1. 浪子心声 2019-09-11 14:41:50
|
成篇文章只想讲这三句:「适当放宽楼市辣招,给外地客购买私楼,对香港利多於弊。」
在今天的政治形势,这是绝对的「政治不正确」。
睇完篇文火都嚟,出边咁乱重要政府放宽辣招同你地托市,收手喇!!
「民建联」和「公屋联会」就「政治正确」喇,佢地这样才能为年轻人做点事及带来希望。
|
2. 东成 2019-09-11 14:57:21
|
我支持蔡生文章,分开两个市场,对香港基层最有利,民建联也是这样认为.
|
3. 东成 2019-09-11 15:00:34
|
我相信细节有待另外进行解读,但如果香港政府再失去地产业收入,香港好快沦为三线城市.
|
4. 实事求是 2019-09-11 15:08:24
|
1楼浪子兄:
阁下理解出现错误,民建联同蔡老板睇法差不多,都是支持收回土地条例,也是分开两个市场,公屋起多啲,实现3年上楼目标.
|
5. 亮剑 2019-09-11 15:52:06
|
小弟好多年前巳经叫政府同发展商合作开拓新界农地,为免被人认为有官商勾结明益发展商,补地价呢一笔,政府可以分期向小业主收取、迟啲收又得、收少啲又得,甚至豪畀你都仲得(绿置居),不过小弟人微言轻,冇人搔我😰😰😰
|
6. 十一哥 2019-09-11 16:15:15
|
贵族波地…足以满足现有公屋需求、住50万人都冇难度、睇番之前十一哥用太古城嚟对比就得、规划好简单、交通…接驳现有铁路…优化效率/减费…鼓励使用集体运输、车位高价租用…减低需求/公路压力、商场只作出租…庞大人口可以提供强大经常性收入…津贴区域营运、复杂难行嘅理由…只系怕搅喎正苦最大入息来源啫 !
|
7. 基层市民 2019-09-11 16:35:40
|
客观嘅睇法,如果政府库房少收入,将来加其他税对香港唔系一定好,所以我支持蔡老板意见,将楼市分为两个市场.
|
8. 支持者 2019-09-11 16:37:00
|
我同意蔡生文章!
[以后香港主要的产业,或只剩下金融业和地产业。受到社会各界和基层声音的压力,楼市面临巨大改革,大量兴建公营房屋和资助房屋事在必行,笔者同意必须优先照顾基层市民的住屋需要,以低廉的价格半卖半送出去,可起到维稳作用。另一方面,为了保障政府库房收入,适当放宽楼市辣招,给外地客购买私楼,对香港利多於弊。]
|
9. 实事求是 2019-09-11 16:45:29
|
1楼浪子兄:
阁下理解出现错误,民建联同蔡老板睇法差不多,都是支持收回土地条例,也是分开两个市场,公屋起多啲,实现3年上楼目标.
|
10. 东方竹 2019-09-11 17:03:33
|
5楼亮剑兄:
阁下见解高明,评论中肯,值得大家学习. 如1楼浪子淡友之辈,一味想楼价大跌自己执平嘢,搞到宜家买唔起楼好愤怒.减辣长远楼价唔会升,根本佢唔会懂.
|
11. 道德高地肚内的虫 2019-09-11 17:58:21
|
|
12. 家丁 2019-09-11 18:21:15
|
港交所提出与伦敦证券交易所合并 溢价近23% 曙光初现, 黎明将至
|
13. 冇将来 2019-09-11 18:48:16
|
|
14. 浪子心声 2019-09-11 19:18:08
|
我无睇错,明明写注「给外地客购买私楼」,香港不但公屋不足,私楼亦非常不足,才引致今天的乱局,现今楼价还在历史高位,应该增加供应让楼价有序调整,让香港人多购买私楼才对。
我啲火一点都下不去!!
|
15. 浪子心声 2019-09-11 19:39:14
|
To 7楼,
就算分两个市场都应香港人优先,如放宽辣招让外地客购买私楼,尤其是内地客有14亿人口,一百万个内地富翁可买起全港所有私楼,起几多私楼都无用,永远供不应求。
这样形成的两个市场,一个是「公屋市场只给香港人」,而「私楼市场只有内地富人才负担得起」,同现今格局差不多。只是多咗啲低人一等的公屋。
因此辣招不能随便放宽,要等待楼价有一定的调整和土地供应到达可控后,才应考虑如何作适当的改变。
你去问一问年轻人,未来政府只增加你拥有一间公屋的机会,一世只能住在公屋,无论你点努力,私楼是永远负担不起的,向上流的机会没有改变,你觉得你在香港的人生有希望吗?只不过是轮候公屋的年期从6年可能减短到3年,有分别吗?
