昨晚与客人食古老粤菜,包括一度大家现在很少食到的猪脑鱼云羹,席间,客人问我,德国佬有冇搞错,虽然是搞联合政府,但都唔使搵识弹唔识赞的绿党党员做外长以及经济部长,尤其是那位女外长,政治素人一名,在出任外长之前是儿童教育家,仲话没有经验就是最好的经验,现在搞到同中国反哂面,都唔知点样收科。
我同客人讲,这是前任女首相默克尔留下的锦囊,这招叫釜底抽薪之计,在我初出道时,每次倾妥生意,都会被一些老臣子弹,后来,当有老臣子弹我,老板立刻将project 交俾佢,做唔掂再叫我接手,以后,无论我做成点,老臣子都唔会弹我。
默克尔知道绿党识弹唔识做,於是将两个对外位置交俾绿党,结果一定搞到一镬粥,最后由总理执手尾,绿党就唔敢弹,这就是釜底抽薪之计。