地产博客 > 文亮言 返回
浏览人次:5933    回应:23
文亮言
派钱对疫情有何帮助
 
汤文亮博士
纪惠集团行政总裁
2020年2月14日

有家境不俗的年轻人打算买楼,但唔够首期,希望他的父亲可以帮手,佢父亲话冇问题,以后每个会俾几万元给他。年轻人妈妈声,现在他是唔够首期,每个月俾几万元又有何作用,任何人知道这件事之后都话他的父亲不对,父说可以话唔帮手,但每个月俾几万,帮唔帮都没有分别。

我认为大家千祈唔好闹他的父亲,香港的政党亦会这样做,现在武汉疫情不断升温,令到香港经济受损,有政党提议每个市民派钱10,000元,这个做法与那位父亲又有何分别,我支持政府做任何抗疫活动,包括买口罩,医疗保护衣,包机接回滞留在湖北省武汉市的香港人,补偿有任何隔离营的社区居民,捐助武汉的医疗人员,但唔赞成政府派钱,每人派10,000元,如果大少都计就要700亿以上,再加上10亿8亿行政费,对疫情根本没有帮助,点解会有政党要求政府这样做。

我相信政府并不知道香港人缺什么,其实,香港人并不缺钱,甚至医疗药物、口罩等亦不缺,粮油食品更加不用担心,香港人最缺乏的是信心,大部分人对官员没有信心,在求人不如求己下,唯有靠自己买口罩、消毒药水、粮油食品等,如果政府能够令到市民信服,所有有关疫情的医疗用品全部不缺,比派钱更为实际,我唔怕老实讲,派钱救灾的确简单,不过,就话俾市民知道政府根本唔识得怎样救灾,派10,000元只不过塞住大家把口。

昨日早上,我相信大家都吓了一惊,湖北省的确认病例大幅增加,有某人话中央将临床诊断病例改为确诊病例,所以大幅增加。不过,香港是一个金融城市,这样的解释不是太多人明白,我认为情况好似一间银行,新接手的CEO会将不良贷款转为坏帐,以后就算有增长都不会太大,其实,官场也是一样,所以,上海市长勇接替蒋超良出任湖北省委书记,王忠林接替马国强出任武汉市委书记。

 
 
我要回应
我的称呼
回应 / 意见
验证文字
 
回应 / 留言规则
  1. 禁止撰写粗言秽语、诽谤、渲染色情暴力或人身攻击的言论;
  2. 禁止以名称/昵称/绰号/同音字等批评或映射任何人士、机构、公司;
  3. 禁止发布有关招聘、推销、广告等内容;
  4. 禁止公开任何个人资料(如电话号码、电邮地址、即时通讯帐号等)。

敬请留言者自律。本网站保留删除/堵截任何留言的权利。

会员登入
登入ID 或 网名
密码
1. Philip wong 2020-02-14 09:44:53
十分赞赏博士的讲法,事实上,将历史负累抛弃,更能轻装速行,也可不让有些人操作疫情的恐惧感,此后每天新确疹例骤降,大家都会看到希望。
2. 唔怕老实讲 2020-02-14 10:39:16
张献忠上演望梅止渴,真片哥吞唔落追杀张献忠,张献忠只好关门追杀 AO。
3. 真真薯片 2020-02-14 14:38:31
正苦对市面物资短短既态度系顺其自然,成日出黎讲话有货,唔好信谣言

香港人系超市已经两星期买唔好米,消毒药水同厕纸,眼见为实,买唔到系事实,有货先系谣言,请局长唔好再散播谣言话有货,信错局长既谣言可能要用A4纸大便
4. 鸟5 2020-02-14 15:55:15
要用A4纸 All's哈哈!
5. 鸟5 2020-02-14 15:56:29
真真兄,真系幽默。哈哈!
6. 十郎 2020-02-14 16:37:27


      超市冇长城牌咸牛肉 , 驶唔驶阿妈帮你买 ?

      有一个网友 , 成日怨冇口罩派 , 冇厠纸。E家太平盛世咩 ? 中国都要进口口罩、 防护服 , 唔帮手还怨阿妈。冇口罩就唔出街罗 , 中国2亿人做野 , 12亿人匿埋 , 用少好多口罩 , 国人无怨 , 合作无间 , 收声啦。


7. 十郎 2020-02-14 16:51:08


      乌鸦哥 , 我察觉到财叔开始惊咧 , 隔离被贴大字报 , 仲未喷红油。

8. 放一百个心 2020-02-14 16:54:58
大湾区已经变成发瘟区,大湾防疫能力不堪一击。以大陆体制的透明度,大湾发瘟是常态,也是常识。

平嘢冇好嘢,成日话大湾楼价吸引的,应该是发咗瘟。
9. 十郎 2020-02-14 17:17:52


      黄鼠狼向母鸡拜年。

      凸朗普愿向北韩伸出援手 , 北韩未有传染喎 , 北韩迟早有料。好野 , 哈哈哈哈哈哈。



10. 十郎 2020-02-14 18:40:56


      唔派钱 ? 记者会即刻派。还要迅速、简易添。如果公司结左业 , 想救都冇对象。


11. 大乡里 2020-02-14 19:08:12
笑话一则:

