地产博客 > 楼市散打王 返回
浏览人次:12151    回应:5
楼市散打王

市场地产资讯唔会呃人

 

方卓如

2018年2月3日 (信报)

  饷物业估价署私宅售价指数又创新高,上年升15%,比2016年升幅高出九成。2016年上半年曾经楼价回调,下半年又再向上回升。2017年楼价直情未停过,同股市一样由头升到尾。股市你睇淡,叫人唔好买,最多令人赚少啲,唔会令人生活质素下降,至多无法提升;但去年年头叫人唔好买楼,升足一年,人工没有升15%,代表购买力下降咗,可以买嘅尺数又少咗。计埋租金升幅,叫人唔好买楼嘅系令人生活质素下降。所以,自觉说话有份量嘅人,标准答案一定系,量力而为,自住就买,投资则免。咁讲法虽然行货,却是实情,唔会害到人。

  至於说话没有份量嘅,唔怕害到人嘅,梗系讲有钱就买楼,唔自住都攞嚟投资,畀首期等人帮你供。你唔见全部有钱人都走出嚟讲话睇唔到楼价有机会跌咩?佢哋大部分人都系发展商,系卖楼嗰个。只要佢哋唔想楼价跌,以现时由佢哋主导市场,楼价就系唔会跌。唔跌,代表大把人继续无法上车,要租楼住。咁即系话,大量人口可以帮你供楼。你见热门屋苑长期缺盘,甩皮甩骨嘅都唔会平租畀你,唔系个个买得起楼,但个个都要有瓦遮头。只有豪宅先会出现丢空冇人住嘅情况,因为业主唔会平租,有能力嘅租客又大把选择,两者嘅差距系好难拉近。所以中价细价楼咁多人抢,尺价贵过豪宅,正是自住同投资嘅都一齐抢盘。

  另外楼价唔会大跌嘅原因,系因为钱多,而钱多嘅最有力证据,就系连财仔都要降低利息。财仔最喜欢做物业按揭,你睇电视广告就知。而家财仔借钱,可以跌穿10厘,代表财仔都要争生意,唔能够再用财仔息口借贷。如果钱少债仔多,财仔会唔会收平息?一直话息口上升,但财仔嘅息口都下调,究竟系学者分析睇得准,还是市场地产资讯唔会呃人?

 
 
我要回应
我的称呼
回应 / 意见
验证文字
 
会员登入
登入ID 或 网名
密码
1. 有道理 2018-02-03 12:56:25
数据反映一切
2. 有道理 2018-02-03 12:57:00
数据反映一切
3. 孟波 2018-02-03 13:23:54
呢度系统好奇怪,第一个留会一炮多响。
4. G 2018-02-03 16:45:50

  专家有冇份量都好 , 多发声言多必失 , 错信者怨对 , 犯不着 。 如专家只摆出数据 ,反而能真帮人。
   
  某地犹太电王 , 几十年闷声发大财 , 忍功一流。
5. Johnny 2018-02-04 11:31:38
方生所言甚是,唔似某d砖家,一味话利息上升所以楼价会跌。