|
16. ~~ 2019-09-11 21:45:09
|
香港一向靠卖田卖地,储备几千亿冇比英国佬殖民坤走, 乱搅落去,迟早冇埋地产支柱,就嚟连生果金都cut埋.
|
18. 自我陶醉 2019-09-11 22:27:58
|
1楼 由始至终都咁天真,哈哈哈! 呢班人系为自己选票,所以今天的我,打倒昨天的我,而唔系为年青人做。
啲官唔洗靠选票,几差都可以继续做,所以可以依然故我。
|
19. 浪子心声 2019-09-12 00:08:56
|
自醉兄:
我都明白他们有为选票而做,但对大众有利为大局的,大家就应该支持。
看看这班泛民议员,连加把口支持都不愿意讲,我真系有点感觉,好多泛民议员根本就系地产商嘅人,从不关心房屋问题,只讲政治,又明知这些政治议题什么都做不到。
我认为,谁真正做到嘢又为香港的,就应该支持,祝「民建联」年尾选举大胜,民建联加油!
|
20. 拭目以待 2019-09-12 04:18:40
|
浪子兄:
照顾好本土居住需要,跟住开放楼市给外地人买楼,冇甚么问题吧.楼价唔一定升,经济差时楼价自然会跌,唔驶咁火,阁下买唔到楼嘅心情大家会体谅. 全世界都欢迎外地投资者,阁下理解能力稍差矣,要学下蔡生同亮剑兄吧.
蔡生上一篇文章摘要:
"10月份的施政报告是一个转捩点,笔者相信这将会是一份豁出去的施政报告,其中房屋政策会是重大焦点。房屋除了可作居住外,还有维稳作用,因此港府要作大胆尝试。笔者提议学新加坡,将楼市分开两个市场, 一个是私人楼市场, 一个是公营房市场。供应比例短期内由3∶7之比改为2∶8,大量増加公营楼房数目,可透过改划住宅土地用途,强迫徵收棕地及农地,增加公屋地积比率等,此为短期措施,中长线要大力发展「明日大屿」计划。
最重要的一点,参考前特首董建华当年的房屋政策, 10年内让7成香港人拥有自住物业。如何达到此目标?将公屋以廉价卖予公屋住户,如一个500尺的公屋单位,以港币100万左右卖予住户,以贷款9成计算,每月只需供款港币$4000左右,相信大多数公屋人士都负担得起,并会购入自用。这样的话,不出10年内,香港就有7至8成人拥有自住居所,有了资产,人心会比较安稳,工作会比较努力,游行示威也会少很多。"
|
21. 自我陶醉 2019-09-12 07:55:45
|
浪子兄
一个有效嘅政府就要平衡社会利益,而香港成个政治架构,从来都系倾埋一边,先会造成今日嘅局面,啲年轻人唔系傻㗎,一早讲咗楼价咁升法香港必定会有动乱。
成件事转捩点就在721事件,事情已经发展到唔只系民生问题了,在一个文明开放嘅社会,用下三流嘅手法去解决政治问题,令香港大部分人对我哋一向引以自豪嘅管治同法治完全失去信心,呢个就系点解咁多人选择上街嘅主因,关键问题唔解决,动乱同社会怨气根本唔会平息,武力镇压只会令社会矛盾升级。其实政治就系咁伪善,有选票先会有人睬你,呢班人嘅转駄,加埋政府对待民意嘅冷漠,只会reinforce市民争取对政府管治班子委任要有say嘅决心。
|
22. 引刀一快 2019-09-12 08:29:02
|
浪子心声兄
俾多啲外地人买香港楼,有咩问题唧?佢地买多啲,俾多啲税香港政府收,冇问题喎! 重点系,外地人俾香港价,打香港税,买大陆楼,人地肯,点解你唔制?哈哈哈
中港同质化,系冇得返转头嘅,令人难过嘅系,嚟得太快太突然,超出想象。
|
23. 引刀一快 2019-09-12 08:38:03
|
自我陶醉兄
721,媲美大陆非法拆迁,香港嘅底线就系港楼嘅“值”,原来完全同楼价脱钩。
|
24. 自我陶醉 2019-09-12 08:49:15
|
引刀兄
依照当年邓小平嘅说法,香港50年不变,50年后国内方方面都会提升到国际水平,香港已经没有改变的需要,同质化虽然系预咗,但预嘅系向上同质化,与向下同质化有很大分别啊!
