地产博客 > 文亮言 返回
浏览人次:23189    回应:27
文亮言

股楼跌市三部曲

 

汤文亮博士

纪惠集团行政总裁
2020年3月25日

  有老友问现在股市楼市都是受到新冠肺炎疫情影响,楼价股价都不断下跌。究竟股市楼市现在是熊一、熊二抑或熊三?我直言话唔识,但我睇股楼跌市与一般评论员不相同,我将跌市分为三部曲。

  股市在下跌了一段时间之后,首先跌到大家唔信,不过又会踊跃入市。因为大部份股票股价已经跌很多,有人因见猎心喜,亦有人以沟淡的心态入市。由於太多人入市,股市是会作出适当反弹。我认为这是跌市第一阶段。不过,亦会有人认为这是牛市未完,下跌只是给予投资者入货机会。在这阶段,由於入市的人只是采取小注怡情策略,投资者的获利抑或损失都是有一个限度,令到大家都察觉不到这是跌市第一阶段。

  股市继续下跌,进入第二阶段。这个阶段有一个特色,就是跌到投资者心惊胆颤。即是见到股价跌到残, PE高到唔合理,但仍然不敢入市,而且仲有很多不入市的理由,例如有很多债务违约,基金不能赎回的个案尚未出现。无论是什么理由,总之唔够胆入市,我相信现在就是处於这个阶段。

  第三个阶段不是经常出现,股市对上一次是2008年环球金融海啸期间,而楼市则是2003年沙士的时间。特色是不但跌到大家不敢买股票,而是在没有迫切性的情况下,卖走手上股票或者楼宇,甚至连在跌市第一阶段买入的股票都会卖走,而卖走的理由很简单,就是股价会继续下跌。不过大家不用担心,现在股市只是处於第二阶段,还未到第三阶段。至於楼市,现在楼价稍为下跌已经有人入市,就算在疫情下新楼销售理想,而二手楼成交价亦不俗。我大胆讲,楼市现在处於跌市第一阶段。不过,大家千祈唔好误会,楼市会继续下跌,进入第二,甚至第三阶段。如果疫情在两三个月内消失,购买力重现,楼市未必会继续下跌,毕竟楼市被辣招及逆周期措施监管,要大跌亦不容易。

 
 
我要回应
我的称呼
回应 / 意见
验证文字
 
回应 / 留言规则
  1. 禁止撰写粗言秽语、诽谤、渲染色情暴力或人身攻击的言论;
  2. 禁止以名称/昵称/绰号/同音字等批评或映射任何人士、机构、公司;
  3. 禁止发布有关招聘、推销、广告等内容;
  4. 禁止公开任何个人资料(如电话号码、电邮地址、即时通讯帐号等)。

