地产博客 > 文亮言 返回
浏览人次:20269    回应:29
文亮言

穆迪降级,皆因官员不懂得求分

 

汤文亮博士

纪惠集团行政总裁
2020年1月23日

  穆迪失惊无神将香港信贷评级下降一级,本来已经够惨,但屋漏兼逢夜雨,武汉肺炎极速扩散。当香港还未有确认个案时,仍然令恒生指数下跌超过800点。我不敢肯定股市大跌与武汉肺炎有没有关连,但肯定与穆迪将香港信贷评级下调有关。

  有老友问点解穆迪在香港最困难的时候将信贷评级下调,这样做有点雪上加霜味道。我话鬼佬做嘢有自己一套,我们不会明白。不过,今次穆迪将香港信贷评级下调,纯粹是我们的官员太叻,由上至特首,下至司局级官员,每一位都是才子才女,尤其是特首,考第二都瞓唔著。不过,如果我考第二,一样瞓唔著,是兴奋到瞓唔著。所以,我认为所有官员都不懂做一件事,就是在读书时向老师求分,这是穆迪今次将香港信贷评级调低的主要原因。

  我又唔同,由细到大,每一次升班都要见几位老师,左求右求才可以升班。我对老师说,如果我升唔到班,我老母会用一碌柴打我,用棍还好,用柴有倒刺,跟打藤差不多,老师大多数心软。我呃下呃下,又可以呃到中学毕业。记得上一次穆迪将香港信贷评级下调,我们的官员没有自我检讨,又没有承认责任,只是话穆迪以及其他的评级机构没有理由,唔应该调低香港信贷评级。我见到香港官员唔识得求分,就知道穆迪会继续出手。不过大家又不用担心,今次应该是最后一次,因为已经低无可低。再降一级就会与中国同级,到那时候,世人注意力并不是香港,而是集中在中国,与香港的信贷评级一样,无形中益了中国,穆迪是不会做。如果社运缓和,疫情受控制,甚至会将香港信贷评级提升。不过,亦要我们的官员愿意配合,如果仍然话穆迪将信贷评级下调对香港没有影响,真的是大吉利是。

  今次特首可能知道剧情需要,苦瓜干口脸话穆迪将香港信贷评级下调令香港人好惨。首先利息会上升,继而大公司的营运成本会加重,最后亦会转嫁到小市民,同时重申政府会努力维持社会稳定,言下之意希望穆迪考虑调高香港信贷评级。特首这样说我不知道有没有效,但如果仍然话穆迪冇理由调低香港信贷评级,就不要奢望穆迪会将香港信贷评级调高。

 
 
我要回应
我的称呼
回应 / 意见
验证文字
 
回应 / 留言规则
  1. 禁止撰写粗言秽语、诽谤、渲染色情暴力或人身攻击的言论;
  2. 禁止以名称/昵称/绰号/同音字等批评或映射任何人士、机构、公司;
  3. 禁止发布有关招聘、推销、广告等内容;
  4. 禁止公开任何个人资料(如电话号码、电邮地址、即时通讯帐号等)。

敬请留言者自律。本网站保留删除/堵截任何留言的权利。

会员登入
登入ID 或 网名
密码
1. 十一哥 2020-01-23 12:17:54
雀仔  非战之罪、毛泽东话斋…人嘅操弄决定…战争胜负…

2. 真真薯片 2020-01-23 12:20:25
香港d高官大部入一毕业就入正苦,几十年黎就系学识“听老细话”,“欺骗”同“硬推”,完全唔识玩政治,唔识谈判,唔识交换利益,视野狭窄,鼠目寸光,用处理办公室政治既手法去处理身处国际斗争风眼之中既香港政治问题

搵个咁既极品做香港特首,搞到今日咁既田地,系有其必然性,估计阿爷都始料不及,系香港做几十年官,竟然可以蠢到呢个地步,连阿爷都比佢玩死
3. 始料不及 2020-01-23 12:26:24
真片哥, 「唯吾矣」自治区领导驶唔驶你讲咁多条件呀?
4. 与世无争 2020-01-23 12:29:44

