今日是7月最后一日,今年浑浑噩噩已经过了7个月,都唔知道做过乜嘢事,总之日过日。政府早两日禁堂食,发觉行唔通,立刻取消禁令。林郑应变速度之快,大家反而唔觉得是真实。如果政府在两三个星期后才考虑取消,反而会觉得这才是香港政府处理方法。不过无论如何,政府总算听下市民心声,唔系只听专家的意见,专家的意见其实很简单直接,就是乜都禁,大家唔准出街,全部WFH,病毒自然会消失。大家会认为专家的说话是真实的,其实是谎言,因为做唔到,最多只能话专家所讲的是真实谎言。
有国内老友话佢去年买的新楼,最近地产商大幅减价三成,佢当然唔开心,立刻问替他促成交易那位物业代理。答案是楼价始终会回升,有买贵,冇买错,现在只是暂时失利。老友听完始终觉得有买贵冇买错是有多少唔妥,但又讲唔出是什么唔妥,於是问我那位物业代理有没有讲错。
老友可能唔知道,我有好多物业代理老友。真的唔想讲坏话,大家都是搵食,况且减价是地产商而非物业代理,於是话那位物业代理所讲的是真实谎言。有买贵是真实,冇买错是谎言。老友亦明白,牛唔饮水唔揿得牛头低,最终都是由他自己做决定,唯有苦笑。
有年轻女朋友最近甩拖,宣布与男友分手。她相当不忿气对其他朋友话前度当日追佢时话会爱佢一生一世,此至不渝,唔会有第二个女朋友,都未够半年,已经同第二个女仔约会。佢话前度系大话精,其实,所有女仔都知道,所有男仔都是大话精。不过,男仔话爱女仔一生一世的时候是讲真实说话。不过,最后做唔到,但不能够话男仔讲大话,最多只能话他们讲的是真实谎言。