|
25. Akto 2019-09-12 08:55:22
|
加拿大总理杜鲁多 法国总理马克龙 美国总统奥巴马 当选时 都是 30零40零岁的年轻人 怎会没有年轻领袖 就是那班老人恋眷恋权力 才会导致今天的局面
|
26. 引刀一快 2019-09-12 09:10:45
|
自我陶醉兄
向上向下,系要睇民意,香港想学大陆嘅人咁多,佢地不论向上向下,总之接轨就啱嘞,但系佢地又接受唔到两地楼价接轨喎,真盏鬼。 有啲人希望大陆变成香港,有啲人希望香港变成大陆,唔知边个先至算爱国呢?
|
27. 忍者 2019-09-12 12:09:58
|
如果以后得番金融地产业,大家咪一齐转行发展罗。就好似以前咁。穷则变,变则通。
|
28. 泡沫爆破 2019-09-12 13:35:32
|
今次楼市好大泡沫,香港乱局有排搞,各位做好准备,以免暴跌时逃生无门.
|
29. 风险 2019-09-12 17:39:10
|
照顾到本土买楼,公屋或资助房屋,私楼少人买,楼价就会大跌,放俾大陆客买都冇用,楼价高大陆经济又唔好,边有咁多购买力. 楼市未来危矣!
|
30. 笑料 2019-09-12 19:13:03
|
皇帝唔急太监急,自己冇楼理得人地业主做乜?关你叉事?
|
31. 东方竹 2019-09-12 19:51:31
|
to25楼:
以码都40岁左右啦,20几岁未做过嘢,就想做领袖似乎后生啲.
|
32. 出前一丁 2019-09-12 20:05:17
|
|
34. 70 2019-09-12 22:24:13
|
香港就算新增土地起楼,基本上冇可能满足到内地甘多人口,须求香港买楼投资。 1年卖5000个比陆客。 10年,20年,都几大条数下。 陆客既然要投资房产,返大陆买,唔好再搞乱香港地产市埸。 大陆一早都禁外地人买, 留返比本地人买,这个才是问题所在。
|
35. 几开心. 2019-09-12 23:23:25
|
行业衰亡 代表一个时代结束。。。 现在见咁多人慢慢供贵楼都几开心.
|
36. 是港人 2019-09-12 23:46:04
|
高喊「光复香港,时代革命」口号,??? 此是没有脑浆的口号, 香港原是中国的领土, 在中英谈判中顺利通过不经战争方式回归中国怀抱, 任何一位有血性中国人, 有血性香港人, 任何一个强势国家都不会放弃其领土主权, 「光复香港」什么意思??? 「时代革命」革谁的命??? 香港人就是中国人的一份子, 蒙面黑衣人不敢以真面目见人......成个香港恐怖主义型式模式....如何支持你???
|
37. 笑料 2019-09-13 10:56:23
|
|
38. onclerkclerk 2019-09-13 12:16:29
|
经过今次的事件,应该没甚麽大陆人有兴趣下来香港买楼了。
|
39. 基层市民 2019-09-13 17:48:28
|
楼上:
你讲得啱,宜家大陆客都唔来香港,仲讲买楼?讲笑咩.
|
41. 工友 2019-09-15 03:51:49
|
仲话放宽内地客搵香港买楼,咁死储钱未上到车的香港人点呀?呢啲咪系物业投资者的贪婪罗!
|
42. 认命 2019-09-15 21:43:15
|
|
43. 东成 2019-09-16 20:13:38
|
楼上工友对楼市认知不足,楼市分两个市场对基层最好. 宜家开放俾大陆客买楼,他们都唔来买啦!
|
44. 实事求是 2019-09-17 01:00:22
|
楼上讲得啱,香港系购物天堂,货真价实和物品廉宜,内地客都唔来买.
楼价而家咁贵,仲讲怕人来买楼,当人地系傻仔,你请人都唔来啦.有啲人真系冇知识.
|
|