|
1. 引刀一快 2019-06-11 13:09:42
|
引渡条例对大湾区发展不利，好多少接触大陆嘅新一代，可能出於恐惧，干脆唔返大陆发展，怕一个唔觉意成为引渡目标，唔返去就省心。
|
|
2. 贵公子 2019-06-11 16:55:46
|
始终大陆的法律乱来的, 原告除时可以变被告, 最怕唔好彩遇著假公安拉人封铺, 到时俾美国有藉口取消香港关系法, 搞到中共偷鸡唔到蚀渣米, 唔衰攞黎衰!
|
|
3. 不要老眼光睇祖国 2019-06-11 19:54:51
|
中国大陆10几亿人口都行大陆法律，他们也生活得好好。不要用老眼光睇祖国。
|
|
4. 路过 2019-06-12 02:09:58
|
其实大部份年青人怨气真系因为送中条例，又或者大陆干预咩？其实就系年青人睇唔到前景，不断想推倒政府重来，根源根本就系利益倾斜，试问香港读书有用咩，够炒楼有用咩？政府官员全部起码几层楼揸手，将心比己我真系唔觉得佢地有心解决房屋问题，系解决都等佢地上哂岸先，所以送中条例只系起爆点，根本唔系问题既根本，大家继续买爆楼市啦，香港将来只会有房地产一个产业，我系系香港一个默默耕耘既创意媒体工作者，如果依个论坛真系有政府官员睇到，你要明白年青人既怨气比你地想像中大，已经系临界点，今日送中条例咁清晰都已经可以动员咁多年青暴徒，我相信下次再冇类似就一定见血收场，大家继续贪婪啦，你地将来一定穷得只剩下楼，博士长期读者上
|
|
5. 贵公子 2019-06-12 08:06:33
|
To 4楼 其实香港已经系一个好地方，基本上失业率低到几乎全民就业，如果和新加坡比较，自由言论好多了，年青人可以系网上对领导者指指点点。楼市方面：早年有物业者都尝试过97的负资产，有些还要搞到破产收场；年轻人不要单单为了几百尺而不满，仍有大把机会上车买楼，首先系做好自己，每个年代都有每个年代既困难。
|
|
6. Zeitgeist 2019-06-12 08:53:17
|
To: 4楼 路过人士 2019年前，上天降下ㄧ个救世主，人类点反应？将衪送上十字架。 1997年，上面叫董建华做特首，董生话香港地产太贵，起85000，话香港产业太集中，做中药港数码港，港人点反应？500,000人上街叫佢落台。 有人话: 历史是重复的，其实社会各样条件不ㄧ样，怎可能重复呢？是因为人类愚昧无知是无改变过，惰性是天性，姓赖是天下第一大姓，所以物转星移，又重复历史罗！ 今日的年青人怨气，话无前景，话制度不公，要敢教日月换新天，可敬，可敬。 但搞革命，睇吓共产党搞革命历史，自问学识，能力，牺牲精神，坚忍不拔性格，通通都不及他们百份ㄧ，只怕出师未捷身先....... 既然无胆又无料，不如谂吓其他方法？ 1. 学多些，天道酬勤，将相本无种，男儿当自强，学到华为的备胎固然好，学唔到就增加自己本业的能力罗！ 2. 抽吓"民怨"水，人性贪婪无限，民怨长有，可以长做长有，出书写稿做埋Talk Show. 3. If you can't beat them, join them. 唔使自命高清住，先加入炒卖行列，发咗达才立品。 4. 