「天作孽,犹可违。自作孽,不可活 。」

5. 鸟5 2020-01-23 13:23:09
同我上年批判.屋漏兼逢夜雨..今次五鬼拍门....我睇最多大概系五至5.2...今日香港政府开支都冇小过..不过地霸嘅实力..就真系越嚟越弱.. 目迪评级其实就唔系好坚好有影响力.. 标普呢个先系坚嘢,不过暂时未到...香港而家只能够搞,就系自己份内事...我睇到而家都系牛鬼蛇神...揽炒阶段..暂时未变...等下
6. 鸟5 2020-01-23 13:25:27
失业率5~5.2左...右多6至7万人左右...
7. 鸟5 2020-01-23 13:48:45
坐下觉得美资走短期大走机5大,小注长走就发生好耐...香港实体资产偏高先系主因...反而江派旧部走...D果其实先系(而家)发生既事..林郑果D只系枱面野...拨乱反正..从前系负负得正..地覇D镬最后玩黎玩都系佢受害...同上年判断一样...枱面枱底佢都系受害..床板夹春..新旧亚爷.枱底枱面..都系佢找数..今日都讲到好白.. 刀兄我上年都讲..共产党权斗历史系揸军果边胜,文官必然归边..当中只系过程..中中联办搵个省长空降,重点系背景同香港不嬲冇关...都摆到明
8. 鸟5 2020-01-23 13:55:50
李超走货走得靓..其他果D现先发现比人套住..迟左被动..法外优势由主变客.5讲咁白
9. 鸟5 2020-01-23 14:03:54
坐下觉得系乜都系等....亚爷都系出左招观察等下一步...
10. 鸟5 2020-01-23 14:13:42
真真兄,如果换人可以搅店一早换左,同董生CY一样..我坐下觉得...佢做啱左一D野以上两位冇做过呢?有D乜野唐生,CY,董生都冇做呢?
11. 背景同香港不嬲冇关 2020-01-23 14:38:22
雀哥,地板玩大咗,前领导会唔会请去入康文署教育营,尚在未知数。
12. 引刀一快 2020-01-23 14:42:15
https://mp.weixin.qq.com/s/WgSTkYERyP0pTbwjsM9s_A

呢啲叫做“解铃还须系铃人”
猪年用猪瘟整你唔死,鼠年用竹鼠蝠鼠海狸鼠整死你。
13. 鸟5 2020-01-23 15:05:19
等...别冇他法
14. 别冇他法 2020-01-23 15:37:55
法无常法, 顺势而行。
15. 引刀一快 2020-01-23 16:26:59
冇得等,否则一波未平一波又起,对家就系要中国死。
16. 引刀一快 2020-01-23 16:27:46
苹果执笠之日,香港收皮之时。
17. 鸟5 2020-01-23 16:56:34
呢几日国内开会国内国企如何加大香港,投资特别系一啲大型投资项目影响民生...左搞右搞都系地产项目..大户攞货,越攞越平我今日同你讲...23条辐射香港第二次吹
18. 引刀一快 2020-01-23 17:05:29
鸟5兄

惊吓肺炎辐射香港先喇。
19. 十一哥 2020-01-23 17:05:47
雀仔   唔好咁灰、等…做收买佬、地球未停、有水…世界唔好即系好、冇水…好世界塘边鹤得个闭翳…问下刀刀就感受最深。

20. 引刀一快 2020-01-23 17:28:38
21. 引刀一快 2020-01-23 17:29:37
解铃者,系铃人!
22. 鸟5 2020-01-23 21:11:15
11F, 我做个比喻目标人物,可能系最后一个知...尤其系特别最大嗰啲... 近十年嘅国内特色
23. 鸟5 2020-01-23 21:18:19
香港咗几个家族开晒file几年㗎喇,冇事咪冇事罗.有事就搞㗎喇...共产党嘅历史系从来未出过一个失控嘅财阀...唔系美国日本
24. 鸟5 2020-01-23 21:24:27
97 当年阿爷夹埋香港嗰班地霸肢解英资... 香港班地霸心中有数唔讲咁白
25. 引刀一快 2020-01-24 05:13:27
鸟5兄
呢铺我又够胆讲白佢,就系俄罗斯。
26. 鸟5 2020-01-24 12:44:44
刀兄,关於病毒系生化战嘅论点当年沙士主将王岐山事后系低调用咗一百万人创造人类史上第一个中国人嘅DNA图,3年时间...源於华裔高於其他种族感染差不多三倍...但最后观点系病毒会自我转码所以放毒者难以控制所以否定咗呢个论点....不过中央有呢个意识(被发动生发战)...呢个系事实...上年印度亦都爆发个神秘病毒印度总理深夜到四川亲见习近平.原因全亚洲最顶级嘅生物实验室其实响中国...
27. 自我陶醉 2020-01-24 15:34:17
引刀兄

你可能中慢性毒毒了,叻嘅就系自己英明神武,镬咗就系外国势力。 哈哈哈!

28. 引刀一快 2020-01-24 16:07:31
鸟5兄

呢味嘢,我谂你冇我清楚。
29. 引刀一快 2020-01-24 16:09:07
自我陶醉兄

呢铺九成九,俄佬唔出声我冇咁肯定,佢一讲,不打自招。