几年前,一篇「你一直不买楼的理由」的讽刺文章於业界疯传,本栏亦有为大家报道。
殊不知,原来最近又有新「理由」,以下是综合的最新版本:
你一直不买楼的理由
2003: 沙士,明天都唔知会唔会死,唔买住
2004: 有自由行,但好惊沙士再来,唔买住
2005: 美国加息,供楼负担大咗,好快跌番沙士价,又唔买住
2006: 150万楼仔又细又旧又冇会所,再升阻力好大,一定会跌番落去,唔买住
2007: 今年睇楼市大跌,抄下股票先,大手入了中资股,中寿、中交建,楼唔买住,租住等跌
2008: 美国金融海潚,好快跌回沙士价,美国虽然减息,但啲股票做晒蟹货,睇定啲,银行又唔借钱,唔买住,总之本多终胜
2009: 美国QE1,公司生意好差随时失业,特首仲叫人去大西北买4000一尺楼,无能政府,等跌唔买住
2010: 美国QE2,政府打击楼市炒家推行SSD!楼价就升到97价,根据经验楼市好快爆煲,陈德霖、曾俊华话息口只会上升,零息系冇得再减,信佢哋唔买住
2011: 楼价又升唔再追,政府一定再打爆楼市,陈德霖、曾俊华话美国好快加番息,一定无QE3,政府起置安心,很多人卖自住转租等大跌,一齐唔买住
2012: 支持梁振英做特首,1%土地住100万人,美国QE3、QE4月月印850亿都冇用,最少跌3成,都系唔买住
2013: 政府再加辣打击楼市,陈德霖、曾俊华话香港可自行加息,收紧咗按揭,日本欧洲无限QE都冇用,楼价就快大跌,唔买住
2014: 美国月月减债退市,而加息期就快到,伊波拉杀到来,占中业主一定大劈价3成4成,香港玩完,业主虽然暑假大幅加租2成,忍住先,反正就大跌,年尾又有2000间居屋平售,欧日QE都冇用,唔买住
2015: 专家话细价楼就快爆煲,等紧政府加辣,美国就快加息,潜在新供应7万3千个,跌5成不是梦,唔买住
2016: 终於加息四分一厘了,供楼负担太重,又加3厘压测,都系等跌7成8成,唔买住
2017: 供应开始多了,美国又加息四分一厘,楼价必然下跌,等跌9成,要买都买日本楼,香港楼不了
2018: 年纪开始大就到4张嘢,银行借唔到还款期三十年咁长,个市又干升,要跌多啲先得,又唔买住
2019: 香港无希望,好惊2047年无50年不变,不如两公婆齐齐唔做嘢,排公屋等上楼,派到新公屋就发达,唔想做楼奴,又唔买住
2020: 新冠肺炎楼市有排跌,随时返去沙士价,加上国安法杀到,美国准备取消香港独立关税区地位,唔洗讲,香港世界末日,啲楼跌到阿妈都唔认得,千万不要接火棒
2021: ...
2022: ...
2023: ...
2024: ...
2025: …
2032: 「明日大屿」第一批入伙,市场太多供应,都系继续租
2047: 周身病痛,行都行唔到,人都就死,下一世先谂买楼,都系唔买住。