跟国策走，ㄧ带一路，大湾区，雄安新区，东北改造，远嘅去中东非洲，乱嘅去敍利亚黎巴嫩，百业待兴，人地话危机，你睇是商机。男儿志在4方，何必被689, 777烦心呢？ 马克思讲: 人类至今的历史，就是ㄧ部阶级斗争的歴史。1997-2003是有楼是负资产对通缩揸现金斗争的歴史，2003-现在是有楼才是王道对揸现金日日缩斗争的歴史。 By The Way，即使有大动乱，大革命，笑到最后仍是强者，不是搞暴乱的后生仔，睇吓2003年后最发的地产商是如何越做越强就知----低潮补地价，补土地储备，人地是进可攻，退可守。后生仔只有前无后，点够玩啊？
|
|
7. 十一哥 2019-06-12 09:16:58
|
4楼讲咗触媒要点、正苦助长虚拟财富发酵、已经冇得返转头、唔止惰后嘅发茅…实体经营者都绝望、由懵懂呢个庸才开始…卖公产、已经绝咗社会经脉、专注公营房屋供应…系唯一出路、私营市场…玩者自负…冇洗为政者担心、只要公营不能私卖就冇问题。
|
|
8. 触媒要点 2019-06-12 09:56:43
|
唔系咁嘅，上次响老陈度讲左啦，现代制度会加剧人民对政权的依赖，食唔饱着唔暖要抵赖，冇人工加更加会手软脚软，除非好似老美咁，一个月唔出粮已经要借贵利，财长都叫你去借。在外国，税重，生活成本重，指的是要人招呼你果啲，但自己煮自力更生则便宜，这些国民沉淀精神培养是香港没有的，当然老董老松昏姨哩啲新时代冇掩鸡笼派响另一方面居功至伟殊堪加许啦。
|
|
9. 十一哥 2019-06-12 10:02:59
|
6楼 人一定要当自强、思维会跟时空生活条件而改变、上咗岸就觉得风光明媚、比咗下一代冇压力下成长、11-2岁独处家中…父母都算犯法、成长后就觉得社会照顾佢地系理所当然、人…性格就如信仰…成型就难改、玩革命就系传教士…鼓动利用年青人有专业嘅究研。
|
|
10. 人一定要当自强 2019-06-12 10:33:59
|
一个地方和平发展地价自然贵, 日日打仗嘅地方就算你点自强无从发展地价自然平, 本讲响贪曾治下咩都冇做过, 然后积重难返。
|
|
11. 舍神 2019-06-12 11:16:26
|
|
|
12. 自愿守护罪犯 2019-06-12 11:19:39
|
想不到香港有这么多人自愿守护罪犯，还说是守护香港。
|
|
13. 是没有好结果! 2019-06-12 11:25:42
|
由 03 过左 16 年, 穷日子富日子都过唔到, 对阿爷黎讲已经冇任何藉口。
|
|
14. ＷＷＳＧ 2019-06-12 14:45:47
|
今日文汇报有介绍逃犯条例执行和不包括事项细节,比其他传媒一味渲染白色恐怖强.
|
|
15. 路过 2019-06-12 15:54:42
|
