶他們去夜總會傾生意。所有開支開公數,包括他自己的開支,報銷時更寫明係召妓費。會計小姐見到召妓費三字覺得唔係咁好,建議X先生改為射擊費。一個月後,X先生又報銷,申請表寫明:「與兩名日本客人共三人射擊費$12000,本人槍械修理費$1000」。

4. 引刀一快 2019-07-12 13:28:59
照咁講,外國買手呢種“惡習”,應該係中國某個地區嘅商人縱壞嘅,某地區嘅人好重商,經常老婆出面做生意。
5. 經常老婆出面做生意。 2019-07-12 13:35:19
下次肥恩可能要跟老襯去一轉拉斯維加斯。
6. 鳥5 2019-07-12 19:27:24
【深度解構】中美貿戰似1930年代大國興衰交替?

http://hk.on.cc/hk/bkn/cnt/finance/20190712/bkn-20190712184212443-0712_00842_001.html

要有齊股票即秒報價,貼市貼士同股樓新聞,即下載《東網Money 18》APP:
http://bit.ly/2gFkM6l
7. 鳥5 2019-07-12 19:30:26
我呢幾年 表達 嘅嘢, 非常近似文中所講。。。 但仲有時間。。 冇人話係就覺得係睇一睇上有時間準備
8. 鳥5 2019-07-12 19:34:12
十哥, 我覺得你有眼光, 呢個場我從未聽過人講過金。。。好old school野。。。 不過美國幾十萬的債。。。 我係覺得要甩身,打仗又冇水,大路係得呢個方法。。
9. 鳥5 2019-07-12 19:36:07
唔係太多人知, 日常生活中嘅錢,係乜嘢嚟...
10. 鳥5 2019-07-12 19:41:45
尚有時間。。。
11. 引刀一快 2019-07-13 01:44:46
鳥5兄

有冇諗過,呢個論壇主要讀者同論客,都係呢篇文章所講10%嘅人?
12. 鳥5 2019-07-13 23:43:08
刀兄, 其實我 只係 針到一班人。。 未買樓,千祈唔好上車。。。 呢個就係我嘅初心。 救得一個得一個。 樓市有贏有輸 贏, 贏開 想繼續贏。。 真心話。 我覺得合理。 成世都未玩過, 一鋪買餅。。。 我覺得非常非常唔合理。 當年啲空中飛人, 身邊朋友。。 小弟都仲要用 好長時間去分析。。 瓜左都未知咩事。 小得一個咪得一個囉。。。 到嗰日真係到, 小弟 其實會绝小係呢個論壇出現。 證明自己啱。。。 到嗰時根本已經沒有在埸價值。。 小弟冇乜嘢叻, 就係用條數, 計返條事實出嚟。比10% 嗰班人呀! 反轉 幫佢計 ... 我喺度 其中成日堤, 阻人搵食, 阻人發達 ,唔講得到白。。。 咁你又覺得 你講嘅嘢 我又點會唔明呀。。 刀兄。
13. 鳥5 2019-07-13 23:51:24
更正。。。 係未買樓嗰班。。。 唔係十個percent嗰班。。。sorry
14. 鳥5 2019-07-14 00:05:53
刀兄, 以而家我睇到條數, 我可以 好大膽咁講。。 時間不遠。。
15. 引刀一快 2019-07-14 06:48:22
鳥5兄

有冇留意到一個情況,警察冇編號,示威者一樣冇編號。

你明我講乜喇。


16. 鳥5 2019-07-14 23:17:17
示威者,幾百蚊一個。 今日好啲呀梗係貴啲㗎喇。。。 做嘅嘢呀梗係唔同咗喇。。 枱底玩緊乜。。 阿爺監察住嘅。 不欲多言
17. 鳥5 2019-07-14 23:20:46
刀兄,香港會幾9麻煩。但人在局中不知期局。 人在山中不見林。。。 本人都係人,好難心水清。。。 不欲多言
18. 鳥5 2019-07-14 23:23:46
以上係彿道。 唔係 牌面 數學題。。 呢次 自己知自己事 好困難 心水清??? 頂唔順 恐怖 片 唔睇未必壞