地產博客 > 敢說亮話 返回
瀏覽人次:5695    回應:1
敢說亮話
茶餐廳亂話(720)老婆懶是老公福份
 
湯文亮博士
紀惠集團行政總裁
2020年7月4日

  今早去到茶餐廳,有人挑機,竟然問老闆佢老婆是不是很懶,有時都會見到老闆大娘,但很少在茶餐廳見到佢老婆做嘢。老闆話佢老婆好懶,不過,老婆懶是老公福份,千祈唔好身在福中不知福。老闆說得極對,但很多人不明白箇中道理。

  我最初做嘢的時候,有同事在星期一早上無精打采。老闆問理由,原來同事老婆話星期日是清潔日,由朝做到晚。雖然叫同事休息,但做男人,怎可以由女人做,自己走去瞓覺?於是星期日仲辛苦過平日,到星期一返工時就沒精打采。

  老闆話做茶餐廳也是一樣。如果佢老婆經常到茶餐廳,一定話個樣唔啱,那樣不妥,又叫老闆攪得d新嘢,經常轉換菜單,又唔鍾意老闆同客人打牙骹,話浪費時間。所以,老闆話佢老婆唔去茶餐廳是佢的福份,他非常感恩,可以優哉游哉。老闆講完,連挑機的客人都同意。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 十一哥 2020-07-04 10:28:28
英雄所見…全同 !