地产博客 > 文亮语 返回
浏览人次:20021    回应:18
文亮语

闹翻之后再求人,比死更难受

 

汤文亮博士

纪惠集团行政总裁
2020年3月28日

  小时候见到家母同其他大妈闹交,在收场时,其他大妈会叫家母有事唔好求她们,即使是举手之劳都唔会帮,家母反而会话有事一定要搵佢,家母一定会帮,几困难都帮,很多人不明白点解家母要帮一个讲明唔肯帮佢的人,其实,家母帮唔帮就是以后的事,但即时赢了口碑,而且,家母没有讲大话,她的确帮了很多曾经闹翻的人,但千祈唔好以为家母心地善良,不记前嫌,而是她知道,闹翻之后要求人,比死更难受,接受那人帮忙,比死更难受x2。

  网上传丹麦女首相委要求中国帮助丹麦抗疫,大多数网民话抵死,千祈唔好帮丹麦,因为丹麦曾经恶搞中国国旗,将五粒新冠病毒代替五粒星,仲话是言论自由,我认为这是千载难逢机会,一定要帮丹麦,而且要做得比其他国家更好,这个动作除了向全世界展示中国人的胸襟之外,还会令到丹麦人比死更难受,女首相当然不用说,以后会比较谨言,就算中国唔帮,丹麦亦很容易从其他国家买到抗疫用品,以后,丹麦人更加仇视中国,帮唔帮就视乎中国以后要一个朋友或者一个敌人。

 
 
我要回应
我的称呼
回应 / 意见
验证文字
 
回应 / 留言规则
  1. 禁止撰写粗言秽语、诽谤、渲染色情暴力或人身攻击的言论;
  2. 禁止以名称/昵称/绰号/同音字等批评或映射任何人士、机构、公司;
  3. 禁止发布有关招聘、推销、广告等内容;
  4. 禁止公开任何个人资料(如电话号码、电邮地址、即时通讯帐号等)。

敬请留言者自律。本网站保留删除/堵截任何留言的权利。

会员登入
登入ID 或 网名
密码
1. 云在青天水在瓶 2020-03-28 11:15:46
敞开胸襟,以德报怨,化敌为友
2. Fisherman 2020-03-28 12:57:42
自鸦片战争以还,西方人包括日本人眼里中国人都是病夫,从来看不起,任我鱼肉。中国再次强大掘起,外国人满心不是味儿,嘴里说不得,肚里駡娘。间中有啲大嘴巴,说过了头,就用言论自由这块遮羞布,蒙混过去。白人包括日本人二百年来歧视中国人,已经深植在DNA里,改也改不了。而中国人从来都不会歧视外族,只会窝里斗,岐视唔同同省市,唔同方言嘅自己人。
3. 123321 2020-03-28 13:10:11
博士太仁厚

人要面 政客没面没皮 

望下本地政棍 反口覆舌 双重标准

物资中国产占大部分 佢要买其他 同转手货 唔容易

蓝罐曲奇今次帮佢 下次又已经换左人 白眼狼边会记得你帮过佢

但帮一定要帮

但系点帮就要有技巧

援助佢既物资 一定要顶级 有咁靓俾咁靓 废时俾毒媒体 做文章

不过一定要量少

即系饥荒要百万人粮食 唔送百万人份大米 送万人份 A5和牛 鱼子酱

有人既地方 就有权贵阶级 如果物资短缺下 仲有人唔生性伸手 咁就有野睇

不过份量要小心斟酌 太少权贵唔敢伸手 太多伸左手都唔觉

做完人情 之后买包花生等睇戏先系上策
4. Alan Pepper 2020-03-28 13:24:46
👍👍💪💪💪
5. 十一哥 2020-03-28 14:00:28
唔好比面子笠住自己、打摊对手…唔追杀…已经当你系菩萨、天下经文教义…都系凭威权以载道嘅 !

