今早去茶餐厅时,见到近茶餐厅门口有两个女人闹交,有一大堆人睇热闹,有人劝交,但始终劝唔掂,愈来愈多人睇热闹,两个女人愈闹愈起劲,影响到茶餐厅,老板走出嚟同劝交的人讲,劝女人唔闹交是很难,如果冇人睇热闹,三分钟内就唔会闹交,睇热闹的人听到就各自散去。
俄乌冲突76日,比原定时间多了70日,大家都不明白,就算俄罗斯行军缓慢,一个月内就应该搞掂,点解到现在仲要拉锯,其实,最主要原因是太多人打气,已经有十一个大国元首,欧盟主席,联合国秘书长都去了基辅为泽哥打气,传媒又广泛报道,令到泽哥欲罢不能,其实,就好似细路仔扭计,喊到拆天一样,唔理他们,三分钟内就唔喊。
刚刚有客人入茶餐厅,其他客人问那两个女人闹完交未,刚入嚟的客人话,外面冇人闹交。