地产博客 > 文亮言 返回
浏览人次:19800    回应:11
文亮言

英首相BJ应立刻结婚

 

汤文亮博士

纪惠集团行政总裁
2020年4月9日

  很多年前,有同学老婆得了顽疾,知道不久於人世。当时同学的确很伤心,但亦很现实,担心以后冇机会追到女仔,要孤零零过一世,问我有冇计。我话赚钱我就唔叻,不过旁门左道都可以见得下人,以后是否能够追到女仔就要睇佢点样对老婆。从今开始,以后对老婆要晨昏定醒,百般迁就。当佢老婆过身之后,其他女士见到他的真诚,必定深受感动,届时好似食自助餐一样,任拣。但到最后,我唔知道这个方法行唔行得通。因为佢老婆畀同学真诚感动,唔舍得离开,到现在仍然非常恩爱。

  新冠疫情肆虐全世界,英国首相BJ提倡群体免疫。他认为如果有六成市民得到抗体,全国人民就会免疫,但这个方法要死很多人,国民要有失去至爱的心理准备。今次真的是好嘅唔灵丑嘅灵,提倡群体免疫的BJ竟然确诊,而且在没有理会之下,情况愈来愈坏,最后竟然要入lCU,是否能够康复是未知之数,有人话今次真的是作法自毙。

  其实不能怪BJ,因为他知道英国医疗系统冇可能承受今次新冠肺炎患者的数量,提出群体免疫亦是无办法之中办法,最低限度会令一班在英国读书学生打道回府,起码可以舒缓一下医疗压力。老友问什么是群体免疫。其实,如果懂得下围棋,就知道什么是群体免疫。唔懂得亦唔紧要,群体免疫是隔离的一种方法,不过就以活人做隔离,活人唔死,就变成一道屏障,阻止病毒扩散。其实是很残忍,残忍在唔死两个字,因为一定要死很多人才搵到唔死的人做屏障。老实说,我亦非常佩服英国佬,咁残忍的主意可以搵到咁优美的词语,以血肉之躯来抵抗病毒,我就会叫血肉长城。

  老友话如果BJ有乜三长两短,英国是否会踢哂脚。一定唔会,英国在管治方面上哂轨道,BJ唔掂,外相顶上,少少问题都没有。不过BJ那位已有身孕的未婚妻就惨啦。所以,即使BJlCU都应该立刻与他的未婚妻结婚,倘若有乜依郁,他的未婚妻就变成遗孀,连同BJ的未出世小孩亦可以享有已故首相的福利。如果唔结婚,她们就是寡妇孤儿,而全英国人民见到BJ如此有情有义,下一任首相都唔使选,一定由佢继续做,如果唔瓜的话。

 

 
 
我要回应
我的称呼
回应 / 意见
验证文字
 
回应 / 留言规则
  1. 禁止撰写粗言秽语、诽谤、渲染色情暴力或人身攻击的言论;
  2. 禁止以名称/昵称/绰号/同音字等批评或映射任何人士、机构、公司;
  3. 禁止发布有关招聘、推销、广告等内容;
  4. 禁止公开任何个人资料(如电话号码、电邮地址、即时通讯帐号等)。

敬请留言者自律。本网站保留删除/堵截任何留言的权利。

会员登入
登入ID 或 网名
密码
1. 长期读者 2020-04-09 10:50:45
我谂系最近睇大酱园嘅结婚冲喜,或者救得返当事人😂
2. Fisherman 2020-04-09 11:48:24
英殖时代,有一单身公务员患重病即将离世前,与一素不相识的年轻女子结婚。根据英殖规定,公务员遗孀可领取相当丰厚的抚恤金。
3. 真真薯片 2020-04-09 14:28:43
BJ搞成咁,突显英国情报系统唔惦,而BJ本人既判断都唔惦,好多领袖都公开讲冇事冇事,唔洗担心,但私底下系极度小心,只有BJ一个原来系真心,真系以为冇事,on9既程度简直可以写入历史
4. 引刀一快 2020-04-09 15:19:30
不如阴谋论一下,BJ有冇可能系诈病呢?
一招苦肉计,世界关注,各国人心惶惶,病榻之下发动追索潮,中国亦唔好意思同病人硬拼。当BJ再出关之后,可以以复仇者姿态出击,理所当然对中国强硬。

阴谋论咋。
5. BJ到极致 2020-04-09 17:44:45
BJ先诈病,然后诈死,然后下个礼拜复活节后宣布复活,带领一班英国肺炎僵尸向中国寻仇,认真震撼。好彩我地有僵尸先生。
6. 十郎 2020-04-09 19:23:11


      BJ条肺痨鬼边有咁叻识得诈病 , 国之将亡 , 必生肺痨。给台湾叫做黑鬼的世卫秘书 , 够胆小7特朗普 , 现在中国才是大哥。

7. 鸟5 2020-04-09 20:04:23
刀兄,高章!睇5到坏影向!只有好几多!不过真系要好好戏!要核心几个人保守秘密!难道唔高!不过暂时睇唔到系事实!
8. 鸟5 2020-04-09 20:05:54
死六七千人。要交代国民,又要团结国民!有啲难度㗎!
9. 鸟5 2020-04-09 20:10:55
自己都病埋!等同向受伤害国民,身受同感!团结国民,容易处理!上下一心!政治家perfect Good Show!我嘅角度!叻仔!
10. 鸟5 2020-04-09 20:16:53
Bj以后中美欧,以英国特别政治角式,寻找空间!其实比较欧盟!咁多包袱!容易好多!英国最大对手!未来五年其实系欧盟,唔系中国!
11. 引刀一快 2020-04-10 06:52:29
鸟5兄

王子病咗,关注度冇BJ三分一,英女皇危危乎,肯定吊住全国老百姓心肝。
佢一话病,冇耐就开始传普京,九成有样学样喇。