To 贵公子 我当然知道香港系好地方，但我都系重申依家系严重利益倾斜，由我细个听到依家都仲有围标，合谋竞价条例都系做几年先有，十几年咁长时间政府既官员都谂唔到任何方法，启德我细个时候听会起无烟城，成日幻想大个左启德系我将来大左既时候会有一个全亚洲第一既无烟城，但到今日仲系一块烂地，建筑商大判三判二判系香港咁耐，依然系无制度保障到工人有汗出有粮出，二判走数大判二判都系轻罚，发展商可以屯地，自己买自己楼托市，起纳米楼，数都数唔哂，仲要唔系一年两年既事，都无任何方法可以解决依啲问题，十几年啦，唔系十几日，咁你话我知政府里面既官员究竟每日系做紧啲咩紧要野而至无办法解决依啲问题？可唔可以公开负责房屋问题既官员公开自己以及家族有房产系手？仲适唔适合制定房屋政策？依个最多水位既职位我认为应该严密监察。我再重申系十几年啦，仲要等多几多个十几年，我唔想我既行业系香港撤底消失，你可以同我讲唔满意咪走罗，我可以同你讲唔驶你讲我认识好多叻既人已经走左，去台湾，加拿大，日本.... 我地依个行业既人系全球都有需球的，所以唔好讲咩唔满意就走，我唔走系因为唔想我爱既地方将来连依个行业都永远消失，好似曾经辉煌既制衣业. 历史系不断重覆的，人既贪婪亦系无止境的, 赚钱系无错的，但依家利益完全倾则埋一边，去到大到不能倒，但政府官员都仲系一种慢慢黎唔驶急既心态，因为佢地知就算出面环境几差都好，佢地都有粮出，政策几差都好，佢地都唔会有事，试问系依种制度下，究竟有边个咁傻系会去制定新政策，依啲种种原因先系令到年青人绝望既原因，利益倾斜
|
|
16. 今日文汇报有介绍 2019-06-12 15:58:42
|
介绍俾边个睇? 特衰政府响等退休嘅过程里面成日谘询啲所谓持份者, 其实系啲自以为有啦能的人, 谘谘吓佢地以为自己真系受害人。
|
|
17. 路过 2019-06-12 16:48:43
|
To 6楼 其实唔驶你讲，我地做电脑动画既将来都会要去大湾区发展，创意媒体系深圳系有实质支持的，只系无人会系香港讲，香港最叻做左咩，由曾特首搞出黎既数码港x贝沙湾项目，入到去你就知关咩创意媒体事？根本就系地产项目，国内做依啲项目，系一个园区咁做，集中埋一齐搞，香港系你同我讲我咪应酬下你罗，但我本业都系地产
|
|
18. 路过 2019-06-12 17:07:32
|
利益倾斜系你系其他行业做足18个钟，都唔够地产商做3个钟，你可以话正常，但我唔觉系因为能力高低所得出既结果，以系人为做成，系有政府工作速度超慢，里应外合加持的, 依啲野年青人系见到架，但又吹佢地唔胀咪搞大佢罗
|
|
19. 依啲野年青人系见到架 2019-06-12 17:19:28
|
年青人应该问吓自己父母有冇既得利益者, 有冇视光师, 有冇收租, 有冇呃公屋, 等等
|
|
20. 画公仔做足18个钟，都唔够地产商做3个钟 2019-06-12 17:55:10
|
认真啲讲, 其实哩度有几个问题, 第一系美元放弃金本位后滥发, 而由金融财俊搞出黎的老美房利美房贷美稻草人爆煲卷铺盖继而更滥发, 所以要追究的应该是帝犹的金融财俊逐利之下搞到你, 第二系社会天下太平其实赚钱系易左虽然钱不是好使左, 咁哩样我唔知系好定系坏, 因为冇大学读嘅时候大家怨冇大学读, 到人人有得读嘅时候就怨自己点解冇得脱颖而出, 咁你当初都唔系求哩样, 第三则是冇几耐(可能冇廿年)之前卖老翻 $40 只好好赚, 但后来发现卖正版 $10 只仲好赚, 不过可能因为太好赚, 港产片已经冇左了, 起马不是以前你倦恋果个艺术创作蓬勃果个时代咁好. 是耶, 非耶...