农夫养猪,

一天来了畜牧健康部人员,问农夫用乜养猪,农夫话用饲料养,人员话饲料有激素,罚款10万。

一星期后,来了动物权益部人员,问农夫用乜养猪,农夫话用厨余养,人员话农夫虐侍动物,罚款10万。

又一星期后,来了人权组织人员,问农夫用乜养猪,农夫话用鲍鱼,海参,鹅肝养,人员话农夫知不知多少人冇野食,你却浪费食物,罚款10万。

又一星期后,来了不知甚么人,问农夫用乜养猪,农夫答:我每天每只猪比100蚊,佢地钟意食乜,等佢自已买。




12. 鸟5 2020-02-14 19:21:22
十哥'我都系跟根据上一集97地产风云电视剧。咁样断估㗎咋。。不过如果啲大地商攞货要八厘。咁财仔攞货。抵押品扣除银行嗰部份嘅孖展。佢哋瓜先系好正常。。。5系神呀。不过根据丛林法则。有几多地方系草,就有几多地方系羊,又有几多系狮子老虎。。。咁样嘅生态罗。十哥,你又好啦甩晒身。。哈哈
13. 鸟5 2020-02-14 19:31:46
十哥你件货走先怕比人笑。。我第一个撑你。
14. 十郎 2020-02-14 20:35:50


      网上视频所见。不知真伪 , 真相自己找。

       1--------北X战时状态。

       2--------各省村与村之间 , 已经封村 , 每家可以派一人出外购物 , 或者列一张表 , 例如粉、面、菜、肉 , 交村委统一代购 , 每家派送。

       3--------街道上有红臂章 , 截查路人。

       4--------有人不载口罩或者违反隔离令 , 被街上的街坊追打。





15. 汤玛斯 2020-02-14 20:59:48
呢个三无政府真系无能、无脑、无心。应该特事特办第一时间叫香港驻各地办事处尽买当地口罩寄回香港,佢竟然搞投标。
买唔到口罩,应该用吓个脑,大量采购搓手液或酒精派给市民防疫!林郑可恨,佢嘅班子同样好唔掂!
16. 真真薯片 2020-02-14 23:21:42
400蚊盒口罩,1000蚊支酒精

正苦解决办法:派5000蚊比低收入家庭
17. 派5000蚊比低收入家庭 2020-02-15 00:05:37
如果你想做 AO , interview 真系应该咁答
19. 十郎 2020-02-15 14:30:56


      其实通涨已经静静驾临。

      过左年 , 因为受疫情 , 蔬菜涨价一倍 , 现在已经回落 , 猪肉鱼豆都有涨幅。我系煮饭公 , 留意到有好多酱料冇贵到 , 例如李X记的樽装酱料、豉油等 , 实际上系吾已开稀 , 用多左算唔算系涨价 ?

      我谂紧 , 饮食咁艰难 , 执左唔少 , 鱼旦粉会唔会减番到廿几蚊 ? 唔好笑 , 沙示都试过。减价做多左量 , 钱冇多 , 真系赚到辛苦。卖咖哩鱼旦都被人装修 , 装修工人应该好好景 , 睇样又唔系添。呢一煲全民找数 , 政府唔救就迟早“君体也相同” 。

20. 十郎 2020-02-15 16:32:43


      原来贴大字报追债 , 不是只针对欠债单位 , 隔离左右成层楼都贴 , 管理处报左警 , 映埋相才撕得。我门口都有。

21. 全民找数 2020-02-15 17:43:10
十哥,如果你负责找埋卡数,咁就 perfect 嘞。
通胀加上减薪同湿热,系唔系就系鸟哥所讲嘅滞胀呢?
22. 十郎 2020-02-15 18:48:55


      呢一排 , 鸟哥收钱收到滞左 , 只有佢一个人滞胀。


23. 一个人滞胀 2020-02-15 21:11:33
佢嗰啲叫产能过盛。
24. 十郎 2020-02-15 21:52:56


 
      
       https://youtu.be/6X2Nvx--k1U


       这样吧 , 轻松下 , 听支歌啦香港人。

      呢只歌 , 70年代谢贤嘉零失恋就会奏 , 本身唔系悲歌来嘅。我找左好耐 , 搵到的都不是当年的水准。直到呢只十足似 , 画面靓 , 最后谢幕的动作好迷人。