敬请留言者自律。本网站保留删除/堵截任何留言的权利。

会员登入
登入ID 或 网名
密码
1. 元朗真香港人 2020-03-25 10:31:26
股市有如一夜情,转身快,实有人接。

楼市有如结发妻,离婚都要搞几年。

自住楼,份工保唔住,冇收入,先至考虑卖。失业率升至20%, 睇下跌唔失足。

楼市前景仍是迷。
2. Stephen Wong 2020-03-25 10:41:34
的士牌价已跌破500万,有好多的士牌押系财仔度,唔知几时爆㷛?依家特更低至350,未计灯油火蜡,有2.55%。呢个回报,点冚财仔条数?
3. Frankie 718 2020-03-25 11:49:49
应该是PE "低" 到唔合理? 
4. 鸟5 2020-03-25 12:37:46
财仔D野年尾到!
5. 鸟5 2020-03-25 12:40:39
2F,香港啲财仔,好多可以选择,债跟人唔跟货。唔系美国。
6. 鸟5 2020-03-25 12:46:14
1F,唔使太过担心,失业率唔会去到2成。6一7O万失业?不过地球,每个国家轮流休克几个礼拜个半左右。4个月后可以番七八成生产力。
7. 鸟5 2020-03-25 12:48:49
大陆做咗一次demo比你睇㗎喇。。 
8. 鸟5 2020-03-25 12:53:56
Cash is King, HK实体下年年中到。在下上年中讲。未上车下年都唔好上车!
9. 鸟5 2020-03-25 12:59:25
不过而家啲香港人(特别未捱过),心态比上次脆弱。更加著重眼前价格。一旦发生巨变(眼前价格)。真系唔知佢哋顶唔顶得顺!
10. 做咗一次demo 2020-03-25 13:01:22
雀来哥, 阿爷 demo 好彻底, 仲出动医护兵, 外国动员能力无人能及, 所以唔系几个礼拜嘅事。
11. 鸟5 2020-03-25 13:06:30
今时今日,先问系唔系熊市?会唔会....Air......迟咗啲呢?
12. 鸟5 2020-03-25 13:18:18
股市(今年计)已经见底。在下已经上个礼拜All in.在下(超过18个月前)讲会见22500以下。。坐下继估不嬲十铺中八。。
13. 鸟5 2020-03-25 13:33:47
黄金上年年尾讲. 上年新高,今年新低。楼市上年新低今年新高。睇法冇变。黄金今年穿1800
14. 鸟5 2020-03-25 13:54:08
楼市股市,两个轮回周期,有同有不同。一个长一个短。唔好一厢情愿!当咗系一样。。载客嘅睇法
15. 十一哥 2020-03-25 13:58:19
时间较到啱啱好、春运先至嚟笃爆…点可能唔跪低揼牌 ! 美帝点计都计唔到阿爷咁架势..咁都溻唔低、唯有矛侵…先至可以顶到底。

16. 鸟5 2020-03-25 14:19:31
十一哥,如果从惊人国力去展示世界。坐下可以初步排一排。。韩战,08奥运,高铁,电子货币.军事.今次应该系排响.寒战之后.排二至排三之间。寒战为首。农业穷国,近附徒手,打赢16个联军(逼和)。。我嘅角度睇都系咁.. 战略上,赢几多。就睇下阿爷点样救地球。和平崛起超级大国。往后条路。好辨事。攻心上册,戈城策。。。有板有眼
17. 鸟5 2020-03-25 14:21:05
更正:攻心上策,佛成下册...
19. 鸟5 2020-03-25 14:28:41
D果时间几千兵主导救地球,效果:真系大於美军一个师兵力控制地球。今次美国真系书。。嚟紧g20开会,应该利好。。
20. 鸟5 2020-03-25 14:37:39
中日韩自贸区施咗十几年。嚟紧嗰几年,好事近!出年日本仔同大陆,会杯眉来眼去。。十一哥,我5讲,你都明!日本仔想搞个成功奥运振奋日本国民。顺水人情!亚爷会好醒水配合!
21. 鸟5 2020-03-25 14:46:57
亚爷今次战策层次,重高於(不战屈人兵)层次。
22. 鸟5 2020-03-25 14:50:25
不过香港而家搞成咁,畀人踢春。阿爷轻敌呀!冇得赖。。
23. 十一哥 2020-03-25 15:22:33
美帝立国以嚟、可能最震鷄就在当下、以前都系喺人地屋企开拖、输/赢肯散水…就唔会比人追杀到番屋企、大哥身份稳过鉄、而家条东方龙起..挟九天之势、美帝子民识计数…玩正路一定换位、敢冇差别冇限制出矛招先有生计、矛招…梗要揾个无赖最识使、傻侵捱多4年冇悬念。
24. 鸟5 2020-03-25 15:37:44
10F,呢个就系重点国力所在。美国要输。重点唔系技术。执行效率。确诊,死亡,医疗系统基础。超限时作赛
25. Isaac 2020-03-26 04:06:12
haha i think cash is king now .
26. 元朗真香港人 2020-03-26 09:09:03
鸟5兄,我都all in 盈富,吃了鷄糊。

前景不明,今生未见过的情形!  疫情控制不了…底?

白鬼自由即自私,隔离? Trump virus 是自由的terminator
27. Philip wong 2020-03-26 10:06:04
什么事都会有转机,罗氏药厂己经宣布制成预防疫苗,好快这个世界又回到灯红酒绿的曾经。
28. Philip wong 2020-03-26 11:01:55
罗氏药厂是试剂而已,不是疫苗,我还以为大家看到胜利的曙光,原来得个吉。