地产博客 > 楼市散打王 返回
浏览人次:10825    回应:1
楼市散打王

Hi tech唔再揩嘢

 

方卓如

2017年10月28日 (信报)

恒生指数收报28305点,跌181点,成交913亿。人类觉得而家市况好难捕捉,唔易赢钱,人工智能会点谂?人工智能操盘嘅ETF、AIEQ,开档两日已经跑赢标普500指数,证明就算大市冇乜确实方向,唔使扑中只爆升股,都一样搵到食。反而人类就拘泥於大市仲有冇力上升,会唔会位高势危,坐喺度等冧市。人工智能炒股票,人类最聪明嘅做法,就系偷睇人工智能买乜嘢,然后跟住买。AIEQ有公布购入股票持股量,有兴趣嘅自己可以捉吓盘路,睇吓你系咪可以好似柯洁咁,能够从人工智能身上提升自己功力。

Bloomberg分析华尔街边几样工种会受人工智能影响,麦肯锡又有出报告探讨华尔街前中后枱边张最受影响。但各方结论都系,人工最厚、智力要求最高嘅工作,未来5年减三成在所难免。咁而家嘅后生仔读咁多书做乜?开发人工智能只系需要几十人团队,每年全世界过百万大学毕业生,读完书仲有乜嘢路数?反而嗰啲读唔成书,日日挂住打机嘅废青,打得叻加入电竞队,随时杀出条血路受万人景仰。

所以而家教仔,唔可以成日叫佢读书,反而要畀佢尽情玩,玩到有一瓣成精,咁仲有机会出人头地,哪怕佢玩嘅系打机定腹语,只要佢肯摆时间认真玩,咁你就安乐晒。

阅文准备上市,预计反应比众安更热烈。2017年同1997年都系影响香港人思维嘅一年,1997年系令香港人知道楼价没有永远上升,叫而家任何一个买楼嘅人都问自己怕唔怕楼价跌,又叫任何一个等紧买楼嘅人有信心等;2017年,香港人终於醒觉hi tech未必揩嘢,hi tech原来都可以捞嘢,开始信科技股系真。以后任何想炒嘅股票,如果冇啲似样嘅科技元素,好难炒。香港最成功嘅本土科技股系乜嘢?GoGoVan?有时候科技都唔系一定要先进到识炒股票先系达标,简单地帮到人类生活改善已经有价值。

你穷一世精力都唔会谂到点样利用机器炒股票,但系用手机程式收集文章同订车送货,怕且都系思考能力范围。趁你仲有思考空间,快啲谂啲hi tech嘢,在机器取代你之前捞番笔

 
 
我要回应
我的称呼
回应 / 意见
验证文字
 
会员登入
登入ID 或 网名
密码
1. 美国科技股 2017-10-28 14:05:17
没有创新科技的能力,可考虑一下买美国科技股,例如阿马信昨天升了$128美金!最近更有明灯指引,信心保证。