有老友是超级蓝C,不但撑政府,而且做埋一些无无谓谓公职,博日后可以得到一个荷兰水盖,近日佢问我有冇打疫苗,我话打了第一针,佢话唔打,最多唔去旅行,唔去餐厅食饭,因为佢担心有副作用,我话现在打疫苗的死亡率只有正常的5%,基本上打好过唔打,蓝C老友坚持唔打,仲话唔打又冇人知。
我问如果政府俾一个荷兰水盖佢,会唔会打疫苗,答案是一定会,老友可能唔知道,政府颁荷兰水盖之前一定会做尽职审查,作奸犯科一定唔得,但如果发觉被审查的人竟然冇打疫苗,试问政府又点会颁发水盖给那些人,所以,既然做得蓝C就要做得彻底一些,唔好表面上支持政府,但行动上采取不配合态度,中央政府最憎的就是那些打著红旗反红旗的人,老友听完之后冇哂表情。
上一则:
下一则:
Javascript must be enabled to use this form.
敬请留言者自律。本网站保留删除/堵截任何留言的权利。