有好多人反对系东大屿填海,因为新界仲有好多土地可供发展,呢家我就同佢哋摆事实讲道理。
新界的土地分开几种,有啲系祖堂地,系阿公剩落由一个宗族共同持有,想变卖就成个宗族开会,要绝大部分人甚至全体通过先好讲嘢。
有啲土地系家族持有,阿爸由阿爷手上承袭翻来,想变卖就要揾那个七老八十的业主去签名,佢可能瞓喺老人院甚至身在英国或荷兰,要说服佢哋去卖地真系有难度。
其实最容易搞嘅反而系由发展商持有嘅农地及棕地,人哋打开门做生意只为逐利,但呢家一句「官商勾结」,试问有哪一个负责谈判嘅官员胆敢「开平价」益发展商?
啲友仔叫林郑月娥去搞棕地及农地,讲句衰啲即系叫佢「与虎谋皮」,十年间可揾倒过千公顷地用来起屋的机会,等同白表抽倒启朗苑三房!
有啲人就叫政府运用「土地收回条例」去收番啲棕地及农地,但香港实行私有产权,你政府唔出番咁上下价,那些地主肯唔肯咁顺摊呕块地出来?
而且新界土地业权分散,地块夹杂阿公地、私人地、发展商地,仲有啲地系唔知乜水霸返嚟嘅,又有D地个业主已经卖咗咸鸭蛋,都唔知点挖返佢啲后人出嚟……
总之收新界地全部都系湿滞嘢,啲友仔讲得咁轻松,不如佢去in地政总署,专门同乡绅及发展商收地,睇下事情会唔会有突破性发展🤣