地產博客 > 敢說亮話 返回
瀏覽人次:12126    回應:6
敢說亮話

茶餐廳亂話(917)茶餐廳的失業率

 

湯文亮博士

紀惠集團行政總裁
2021年3月5日

  今日早上去到茶餐廳,老闆同佢阿媽嘈交,我了解之後,今次真係民有民有理,官有官有理,原來茶餐廳一向用開十個伙記,上個月走了三個,老闆自然要請返三個人,但佢阿媽唔准,理由是根據政府失業率計算方法,過去三個月的每月平均數,茶餐廳只欠一個伙記,所以,只准老闆補充一個伙記,老闆大娘問我啱唔啱,我話政府做嘢一定啱,話唔啱即是質疑政府,有可能犯了新的法例,不過國有國法,家有家規,茶餐廳用這個方法就唔啱,我話換句說話,茶餐廳在三個月前欠三個伙記,後來兩個月已經補充了,以政府三個月的平均數計法,茶餐廳仍然欠一個伙記,是否要請多一個伙記,老闆大娘話明白,仲請我食早餐。

  有老友問點解香港政府計算失業率的時候會用過去三個月的平均數,理由很簡單,就是維穩,倘若失業率突然上升,由於有另外兩個月幫補,大家睇到在過去三個月的失業率平均數仍然不高,以為疫情沒有重創香港,其實,這是錯到不得了做法,我們就是要知道被疫情重創,才知道怎樣防守,以為只有7%失業率,都唔係好傷,原來失業率在一月份已經超過10%,真係重傷都唔知。

  根據我的觀察,香港經濟正在復原,但失業率仍然會維持在7%甚至更高,這未免令到香港人失去信心,明明見到市面旺了很多,但失業率仍然高企,維穩變成恐懼,所以我認為,統計處應該公佈每月的失業率,令市民對市況好壞能夠早作準備。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 維穩變成恐懼 2021-03-05 10:09:11
內地已經冇左大款, 本地也因同內地更一致而失去獨特性。
2. 仍然高企 2021-03-05 11:27:01
弊嘞, 阿董好似戴卓爾咁跌倒, 真係弊嘞。
4. 十一哥 2021-03-05 13:30:28
2樓   成抽一網起…漁業班頭扒地…
5. Fisherman 2021-03-05 17:54:05
6. 十一哥 2021-03-05 22:50:48
5樓  25可收為己用…封埋擺上神枱、敵人唔一定要殺絕…收敵矛攻敵盾。
7. 腥港人 2021-03-05 23:23:29
每月公佈過去三個月嘅平均數,其實識得計都估到1月大概7.5-7.8%,反而要留意係同其就業人口都被減少左,呢個篤數嘅空間先大。所以估到8%左右其實差唔多。