|
|
21. 路过 2019-06-12 18:15:35
|
To 20 同市场无关系，我做紧好多都系外国同国内电影，系政府政策问题，打个比方流浪地球有部份拎左去欧洲个边做，特技公司觉得系一个好既特技片，去左问政府攞补助，出黎效果先咁好，本身套戏预算系唔够拎去欧洲做的，香港系俾旧钱出黎，以后一班职业写计划书既人就系咁呃政府钱，根本就对行业毫毛帮助，相比地产既倾斜，简直系九牛一毛
|
|
22. 系咁呃政府钱 2019-06-12 21:06:12
|
文官统治就系咁，个个睇 report 唔理实事，英式制度下将啲野 standardized 因为咁最易过日辰，食老本积惰难返今时今日已经无力开发啲乜嘢。
|
|
23. 路过 2019-06-13 00:19:13
|
To 22 我可以讲今次既暴动好明显系市民对政府官员无能既一次大爆发，官员再唔自我检讨，应该好快会引发新一轮既大爆发，同议员无关，系官员
|
|
24. 吹胀 2019-06-13 00:41:13
|
澳门向横琴借地， 香港都可以问阿爷借地， 但系香港班后生接受咩？ 同埋要分清楚 ，银纸贬值定系楼价升值？ 香港就系得地产？ 之前有几多官员，有心人士极力争取香港系一带一路同大湾区，香港定位做一个 契约中心 ，仲裁中心， 修订逃犯条例过唔到， 即系代表 冇政治互信， 香港啲律师，法官，开口埋口都话大陆啲证据假， 人证假，乜都假， 到时咪单单案都系大陆输？ 咁阿爷点会将个仲裁中心摆喺香港呀？ 以后你班律师，法官，告嚟告去咪都系嗰啲 掟三文治，抢手机， 钉书机钉大髀嘅 案件罗！ 迟啲到咗中国5G 时代来临 ，又搞一埸埸乜乜反监控 ， 反操控不被导航 ， 发誓保护G自由时代 斗争， 咁你话香港 点解 净系得地产？
|
|
25. 路过 2019-06-13 04:36:53
|
To 24 arm arm收工先见到你留言，其实依个问题系一开始大家都无咁抗拒大陆接管香港的，至少我眼见系，只不过回归以后阿爷信错一个又一个既人，采取无为以治既方法，董先生又生不逢时，又俾奸人所害，再加上曾特首当时既勾地减财赤法，孙公应记一功，今日每每都会想起佢既孙九招同埋开会训著既情景，睇住启德地皮开头憧憬会变成亚洲第一无烟城，后来晒足十几年太阳，你话无官商勾结真系无人信，睇住地产商一块块农地十几万收，依家卖4百几万一个单位，再起过高级会所，收你30几蚊尺管理费，再百几万卖个车位俾你，然后高官轻描淡写咁讲句，请业界自律，再加上礼顿，售楼不透明，都只罚50万，多到我都已经数唔到了，已经十几年了，如何叫人唔绝望，如何相信政府系正常？如何叫人唔买爆楼市？球证，球员，足总都系佢地既人，无得输既情况下边会有人会去投资行业? 所以香港问题既精结都依然系官员既无能
|
|
26. 路过 2019-06-13 04:44:42
|
如果真系有官员睇依个讨论区，希望你地真系早番个有良心既人，赚够就唔好再折磨香港啲后生仔，俾条生路行下，做番啲好事，唔驶退左休后日日求神拜佛原谅啦
|
|
27. 路过 2019-06-13 04:47:21
|
|
|
28. 引刀一快 2019-06-13 06:03:30
|
大陆同香港借地就唔接受，大陆借地俾香港，有便宜唔驶洗颈，边个会唔接受呢？就算借块沙地你玩下泥沙，都系好嘅。 问题重点，依家若果俾香港飞地的话，无论里面夹杂几多泥沙，香港人应该𠼱饭应，系咪真系俾块地香港发展先？t25p
|
|
29. 路过 2019-06-13 15:06:10
|
|
|
30. sorry 2019-06-13 15:29:46
|
唔驶 sorry，阿快会提议你开番个 account，不过个名啲字是蓝色，不是黄色的。
|
|
31. 路过 2019-06-13 17:02:54
|
To 30 其实分咩颜色呢，有啲人就特登想我地分颜色，我系香港人，就系咁简单
|
|
32. To 31 2019-06-13 17:25:32
|
英式幽默就系咁，大家疾嚟疾去，但不会捅破那张纸，有了这种技能才好去参与政治，这是中国人和香港人很难学上手的。
|
|
App下载
