地產博客 > 敢說亮話 返回
瀏覽人次:21153    回應:20
敢說亮話

茶餐廳亂話(620)止疫制傳應當機立斷

 

湯文亮博士

紀惠集團行政總裁
2020年1月23日

  今早去到茶餐廳,明顯少了很多客人。大家亦明白,在這個武漢肺炎時間,避免在公共場合出現亦是可以理解。有女熟客問,政府應該如止疫制傳。簡單來說,任何政策都是有效,問題是政府要當機立斷。女熟客話男女關係都是一樣,知道對方是基佬就要立刻斷咗佢,她的解釋亦未嘗不可,但並不是止疫制傳。

  老闆話武漢今早十點封城,香港可不可以封城,禁止所有國內人士到港,突顯一國兩制。我話萬萬不可,如果這樣做,他日香港有事,中國政府亦可以封關,香港就變死城。現在最簡單做法就是將一個預作隔離中心的渡假村,強行要從武漢到來的人入住。不過,這件事要快,要當機立斷,兩日後才決定,什麼作用也沒有了。林鄭不在港,張建宗非大將之材,沒有一個官員夠膽做這個決定,香港人都是自求多福,唯有去少d街,自我隔離。老闆話唔怪之得,今日少了咁多熟客。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 強行要從武漢到來的人入住 2020-01-23 10:47:59
犯民一定反對
申請吟呻保護令
傳閱投票要反對, 因為冇得做騷同拉布
如果強行入住, 咁搵個由武漢黎嘅人掂掂犯民咁咪全部拉晒入營
就算犯民唔反, 個唱堅都會福核
3. 引刀一快 2020-01-23 14:39:50
https://mp.weixin.qq.com/s/WgSTkYERyP0pTbwjsM9s_A

呢啲叫做“解鈴還須繫鈴人”
豬年用豬瘟整你唔死,鼠年用竹鼠蝠鼠海狸鼠整死你。
4. 大鄉里 2020-01-23 15:03:12
記憶中,香港沙士時期,下了一場大雨,之後幾天陽光普照,沙士亦突然消失了。
不知在武漢攪一場大型人造雨,有沒有作用?


5. 下了一場大雨 2020-01-23 15:40:05
不是, 是驚蟄那天響大雷。
6. 真真薯片 2020-01-23 16:11:55
習帝一聲令下,各省市齊出招,依家已經變成跑馬仔,港官永遠都係慢人幾拍,好聽就係以不變應萬變,實際上其實係等運到,開跑幾日,澳門已經遙遙領先香港

如無意外,新沙士同沙士一樣,天氣一熱就會結束,正常五月轉熱,即係有二,三,四三個月要過,呢三個月死幾多人,係跑馬仔既最重要指標,而香港係晒無得做假數既城市,港官仲繼續等運到,我地真係自求多褔
7. 正常五月轉熱 2020-01-23 16:15:52
2019 年只有一天寒冷警告, 係九千幾萬年以來最熱嘅一年, 香港是福地呢。如果繼續熱下去, 唔駛等 5月啦。
8. 引刀一快 2020-01-23 16:23:34
真真薯片兄

咪傻喇,俄佬今次嘅嘢,一定耐夏天。
9. 引刀一快 2020-01-23 16:25:41
蘋果執笠之日,香港收皮之時。
10. 引刀一快 2020-01-23 17:48:22


解鈴者,繫鈴人!
11. 十一哥 2020-01-24 10:40:18
刀刀  好似頂到上腦咁嘅...

12. 路上行人 2020-01-24 10:54:20
Admin 有人係度賣廣告 ! 我都想 post 廣告請問收唔收錢 ?
13. 自我陶醉 2020-01-24 13:32:30
過咗十幾年,不但冇進步,仲衰過SARS嗰陣,有瘟疫唔通報,仲要搞萬人宴,驚死唔死得。 唉!


14. 引刀一快 2020-01-24 16:12:10
最慘係應該孭鑊嘅人,仲好似英雄咁企出嚟話要打贏呢場仗。
15. 自我陶醉 2020-01-24 16:41:20
呢個就係問題所在, 用嘅都係廢人 ,但個個都覺得自己係精英先死! 好似香港咁, 一早都話咗反蒙面法冇用 , 係都要話可以止暴制亂 ,仲覺得自己好有建樹 ,呢班白痴,白痴到有瘟疫都唔敢叫市民帶口罩, 千祈唔好畀我見到呢班白痴戴口罩。哈哈哈!
16. 引刀一快 2020-01-26 00:04:30
自我陶醉兄

可能,以後睇口罩顏色嚟拉人呢,哈哈哈哈哈哈哈
17. 自我陶醉 2020-01-26 09:22:56
引刀兄,

人在做,天在看! 

鄉議局剛剛在車公廟求得第九十二簽:

簽文:人生何在逞英豪,天理人情只要公;天眼恢恢疏不漏,定然作福福來從。

你話應該點解? 哈哈哈!

18. 應該點解? 2020-01-26 10:38:31
啫係唔好同人講法律自己唔講法治,天下為公唔好濫情囉。
19. 車公廟求簽 2020-01-26 12:32:57
類似要揸正嚟做嘅簽近十年來都唔係第一次出現,不過解讀嘅人有私心,就咁解囉。
20. 自我陶醉 2020-01-26 15:31:35
人有私心個天冇就得喇!

支簽只係叫人唔好有僥倖之心,因為天眼恢恢疏不漏,善有善報,惡有惡報,的確係你喜歡自己點演繹都得㗎!

單一句:定然作福福來從,已經有多重意思。 對於行善之人是上簽,對於行惡之人則是下下簽。 唔代入自己角色,又點可以知道是福是禍呀? 哈哈哈!

22. 引刀一快 2020-01-26 18:56:46
自我陶醉兄

呢支籤如果俾我解,咁就三個字:冇可疑。