6. MT 2020-03-28 14:18:30
我唔记愁,但记性好,对我不好的不会忘记,无能力时唯有哑忍,有能力时我不报复,但不要旨望我以德报怨
7. 十一哥 2020-03-28 14:21:29
理得阿爷啱唔啱…总之阿爷得…我地就唔会失、呢点美帝子民参透哂…所以内心好喜欢侵侵㗎。
输咗…讲嘢冇人理、赢咗..先可以他他条陈述大道理、强国强民嘅秘笈…要学 !
8. 正气 2020-03-28 14:29:36
08年年,中国帮美国,结果换来什么?宜将剩勇追穷寇,不可沽名学霸王
9. 八十后小虫 2020-03-28 15:18:48
小虫唔认同表面帮人但暗地里耍小心眼

以德报怨太难,做人能心安理得已经可以,处理国际关系也一样

10. 十郎 2020-03-28 16:45:03


     现在不是耍“以德报怨”的时候 , 是致敌死命的时候。

      关德兴原谅石坚转身走的时候 , 石坚就跃起突袭黄飞鸿 , (石坚真人是好人真君子 , 做戏扮奸人非常出色)。鬼佬一样有呢种人 , 独行侠转身一样给人突袭。山姆大叔的icon是一个戴美旗高帽鹰鼻样子的男巫。这一次一定要见真章 , 系你死我亡之战 , 是永不翻身之战。


11. 元朗真香港人 2020-03-28 17:55:44
话到嘴边留半句,理到是处让三分。

西人所谓言论自由,而家的西毒……耶教国度。

只有黑与白,冇灰色。

咁多国家求助,点都朋友国先啦。

单袜难受? 亦或双袜难受? 

都唔关天朝的事。 

当天巴基斯坦倾全国口罩帮助我地。

以德报怨,何以报德?

08年帮完isa美国,又点对我地?

!!!白人的字典缺了感恩两个字。
12. 十一哥 2020-03-28 18:10:04
国际关系冇得…心安、理得..就要睇打唔打得、只要强而不欺霸足矣 !

13. 超级通涨 2020-03-28 20:46:45
全球生产停顿,产出跌了一大半,但美帝却在大开水喉,提供所谓无限流动性,货少而币多,最终必然形成超级通涨,并会把美国金融瘟疫输出全世界。所谓My dollar, your problem! 

香港平均楼价冲上$5万元一尺的时代快出现。
14. 引刀一快 2020-03-28 21:43:03
下一步会出现嘅问题,系疫苗。

打又死唔打又死。
15. 引刀一快 2020-03-28 21:50:48
博士妈咪果个年代嘅社会,人总算有番个人样,今日社会,闹翻之后再求你,然后再闹翻,呢种人多的是,求你佢唔难受,你肯帮佢就以为人地傻嘅。

如果去帮一个闹翻之后再闹翻嘅人,然后一个唔好彩有事求返佢,难受X50。


16. 小明 2020-03-28 23:28:47
是否认为要帮一个和你不和的人,是一个价值观的问题,好多人都会先决定立场,再找理由(或藉口)去支持自己选定的立场,因此同意就同意,不同意就不同意,而明显地,照动物的直觉、自然反应,是应该食花生的。但,人之所谓人,是应该战胜自己的冲动反应的。因此,我同意博士所言,高明一些吧。
18. 真真薯片 2020-03-29 13:07:32
闹翻后帮人,心入面既目的系想令人比死更难受,呢种做法,真系有少少计得太尽………

人算不如天算,山水有相逢,你今日令人地比死更难受,心里暗喜,仲要周围同人讲,万一将来有事要求返人,真系难受*N倍

另外,我尝试搵非中文既丹麦女首相求中国帮忙既新闻,但系我搵唔到
19. 引刀一快 2020-03-29 14:31:44
真真薯片兄

依家已经开始有产能过剩嘅迹象,口罩有货快快放,唔系到时唔知边个求边个。