【珍惜香港】2019-10-06 23:07《支持警队,否定黄黑》TO:47/F、48/F、78/F 引刀一快
政治言论也好、政治行为又好,我跟本就懒得去分。所谓,大丈夫,有所为,有所不为。引刀兄,果啲唔知乜鼠辈,我自有方法应付,如果连发声咁基本都做唔到,就真喺要改笔名啦!
至於你话我
只喺写价值,而唔写核心价值,喺因为我认为你所讲嘅,根本就唔喺核心价值。核心价值,就喺衍生及支撑其他一切重要价值嘅原始价值,所以我认为,
香港嘅核心价值,只得五个字,
「狮子山精神」!其他都只不过喺虚无。所谓自由、人权、法治,如果唔喺秉承著狮子山精神去捍卫嘅话,只会瞬间即逝。正如你滥用自由,就会失去自由,滥用人权,就会失去人权,滥用法治,就会失去法治,将呢啲失去,赖哂政府、赖哂国家,赖哂啲乜嘢白色恐怖,而唔肯去检讨一下自己嘅,根本就喺自欺欺人!
狮子山精神,喺讲建设,唔喺破坏。我地通过建设,成就理想,就算前面见唔到目标,冇成功嘅保证,都无阻我地嘅付出。尽力而为之后,就算达唔到目的,都欣然接受,而唔喺走去发难渣搞破坏。呢条路唔得,咪行等二条罗,再唔得,咪行等三条罗!LIFE WILL FIND ITS WAY。希望,从来都唔喺由人地赋予,更加唔喺走去迫人地赋予;路,喺由自己行出嚟,
希望,亦要由自己去绘画,每一笔都喺惊喜。
香港呢场风波,可以话喺占中嘅延续,但情况比当年更严重,对人心嘅冲击更大。记得当年你话,占中只喺
细路仔玩泥沙,九成九搞唔成,我认为你低估咗占中嘅威力,而今日你嘅态度,似乎都喺差唔多。或者你认为,呢纇事件,只不过喺某啲势力响背后操纵啫,只要佢话停,就乜叉都停哂。引刀兄,难道你真喺以为咁简单?一个充满煤气嘅房间,擦一丝火花,即刻爆炸,但如果间房喺乜都冇嘅话,莫讲话爆,你想烧都难。乜嘢背后势力,根本就唔重要,冇民心嘅配合,你搞得出个乜?依家嘅局势,就算你话果个背后势力,肯去叫停,但只要求其一件蛋散接上,都一样会继续,没完没了。
过往几年,好多民心,
逐渐被蚕食,就好似一个漏紧煤气嘅房间咁。佢地开始迷失,开始分唔清对错,而当佢地越分唔清对错,就越执著於对错。点解我成日提住,
占中呢件咸丰嘢,就喺因为想大家,回忆返当年嘅一点一滴,重拾当年嘅意志,予以坚守。引刀兄,一个 721,竟然可以将一个人嘅态度,以及对事物嘅焦点,作一百八十度嘅转变,将一个人嘅意志推倒,使之沉沦於真「相」与「真相」之间,不能自拔。
其实,真「相」又点,「真相」又点呢?试问,冇黄,又何来蓝?冇黑,又何来白?而执法者,从来都喺最无辜、最被动。当我地了解呢堆因果关系之后,就自然会明白到,所谓 721,只不过喺事态发展嘅必然结果,有乜咁大不了?黄蓝之间,黑白之间,基於佢地嘅因果关系,本来就唔喺对等。黄黑消失,蓝白就自然消失,但蓝白消失,黄黑只会更壮大,响呢个咁唔对等嘅形势之下,所谓中立,又有何意义呢?呢个世界嘅本质,喺唔会因为一个 721,而一下子改变。如果你突然发觉,
个世界变咗;其实变果个,只喺你自己,个世界,始终如一。
最重要,喺勿忘初心!
引刀兄,帮朋友,唔喺教佢去逃避,况且人地根本就唔想逃避。人地又唔喺冇能力响香港居住,亦希望继续留响香港,你叫佢走入大湾做乜?人地冇谂过要放弃,咁你就应该要劝佢面对、劝佢放下执著、劝佢重拾初心!
多年以嚟,我地嘅立场,坚定不变。一个社会,喺由市民组成,
法治精神,喺依靠广大市民守护著。冇人出嚟搞事嘅话,啲警察得鬼闲同你开 PARTY?如果社会嘅治安,以及市民嘅法治精神,倒退几十年,咁警队嘅执法方式,就自然须要倒退几十年。唔好以为我地自以为是,正正就喺因为我地有自知之明,先至唔会扮哂包青天,扮哂摩斯,随便将啲乜叉真「相」,套入去人地以单一角度预设俾你果啲所谓「真相」度。
今日,
我地全力支持警队,全面否定黄黑,意志坚定,寸步不让!香港警队,喺全球最优秀,但可惜,佢地有个无良雇主。
呢位无良老板,唔喺政府,佢嘅名称,叫做
「市民」!