地产博客 > 敢说亮话 返回
浏览人次:29649    回应:26
敢说亮话

茶餐厅乱话(583)连养和也裁员

 

汤文亮博士

纪惠集团行政总裁
2019年10月26日

  昨日中午,茶餐厅老板话炆了鲍鱼,叫我去茶餐厅食晏。我去到之后,发觉客人明显少了很多。老板话附近医院入院人数大幅减少一半,医院探病的人都减少。在往日,不少人探完病都会在茶餐厅食午餐。少了这批客人,连茶餐厅的生意亦减少,可想而知香港饮食业正受到社运影响,逐步进入寒冬。政府的小恩小惠根本帮唔到任何界别,唯一要做的就是止暴制乱。否则,在失业率上升,生意难做的情况下,受影响的人有机会上街示威,随时会和社运人士冲突,香港就会大乱。事实上有司机因生意减少,心情恶劣,出手伤害贴连侬场的人,结果被判监五个半月。由此可见,香港虽然有不少人在政治上有崇高理想,但亦有很多人要搵食,政府要小心失业率上升。

  老板的担心不无道理,著名医院养和也裁员,理由是入院人数大幅减少一半,有人问我养和的护士大约多少薪金。我曾经几次入院验身,大约知道多少,但不能够说出来,与国泰空姐收入差不多。大家不得不提高警觉,如果连养和也裁员,这是从未发生过的事,代表香港经济急速进入寒冬,大家小心。

 
 
我要回应
我的称呼
回应 / 意见
验证文字
 
回应 / 留言规则
  1. 禁止撰写粗言秽语、诽谤、渲染色情暴力或人身攻击的言论;
  2. 禁止以名称/昵称/绰号/同音字等批评或映射任何人士、机构、公司;
  3. 禁止发布有关招聘、推销、广告等内容;
  4. 禁止公开任何个人资料(如电话号码、电邮地址、即时通讯帐号等)。

敬请留言者自律。本网站保留删除/堵截任何留言的权利。

会员登入
登入ID 或 网名
密码
2. MT 2019-10-26 11:24:02
天作孽犹可恕 自作孽不可活
3. 自我陶醉 2019-10-26 11:53:01
其实讲咩都冇用行动最实际,好多人口就撑警,脚就离境。香港8月走资千几亿,九月走几多到现在金管局都未敢公布,废事吓亲大家。走咗嘅钱有排唔会返嚟,仲有大把人排紧队开离岸户口,裁员潮只系刚刚开始。
4. Fisherman 2019-10-26 11:53:07
介绍分笋工俾大家,长做长有。老人院护理员。
5. Y 2019-10-26 12:09:39
黄医自毁招牌,政见行先,亲疏有别,吓坏同胞. 
6. 望东楼 2019-10-26 12:17:24
陆客嚟依家香港打针系跌到近乎零。养和对面间XX铺头话生意跌咗三成。不过听讲养和嘅医护人员都好黄,唔知佢哋会唔会继续支持揽炒。
7. 望东楼 2019-10-26 12:36:04
三楼,个个话走资,查实何谓走资?
将港元存款转存汇丰分行系咪走资?
港纸转外币系咪走资?
转咗外币再转存外地先系走资?
买美股算唔算系走资?
除非老细指定,否则一般family office应该有一定数量资产已经系外地,短期睇唔到太大影响,不过中长线就可能大大镬。
8. 自称路人 2019-10-26 12:41:40
香港人应了北方人的一句说话 , 被窝里放屁 , 自作自受 !
9. 自我陶醉 2019-10-26 13:15:21
傻傻哋! 工冇咗可以搵过,法治同公义冇咗搵唔搵得返? 全世界大把地方缺医护人员,移民都有分加,你洗同佢哋担心?

咩系走资? 问下自己啲资产jurisdiction喺边咪知罗! 香港实施外汇管制,你都在全世界攞到外汇洗咪系走咗资罗! 哈哈哈!
10. 引刀一快 2019-10-26 13:16:07
东楼兄

养和唔系对著马场咩?
11. 引刀一快 2019-10-26 13:30:02
自我陶醉兄

今次我又唔完全同意你讲法,公义几时都有,不过依家全部寄存咗喺香港市民身上咁解啫,如果呢啲人走嗮,先至叫做大镬。至於法治,系表面果层,依家睇怕系再深一层嘅问题,我记得以前有个长辈同我讲,点解香港比澳门优胜?因为英国佬系伪君子,做起事嚟,再衰都
仲识得要面,葡国佬系海盗,话之你。
依家香港,连伪君子都冇埋,就系摆明衰过你睇,面都唔要,有乜唔可以发生?
12. 望东楼 2019-10-26 13:49:22
小刀,如果你系养和正门行到马场,都有几十米,不过果头似乎系灾区。
13. 引刀一快 2019-10-26 13:54:05
东楼兄

果一带,我冇行廿几年,以前喺天主教坟场濑过嘢,可能今世都唔会行果一带。
14. 望东楼 2019-10-26 13:55:28
小刀,现今政治取向似乎都系向做烂仔/唔要面嘅方向进发,唔净只系香港,你睇下美国就知。
15. 引刀一快 2019-10-26 13:59:26
东楼兄

美国不嬲都系有牌烂仔,不过依家系俄国成吉思汗后人推动佢,所以又系烂出面,乱世临近,自求多福。
16. 引刀一快 2019-10-26 14:00:59
四中全会,希望有正面消息出嚟喇。
17. To 6 楼 2019-10-26 14:06:43
正所谓求仁得仁,得锤得锤啊!
19. 人人健康 2019-10-26 18:01:42
人人健康最好,人人有工开最好
20. Hongkong People 2019-10-27 11:56:14
系有走资情况,我身边有好多好多人上珠海中山买楼,一人走几百万都真系唔少。。。而家就走资,迟D连人都走埋,暴徒揽炒成功,香港真正变成民不聊生了!
21. 真真薯片 2019-10-28 10:48:09
护士同空姐人工差唔多?唔系下话?
22. 唔系下话? 2019-10-28 11:05:38
23. ND 2019-10-29 10:02:15
养和入院人数大幅减少一半, 即是养和有一半资源都是用来招呼国内人。  事问如果香港本地人想帮亲养和, 又点会因社运而吾去医院。  现在的情况只是回归到未有太多国内人来港的时候而已。
24. 十一哥 2019-10-29 14:38:03
系咁倚呢排…正苦都审咗2百几亿出街、唔争在审多少比私院、一举两得、扶助民间医疗工业发展、减轻公营医疗学师仔压力…比班医疗学师仔多D时间上街关怀同志。

25. 黄老板个仔仔 2019-10-29 15:14:17
是不是

祥兴咖啡室?

26. 伟渐 2019-10-29 15:41:21
实体衰退,说明虚拟行业将上升
27. 杀虫水 2019-10-29 23:50:38
美心,360,中资企业可以请失业人仕做赏金猎人,成功每捉一个暴徒可收一万几千,不一定用武力,可以跟踪录影搜集证据之后警察拘捕,重赏之下必有勇夫,可以减低失业率
28. 望东楼 2019-10-30 19:40:28
我讲嘅唔系食肆,祥兴唔做夜市,影响有限,其他食肆就天堂与地狱共存。